Morgunblaðið - 31.05.2017, Page 52

Arnarlax sjósetur nýjan fóðurpramma
Ljósmynd/Arnarlax
Einbeitt Starfsfólk Arnarlax sér um fóðrun og fylgist með fiski og búnaði með hjálp tækninnar.
Morgunblaðið/Guðlaugur
Fiskeldi Arnarlax hefur vaxið hratt frá stofnun fyrirtækisins árið 2009. Stefnt er núna að smíði nýs pramma.
Skúli Halldórsson
sh@mbl.is
Fiskieldisfyrirtækið Arnarlax hefur
tekið í notkun nýjan og öflugan
fóðurpramma sem borið getur 650
tonn af fóðri. Til samanburðar geta
hinir tveir prammarnir í eldinu, sem
fyrir voru, aðeins borið 300 tonn
hvor um sig.
Víkingur Gunnarsson, fram-
kvæmdastjóri Arnarlax, segir í sam-
tali við Morgunblaðið að kaupin á
prammanum séu liður í öruggri sókn
fyrirtækisins, sem stofnað var árið
2009.
„Þetta er merki um hvað íslenskt
fiskeldi er orðið faglegt og er að nota
nýjustu tækni og tól til uppbygg-
ingar á greininni hér á Íslandi,“ seg-
ir Víkingur.
Pramminn var smíðaður í Eist-
landi og kostaði 300 milljónir að
sögn Víkings. Allt er til alls þar um
borð, eldhús og káetur auk stjórn-
stöðvar með kraftmiklar ljósavélar.
Sérútbúið skip til landsins
Arnarlax mun þó ekki láta þar
staðar numið.
„Við reiknum með að við smíðum
annan pramma að svipaðri stærð.
Það sýnir bara hversu mikil upp-
bygging er í þessum geira, sem er í
raun orðinn stór iðnaður hér á
landi,“ segir Víkingur.
Pramminn verður settur niður í
Tálknafirði síðar í vikunni, af sér-
útbúnu skipi sem Arnarlax leigir að
utan til verksins.
„Það er mjög öflugur vinnubátur
sem er meðal annars með kafbát til
að skoða allar festingar. Allt er þetta
gert eftir ströngustu kröfum því það
er það sem við viljum gera, til að
koma í veg fyrir hvers kyns óhöpp
og slys.“
43 tonn af fóðri á klukkustund
Pramminn getur blásið frá sér allt
að 43 tonnum af fóðri á klukkustund
sem þykir feikilega kröftugt. Sú
geta verður þó ekki fullnýtt um leið
og hann verður tekinn í gagnið.
„Þetta fer mjög eftir árstíma og
hvenær mest er verið að fóðra. Það
er erfitt að segja til um hvenær hann
fer upp í þessi mörk en hann getur
það að minnsta kosti, sem er lykil-
atriðið,“ segir hann og tekur dæmi:
„Þetta er eins og bátur sem getur
siglt á 40 mílna hraða en þú siglir
bara á tuttugu mílum, því þannig er
hagkvæmast að reka hann.“
Prammanum er stjórnað úr landi
af sérhæfðu starfsfólki Arnarlax í
stjórnstöð á Bíldudal, en starfsfólkið
fylgist einnig með ástandi fisks og
búnaðar í gegnum myndavélakerfi.
„Þannig pössum við að ef fisk-
urinn étur ekki það sem við setjum
út, þá stöðvast fóðrunin. Fylgst er
með þessu allan tímann sem verið er
að fóðra.“
Fer út og seldur í Whole Foods
Varla hefur farið fram hjá þeim
sem fylgjast með gangi sjávarútvegs
sá fjöldi nýrra skipa sem komið hafa
til landsins undanfarin misseri. Vík-
ingur segir fjárfestingarnar innan
eldisgeirans síst minni. Vöxtur Arn-
arlax hefur enda verið nokkuð ör frá
stofnun fyrirtækisins.
„Við slátrum tíu þúsund tonnum á
þessu ári. Héðan frá Bíldudal flytj-
um við því tíu þúsund tonn af fersk-
um laxi út um allan heim.“
Stór hluti laxins fer út til Banda-
ríkjanna og er seldur í Whole Foods-
verslunum þar í landi, en sömuleiðis
er hann fluttur út til Evrópu og As-
íu.
„Og það sem okkur finnst
skemmtilegt er að við fáum af-
skaplega góðar viðtökur við hráefn-
inu hvert sem við komum. Fólki
finnst laxinn sérstakur, góður, og
hann skorar hátt. Við getum alveg
staðið með nefið upp í loft og verið
stolt af laxinum okkar. Við köllum
þetta íslenskan lax og erum bara
stolt af því.“
Fóðrið stærsti liðurinn
Fóðrið er allt fengið að utan að
sögn Víkings, þar sem enga fóður-
verksmiðju er að finna á Íslandi sem
búið getur til fóður af réttum gæð-
um.
Styrking krónunnar hefur því
ekki haft jafn slæm áhrif á eldið og
raun ber vitni hjá útgerðunum.
„Fóðrið er náttúrlega stærsti
kostnaðarliðurinn og þetta kemur
ekki eins harkalega niður á okkur og
öðrum sjávarútvegsfyrirtækjum. En
þetta hefur samt talsvert að segja.“
Til sýnis í höfninni á morgun
Að lokum er Víkingur spurður
hvert hann horfi þegar litið sé fram
á veginn. Hann er snöggur til svars.
„Við viljum fá að vaxa jafnt og
þétt í sátt við umhverfið og allt í
kringum okkur, og leggjum í það
mikinn metnað. Þá horfum við björt-
um augum fram á veginn í þessum
geira, þar sem við höfum góðan
möguleika á að auka enn frekar við
útflutningstekjur Íslendinga ef rétt
er staðið að verki.“
Pramminn hefur fengið nafnið
Arnarborg en hann verður til sýnis í
Tálknafjarðarhöfn á morgun,
fimmtudag, á milli klukkan 16 og 18.
Ljósmynd/Arnarlax
Arnarborg Pramminn hefur hlotið nafnið Arnarborg og verður til sýnis á morgun í höfninni.
● Flytja út tíu þús-
und tonn af laxi frá
Bíldudal á þessu ári
MORGUNBLAÐIÐ MIÐVIKUDAGUR 31. MAÍ 2017
PI
W
A
•
SÍ
A
•
17
11
7
ÍSBLÓMMEÐMANGÓ
Blómleg nýjung