Morgunblaðið - 31.05.2017, Síða 34

34 FRÉTTIRViðskipti | Atvinnulíf
MORGUNBLAÐIÐ MIÐVIKUDAGUR 31. MAÍ 2017
HEFUR OPNAÐ STOFU Í
KLÍNÍKINNI ÁRMÚLA 9
Sérgrein: Lýtalækningar
Kári hefur undanfarin 6 ár starfað í
Kaupmannahöfn en snýr nú aftur heim með
mikla reynslu innan fegrunaraðgerða, svo
sem brjóstastækkanir, brjóstalyftingar,
brjóstaminnkanir, svuntuaðgerðir, fitusog,
andlitslyftingar, augnloksaðgerðir auk
sprautumeðferða með Botox og fylliefnum.
Tímapantanir í síma: 519 7000
Kári Knútsson,
Sérfræðingur í lýta- og fegrunarlækningum
Klíníkin Ármúla · Ármúla 9 · 108 Reykjavík · Ísland · www.klinikin.is
31. maí 2017
Gengi Kaup Sala Mið
Dollari 99.61 100.09 99.85
Sterlingspund 127.92 128.54 128.23
Kanadadalur 74.02 74.46 74.24
Dönsk króna 14.968 15.056 15.012
Norsk króna 11.855 11.925 11.89
Sænsk króna 11.457 11.525 11.491
Svissn. franki 102.29 102.87 102.58
Japanskt jen 0.8944 0.8996 0.897
SDR 137.46 138.28 137.87
Evra 111.39 112.01 111.7
Meðalgengi/Viðskiptavog þröng 138.7318
Hrávöruverð
Gull 1262.8 ($/únsa)
Ál 1949.0 ($/tonn) LME
Hráolía 52.24 ($/fatið) Brent
Skannaðu kóð-
ann til að sjá
gengið eins og
það er núna á
● Almar Guðmunds-
son lét í gær óvænt
af störfum sem
framkvæmdastjóri
Samtaka iðnaðarins,
en hann hefur gegnt
starfinu í tæp þrjú ár.
Í tilkynningu frá SI
kemur fram að stjórn
samtakanna hafi
gert starfsloka-
samning við Almar.
Jón Bjarni Gunnarsson, aðstoð-
arframkvæmdastjóri SI, hefur þegar tek-
ið við og mun hann gegna starfi
framkvæmdastjóra tímabundið.
Í tilkynningunni er haft eftir Guðrúnu
Hafsteinsdóttur, formanni SI, að Almar
hafi tekið þátt í miklu umbreytingarstarfi
hjá samtökunum og gegnt lykilhlutverki í
að auka slagkraft þeirra og sýnileika.
„Stjórnin mat það hins vegar sem svo að
þetta væri rétti tíminn til að leita að nýj-
um aðila til að leiða daglegt starf sam-
takanna og byggja ofan á góðan árangur
Almars.“
Framkvæmdastjóri
SI lætur af störfum
Almar
Guðmundsson
STUTT
BAKSVIÐ
Helgi Vífill Júlíusson
helgivifill@mbl.is
Það á enn eftir að koma í ljós hvar í
heiminum leiðandi fyrirtæki í líftækni
munu spretta. Lög og reglur geta
ýmist ýtt undir slíka starfsemi eða
kveðið hana í kútinn, að sögn Arvind
Gupta, fjárfestis í
líftækni. Hann
segir að löggjöfin í
Evrópu á þessu
sviði sé þung í vöf-
um og því hafa
mörg slík fyrir-
tæki ekki náð
flugi. Það skipti til
að mynda máli
hvernig rann-
sóknir á stofn-
frumum vísindamönnum sé heimilt að
stunda.
„Það virðist ekki fylgja því mikil
áhætta að löggafinn banni eitt og ann-
að. Hvað getur farið úrskeiðis? Jú, at-
vinnuvegur sem skapar vel borguð
störf getur dregist hratt aftur úr,“
segir Gupta í samtali við Morgunblað-
ið.
Áhættufjárfestir í líftækni
Hann er meðeigandi í bandaríska
áhættufjárfestingafyrirtækinu SOS-
ventures og stofnandi viðskipta-
hraðalsins IndieBio, sem fjárfestir í
líftæknifyrirtækjum sem eru að stíga
sín fyrstu skref. Gupta mun flytja
erindi á Startup Iceland sem fram fer
í Hörpu í dag. Gupta hefur heimsótt
Ísland við ýmis tækifæri undanfarin
ellefu ár, enda kvæntur íslenskri
konu.
„Ísland er einstakur staður fyrir
líftækni,“ segir Gupta og nefnir að
DeCode hafi náð langt og að íslenska
genamengið hafi sérstöðu vegna ein-
angrunar. Hann hyggst ræða við að
minnsta kosti þrjú líftæknifyrirtæki
meðan á dvöl hans stendur í tengslum
við Startup Iceland.
Kjöt án landbúnaðar
Hann segir að með líffræðina að
vopni megi leysa mörg af stærstu
vandamálum jarðarinnar. Það ætti
ekki að þurfa, með réttu tækninni, að
fella skóga til að búa til pálmaolíu eða
rækta kýr til slátrunar til að nálgast
dýraprótein. Gupta hvetur líffræð-
inga til þess að leggja hönd á plóg við
nýsköpun en margir líffræðingar
stefna á að verða kennarar við há-
skóla, eins og sakir standa. Þeim
standi fleiri dyr opnar.
Kostnaður lækkar
Mikil tækifæri eru að skapast til að
fjárfesta í líftækni, að hans sögn,
vegna þess að kostnaðurinn við rann-
sóknir hefur lækkað umtalsvert. Áð-
ur fyrr hafi það verið fjárfrekt að
setja slík fyrirtæki á stofn. Á sama
tíma vex þekking á sviði líftækni sem
skapi sömuleiðis tækifæri. „Hug-
mynd okkar er að aðstoða vísinda-
menn við að verða frumkvöðlar. Við
leggjum til 250 þúsund dollara til að
byrja með og ef vel gengur getum við
lagt fram fram allt að tvær milljónir
dollara. Auk þess sem alla jafna er
sótt um 2,1 milljón dollara til annarra
áhættufjárfesta,“ segir hann. Fyrir-
tækið hefur fjárfest í 65 fyrirtækjum
frá stofnun fyrir tveimur árum.
„Fjárfestingar í líftækni eru
áhættusamar. Og það þarf dýpri
þekkingu til að ná langt á þessu sviði,
það nægir ekki að hafa fulla vasa
fjár,“ segir Gupta.
Aðspurður með hvaða hætti há-
skólar geti fóstrað nýsköpun segir
hann að það hafi reynst vel í Banda-
ríkjunum að þar sé hægt að sækja um
opinbera styrki til þess að stunda ein-
faldar rannsóknir á einhverju gagn-
legu og ef vel tekst upp er mögulegt
að fá frekara fjármagn. „Það er frá-
bær byrjun,“ segir hann.
Evrópsk löggjöf hefur
hamlað nýsköpun í líftækni
Morgunblaðið/Kristinn
Nýsköpun Fjárfestingartækifæri eru að skapast í líftækni þar sem rannsóknarkostnaður hefur lækkað umtalsvert.
 Bandarískur fjárfestir segir að Ísland sé einstakur staður fyrir líftækni
Arvind
Gupta
Hagnaður fasteignafélagsins Regins
nam 620 milljónum króna á fyrsta
fjórðungi ársins. Það er 17% minni
hagnaður en á sama ársfjórðungi í
fyrra. Rekstrarhagnaður fyrir mats-
breytingar og afskriftir jókst hins
vegar um 2% á milli ára og var 1.020
milljónir króna.
Matsbreyting fjárfestingareigna
nam 331 milljón á fyrsta ársfjórðungi
en hún var 551 milljón króna í sama
árshluta í fyrra.
Rekstrartekjur Regins námu 1.643
milljónum króna og þar af námu
leigutekjur 1.523 milljónum. Hækkun
leigutekna á milli ára er rúmlega 9%.
Í afkomutilkynningu Regins til Kaup-
hallar kemur fram að áhrif yfirstand-
andi umbreytinga í Smáralind séu nú
í hámarki, en verslunarmiðstöðin er
stærsta eign félagsins. Þau áhrif felist
í tímabundið lægri tekjum og hærri
rekstrarkostnaði á um fjórðungi leigj-
anlegra fermetra í Smáralind.
Bókfært virði fjárfestingareigna
var 84,1 milljarður króna í lok árs-
fjórðungsins, en fasteignasafnið er
metið á gangvirði í lok hvers upp-
gjörstímabils í samræmi við alþjóð-
lega reikningsskilastaðla. Fjöldi fast-
eigna í lok tímabilsins var 121 og
heildarfermetrafjöldi þeirra eigna var
um 314 þúsund. Útleiguhlutfall á
safni Regins er um 95% miðað við
þær tekjur sem 100% útleiga gæfi.
Skuldsetning sem hlutfall af fjár-
festingareignum var 59% í lok mars
og eiginfjárhlutfallið var 35%.
Í Kauphallartilkynningunni segir
að stjórnendur Regins telji að horfur í
rekstri séu góðar og að ekki séu vís-
bendingar um annað en að áætlanir
félagsins standist í öllum aðalatriðum.
Morgunblaðið/RAX
Reginn Helgi S. Gunnarsson for-
stjóri telur horfur í rekstri góðar.
Reginn hagnast
um 620 milljónir
 Umbreytingar í
Smáralind hafa
tímabundin áhrif