Morgunblaðið - Sunnudagur - 26.03.2017, Blaðsíða 17

Eftir 1-2% fólksfækkun á ári um nokkurt
skeið fjölgaði íbúum í Norðurþingi um 140 á síð-
asta ári sem skilar sér í 13-14% hærra útsvari
til sveitarfélagsins. Í þessu sambandi segir
Kristján Þór það gríðarlegt hagsmunamál fyrir
sveitarfélög að allir sem þar búa og starfa, til
lengri eða skemmri tíma, skrái lögheimili sitt
þar og fyrir því hefur Norðurþing beitt sér.
Kristján Þór segir skort á húsnæði geta
stefnt í töluverð vandræði á meðan beðið er
eftir byggingu fleiri íbúða en vandræðin gætu
aukist á komandi mánuðum, sérstaklega ef
íbúum fjölgi mjög hratt. „Það er að koma
hérna 120 manna vinnustaður og því fylgja
alltaf einhver ruðningsáhrif. Þannig að við
verðum að byggja meira og það eru fuglar
komnir í skóginn, ekki síst í ljósi hækkandi
fasteignaverðs á svæðinu.“
Hann fagnar þeirri þróun enda sé það ekki
sjálfbær staða fyrir sveitarfélag til lengri tíma
litið ef hægt er að lokka fólk þangað á þeim
forsendum að húsnæði fáist á spottprís.
Framboð minna en eftirspurn
„Það er óhætt að segja að framboðið sé minna
en eftirspurnin,“ segir Björn Ingimarsson,
bæjarstjóri á Fljótsdalshéraði. Hann segir
sérstaklega þörf fyrir leiguhúsnæði í sveitarfé-
laginu en leigumarkaðurinn hafi ekki verið
nægilega traustur eystra. Allt húsnæði sem sé
auglýst fari með það sama og gildir það bæði
um húsnæði til sölu og leigu.
„Við höfum rætt það meðal sveitarfélaganna
hér fyrir austan hvort menn þurfi ekki að snúa
saman bökum til að auka þetta framboð. Það
er alveg ljóst að eftirspurnin er fyrir hendi,“
segir Björn en í þessu sambandi á hann ekki
við félagslegt húsnæði, heldur virkan leigu-
markað.
Að sögn Björns hefur
bæði sölu- og leiguverð
verið að hækka síðasta árið
eða svo.
Björn telur ekki að
Fljótsdalshérað sé að
missa af fólki af þessum
sökum en ekki sé langt í að
sú staða gæti komið upp.
„Það er aðkallandi verkefni að bregðast við
þessari þróun.“
Jákvæð teikn eru þó á lofti og segir Björn
ánægjulegt að byggingaraðilar séu komnir af
stað í sveitarfélaginu í fyrsta skipti í nokkurn
tíma. „Það er verið að reisa hérna fjögur rað-
hús í augnablinu og við höfum orðið vör við
aukna eftirspurn eftir lóðum,“ segir hann.
Allt fer undir eins
Björn Ingi Jónsson, bæjarstjóri Sveitarfé-
lagsins Hornafjarðar, segir skort á íbúðar-
húsnæði í sveitarfélaginu, bæði til kaups og
leigu; allt fari undir eins og það er auglýst.
„Þannig hefur það verið undanfarin þrjú til
fjögur ár,“ segir hann.
Björn Ingi segir leigumiðlanir á borð við
Airbnb hafa tekið talsvert til sín af húsnæði í
sveitarfélaginu hafi farið undir gistingu í
ferðaþjónustu undanfarin misseri og þar með
fækkað möguleikunum. „Nú er bara að bíða og
sjá hvaða áhrif nýju lögin koma til með að hafa
í því sambandi. Mögulega opnar þessi níutíu
daga regla á meiri útleigu enda þarf fólk ekki
lengur að búa í húsnæðinu,“ segir hann.
Björn Ingi segir sveitarfélagið þegar hafa
gert ráðstafanir til að bregðast við skorti á
íbúðarhúsnæði. „Við höfum greint þörfina og
fyrir tveimur árum hættum við að innheimta
byggingarleyfisgjöld; bjóðum lóðirnar sem sagt
fríar. Þegar eru hafnar fram-
kvæmdir við tvö hús af þeim
sökum og við höfum vænt-
ingar til þess að fleiri komi í
kjölfarið. Það er auðvitað
fyrsti kostur að hvetja ein-
staklinga til að byggja.“ Þess
utan stofnaði sveitarfélagið
húsnæðisfélag, sjálfeign-
arstofnun, á grunni nýrra laga um almennar
leiguíbúðir, og fékk styrk til að byggja fimm
íbúðir. Björn Ingi segir viðræður standa yfir að
verktaka til að sinna því verki. „Vonandi náum
við einhverjum af sterkari fyrirtækjunum á
svæðinu með okkur í þessa uppbyggingu enda
vantar þau húsnæði fyrir sitt starfsfólk. Þetta
yrði þá samfélagslegt samstarfsverkefni.“
Björn Ingi segir þróunina um margt vera
farna að minna á árið 2007; uppgangur sé mik-
ill og sífellt erfiðara verði til dæmis að fá iðn-
aðarmenn til starfa; þeir séu störfum hlaðnir
út um allt land. Spurður hvort hann sé uggandi
yfir þessu svarar Björn Ingi neitandi en mik-
ilvægt sé þó að ganga hægt um gleðinnar dyr.
Spurður hvort Hornafjörður sé jafnvel að
missa af fólki vegna stöðunnar í húsnæðismálum
svarar Björn Ingi: „Við erum alla vega ekki að fá
þá fjölgun sem við nauðsynlega þurfum á að
halda en það er fullt af lausum störfum á Horna-
firði, bæði hjá sveitarfélaginu sjálfu, í sjávar-
útvegi, ferðaþjónustu og svo framvegis. Ætli
þetta séu ekki tuttugu störf, hið minnsta. Það
eina sem stoppar það er húsnæði,“ segir Björn
Ingi en bætir við að íbúum sveitarfélagsins hafi
eigi að síður fjölgað á síðasta ári um 1,1%.
Framboðið að aukast
Kjartan Már Kjartansson, bæjarstjóri
Reykjanesbæjar, segir vanta meira húsnæði
inn á svæðið. Sitthvað sé þó í pípunum, til
dæmis er verið að gera upp margar íbúðir og
herbergi fyrir einstaklinga á Ásbrú, sem verið
hafa óuppgerð eftir að herinn yfirgaf landið.
„Þetta húsnæði er í eigu nokkurra félaga og
þau eru á fleygiferð að koma því í stand,“ segir
Kjartan Már.
Hann bendir líka á, að Byggingarfélag Gylfa
og Gunnars, BYGG, hafi keypt heilt hverfi af
dótturfélagi Landsbankans, sem var innan
varnarsvæðis og gekk undir nafninu Nikel en
nefnist nú Hlíðahverfi. „Þeir eru að hefja
framkvæmdir. Þannig að framboðið er klár-
lega að aukast.“
Enn fremur segir Kjartan Már búið að láta
út allar lóðir sem voru lausar í sveitarfélaginu
og mun það hafa verið talsvert. „Þannig að hér
er allt á fleygiferð og ástæða til bjartsýni.“
Hann segir bæði kaup- og leiguverð fara
hækkandi í Reykjanesbæ. Þróunin sé kannski
ekki alveg jafnbrött og í Reykjavík en slagi þó
upp í það. „Hækkunin er hröð og mikil og
maður sér næstum því mun frá mánuði til
mánaðar sem aftur veldur því að bygging-
araðilar treysta sér til að fara af stað og
byggja. Mér heyrist á þeim að söluverðið sé
orðið nógu hátt til þess að það borgi sig,“ seg-
ir Kjartan Már.
Hann vonar að ástandið í húsnæðismálum sé
ekki að fæla fólk frá svæðinu enda sé uppbygg-
ingin í atvinnulífinu með þeim hætti, aðallega í
kringum Leifsstöð, að mikil þörf sé fyrir nýtt
fólk. Kjartan Már segir muna mikið um aukin
umsvif í Leifsstöð og fyrirtækin þar þurfi í
auknum mæli að leita út fyrir landsteinana til
að mæta vaxandi þörf fyrir starfsfólk.
„Hingað fluttu rúmlega 1.100 manns í fyrra
sem er 7,4% íbúafjölgun sem er nánast for-
dæmalaust.“
Staða húsnæðismála á landsbyggðinni
Snæfellsbær
Talsverður skortur á húsnæði
og lítið sem losnar. Margt ungt
fólk að flytja á svæðið enda
auðveldara að spara fé
úti á landi.
Ísafjarðarbær
Eiginlega skortur á húsnæði en
fasteignaverð ekki nógu hátt. Fer
þó hækkandi. Mikil fólksfjölgun
framundan vegna vaxtar í
fiskeldi.
Fljótsdalshérað
Framboð á húsnæði minna en eftir-
spurn. Sveitarfélagið ekki að missa
fólk af þeim sökum en sú staða
gæti komið upp.
Reykjanesbær
Vantar meira húsnæði. Þó
margt í gangi, einkum á Ásbrú. Mikil
atvinnuuppbygging, ekki síst
kringum Leifsstöð, og fólki
fjölgar ört.
Sveitarfélagið
Hornafjörður
Skortur á íbúðarhúsnæði. Hugað að
framkvæmdum. Fullt af lausum
störfum og fólksfjölgun
mætti vera meiri.
Sveitarfélagið
Skagafjörður
Of lítið framboð á húsnæði og
sveitarfélagið að missa fólk af
þeim sökum. Nýbyggingar að
komast í gang eftir hlé.
Norðurþing
Of lítið framboð á húsnæði.
Ekki enn til vandræða en það
gæti breyst fljótlega enda 120
manna vinnustaður á
leiðinni.
’Okkar verkefni hjásveitarfélaginunúna er að endurskoðaskipulag, finna heppi-
legar lóðir og örva verk-
taka til húsbygginga.
26.3. 2017 MORGUNBLAÐIÐ SUNNUDAGUR 17