Freyr - 01.11.2005, Qupperneq 30

Ferðaþjónusta
Tekjur í ferðaþjónustu eru annars
vegar af sölu gistingar og veitinga í
tengslum við hana og hins vegar af
sölu annarrar þjónustu, svo sem af-
þreyingar, minjagripa o.fl. Erfitt er
að gera sér grein fyrir þeim verð-
mætum sem greinin skilar þar sem
samræmd skráning er ekki viðhöfð.
Hagstofa íslands sér um gagnasöfn-
un vegna talningar gistinátta og
nýtingar herbergja en Ferðaþjónusta
bænda er ekki aðgreind frá annarri
gistingu. Flestir bændur hafa ferða-
þjónustu sem aukagetu og bókanir á
gistingu og afþreyingu eiga sér stað
á bæjunum en þó eykst alltaf fjöldi
bókana frá skrifstofu Ferðaþjónustu
bænda í Reykjavík.
Árið 2004 var ferðaþjónustubændum
gott ár. Erlendum ferðamönnum hér á
landi fjölgaði á milli ára og bendir allt til
þess að hlutur ferðaþjónustubænda hafi
aukist, en þróunin hefur verið á þann veg
síðustu árin. Ferðaþjónustubændur eru
með um 30% af gistirými utan höfuðborg-
arsvæðisins. Fjölmennasti hópurinn sem
sótti bændur heim voru Þjóðverjar, Frakkar
komu næstir, því næst ítalir og Svisslend-
ingar. Þar á eftir komu ferðamenn frá Hol-
landi, Bandaríkjunum, Danmörku, Spáni
og Austurríki.
GÓÐ NÝTING OG
FJÖLBREYTTIR HÓPAR
Nýtingin yfir hásumarið er mikil, víða um og
yfir 90%. Islenskir ferðamenn hafa átt tölu-
verðan þátt f aukningunni undanfarin ár. Þá
hefur færst f aukana að starfsmannahópar
nýti sér bændagistingu á ferðalögum og vin-
sælt er orðið að halda fundi og ráðstefnur á
landsbyggðinni og nýta bændagistingu f leið-
inni. Á þetta ekki síst við um þau héruð sem
næst eru Reykjavík. Þessari þróun hafa bænd-
ur reynt að mæta, til dæmis með því að gera
fyrirtækjum kleift að halda starfsmannafundi
og Ijúka þeim með érshátíð eða jólagleði þar
sem jafnvel er boðið upp á hlaðborð með villi-
bráð eða eigin framleiðslu býlisins. Þessi þátt-
ur í starfseminni er kærkomin viðbót, ekki síst
vegna þess að hún fellur utan háannatímans
yfir sumarið. Á haustin bætast við ýmsir
möguleikar á afþreyingu, svo sem berjatínsla
og rjúpna- eða gæsaveiðar.
Víða hafa bændur lagt sig fram um að gera
dvöl ferðamanna ánægjulegri með því að
bjóða upp á leiðsögn um landareign sína eða
nálæga sögustaði og náttúruperlur. Oft þarf
ekki mikið meira en að merkja gönguleiðir til
að gera ferðafólki dvölina ánægjulegri, jafn-
vel svo að það dvelji lengur.
MARKAÐSSTARF SKILAR SÉR
I AUKNUM TEKJUM
Öflugt markaðs- og kynningarstarf skrif-
stofu Ferðaþjónustu bænda hefur skilað sér
til félagsmanna. Slðustu ár hefur verið mikil
aukning I bókunum og sölu á ferðaþjónustu
til félagsmanna Ferðaþjónustu bænda.
Ásamt því að gefa út íslenskan og erlendan
kynningarbækling um ferðaþjónustu-
bændur er þáttur vefsíðna að aukast. Þar að
auki er skrifstofa Ferðaþjónusta bænda
með mjög sterk viðskiptasambönd við tugi
ferðaskrifstofa úti í heimi og sendir skrif-
stofan fulltrúa sína á ýmsar ferðakaup-
stefnur ár hvert.
3600 RÚM í BOÐI
Árið 2004 auglýstu 145 ferðaþjónustubæir
þjónustu slna í bæklingi Ferðaþjónustu
bænda. Gistirými, sem skráð var í bæklingi
Ferðaþjónustu bænda, nam um 3.600
rúmum. Skiptust þau í þrjá flokka í upp-
búnu rúmi og þrjá flokka í sumarhúsum.
íslenskir ferðamenn hafa átt töluverðan þátt í velgengni ferðaþjónustubænda undanfarin ár.
30
FREYR 11 2005