Morgunblaðið - Sunnudagur - 26.03.2017, Blaðsíða 45
Daniel Day Lewis sem Abraham Lincoln þykir eitt best heppnaða útlitsgervi
kvikmyndanna, þar sem raunverulegar fyrirmyndir eru til staðar.
Jamie Fox sló í gegn sem bandaríski píanóleikarinn og söngvarinn Ray Charles í
kvikmyndinni Ray árið 2004. Ekki spillti fyrir hversu vel Fox tókst upp í að
bregða sér útlitslega í gervi Ray Charles, sem var blindur frá 7 ára aldri.
Salma Hayek er í grunninn nokkuð lík mexíkósku listakonunni Fridu Kahlo en í
myndinni Frida voru þannig áherslur lagðar á útlitsgervi hennar að lítill sem
enginn munur sást á listakonunni heitinni og Hayek.
Það heppnaðist afar vel að láta Jennifer Lopez líkjast mexíkósku tónlistarkon-
unni Selenu Quintanilla í ævisögulegri mynd um tónlistarkonuna, bæði í útliti
og sviðsframkomu. Selena var myrt aðeins 23 ára gömul.
FLEIRI SEM LÍKJAST FYRIRMYNDUNUM
26.3. 2017 MORGUNBLAÐIÐ SUNNUDAGUR 45
TÓNLIST Bob Dylan hefur síðasta árið
þurft að horfa á eftir nokkrum af bestu vin-
um sínum en hnefaleikarinn Muhammad
Ali og tónlististarmennirnir Leonard Co-
hen og Leon Russell voru allir hans nán-
ustu félagar. Í viðtali sem rithöfundurinn
Bill Flanagan tók við Dylan og birtist á
heimasíðu tónlistarmannsins í vikunni seg-
ist hann upplifa mikinn einmanaleika eftir
fráfall félaga sinna sem hafi verið fallegir
einstaklingar að utan sem innan. Þá segist
hann syrgja Amy Winehouse mikið. „Hún
var síðasta alvöru einstaklingshyggju-
manneskjan í þessum heimi.“
Dylan einmana
Dylan syrgir Muhammad Ali sárt.
AFP
TÓNLIST Þegar U2 tók upp tónlistarmyndband sitt
við eitt sitt frægasta lag, Where The Streets Have No
Name, bjuggust þeir ekki við því að lögreglan myndi
skerast í leikinn og stöðva upptökurnar. Ástæðan var
sú að aðfarir þeirra vöktu svo mikla athygli vegfarenda
að umferð stöðvaðist í miðbæ LA en hljómsveitin spil-
aði ofan á þaki verslunarmiðstöðvar.
Nú um helgina eru 30 ár liðin frá gjörningnum en
þetta var ekki í fyrsta sinn sem lögregla skerst í leikinn
þegar frægar hljómsveitir spila á þökum húsa. Árið
1969 komu Bítlarnir fram í síðasta sinn opinberlega og
höfðu þá ekki spilað saman í tvö ár. Tónleikarnir komu
aðdáendum þeirra í opna skjöldu en þeir höfðu leyni-
lega skipulagt þá á þaki höfuðstöðva sinna í miðborg
Lundúna, Apple-útgáfunnar. Lögreglan stöðvaði þó
ekki tónleikana heldur bað Bítlana einfaldlega að
lækka í tónlistinni!
Að flytja tónlist á húsþökum hefur verið fastur liður
síðustu áratugi. Hérlendis hafa nokkrir tónleikar farið
fram á húsþökum. SSSól spilaði á þaki Íslandsbanka
árið 1999, í gervi bankaræningja, en þar tóku þeir upp
myndband við lagið „Þú ert ekkert betri en ég“.
Þá hefur Sigur Rós einnig spilað á húsþaki í Lækj-
argötu. Margir muna einnig eftir tónleikum Garbage
og nokkurra annarra breskra hljómsveita sem áttu að
fara fram á þaki Faxaskála árið 1999 en þak bygging-
arinnar var vinsælt undir ýmiss konar tjútt, bílasýn-
ingar og fleira. Vegna veðurs voru tónleikarnir færðir
inn í Laugardalshöll. Faxaskáli var rifinn árið 2006.
Hann stóð þar sem Tónlistar- og ráðstefnuhúsið
Harpa stendur nú.
Lögreglan skarst í leikinn bæði þegar
U2 og Bítlarnir spiluðu á húsþökum.
VARLA LOFTHRÆDDIR
Frægir þakgjörningar
Bítlarnir koma saman í síðasta sinn, á húsþaki í London.
Ógurlega svöl SSSól á þaki Íslandsbanka 1999.
Morgunblaðið/Jón Svavarsson
Ný vefverslun: www.donna.is
Erum nú á Facebook: donna ehf
Sími 555 3100 www.donna.is
Honeywell keramik hitarar sem
blása hita allt í kring.
Úrval af hiturum
frá Honeywell