Morgunblaðið - 20.06.2017, Blaðsíða 17

FRÉTTIR 17Erlent
MORGUNBLAÐIÐ ÞRIÐJUDAGUR 20. JÚNÍ 2017
Stefán Gunnar Sveinsson
sgs@mbl.is
Einn maður lést og níu aðrir særð-
ust þegar sendiferðabíl var ekið inn í
hóp múslima í Lundúnum í fyrri-
nótt. Ökumaðurinn, sem var hvítur á
hörund, var yfirbugaður af gang-
andi vegfarendum, en hann sagðist
vilja myrða alla sem aðhylltust ísl-
amstrú.
Beið eftir að kvöldbænum lyki
Þetta er fjórða hryðjuverkið á
jafnmörgum mánuðum í Bretlandi.
Theresa May, forsætisráðherra
Bretlands, fordæmdi árásina í gær
og sagði hana vera „viðurstyggi-
lega“. Hét May því að hún myndi
berjast gegn öllum öfgastefnum,
sama hvaða nafni þær nefndust,
þegar hún heimsótti moskuna í gær.
Ökumaður sendiferðabílsins, sem
lögreglan nefndi sem hinn 47 ára
gamla Darren Osborne, mun hafa
beðið eftir því að kvöldbænum lyki
við moskuna í Finsbury Park, sem
er í norðurhluta Lundúnaborgar,
áður en hann keyrði á fullri ferð inn í
hóp fólks sem kom þaðan út. Os-
borne mun ekki hafa komið við sögu
lögreglunnar áður.
Tveir af þeim níu sem særðust í
árásinni eru enn sagðir í lífshættu.
Að auki lést eldri maður við árásina.
Sögðu vitni að fórnarlömb árásar-
innar hefðu dregist nokkra leið und-
ir bifreiðinni.
Eftir að bifreiðin hafði numið
staðar hljóp Osborne frá henni og
virtist ætla að beita frekara ofbeldi.
Hrópaði hann að hann ætlaði sér að
„myrða alla múslima“.
Var Osborne yfirbugaður af nær-
stöddum áður en lögreglan kom á
svæðið. Var þá gerður aðsúgur að
honum en ímaminn Mohammed
Mahmoud náði að koma í veg fyrir
að nærstaddir ynnu Osborne mein
eftir að búið var að yfirbuga hann.
Osborne hefur nú verið kærður fyrir
hryðjuverk.
Aukin gæsla við moskur
Cressida Dick, yfirmaður Lund-
únalögreglunnar, sagði að árásinni
hefði augljóslega verið beint að mús-
limum og lofaði því að öryggisgæsla
yrði hert við moskur borgarinnar.
Árásin var fljótlega fordæmd,
meðal annars af stjórnvöldum í
Frakklandi og Þýskalandi. Þá kall-
aði Al-Azhar-stofnunin í Egypta-
landi eftir því að stjórnvöld á Vest-
urlöndum gerðu meira til þess að
draga úr hatri gagnvart íslam. Þá
fordæmdu forráðamenn moskunnar
við Finsbury Park árásina og sögðu
hana vera „heigulsverk“.
AFP
Hryðjuverk í Bretlandi Hópur breskra múslima biðst fyrir í nágrenni Finsbury Park eftir hryðjuverkið í fyrrinótt.
Ók inn í hóp múslima
 Fjórða hryðjuverkið á jafnmörgum mánuðum í Bretlandi
 Theresa May heitir því að berjast gegn öllum öfgum
Stefán Gunnar Sveinsson
sgs@mbl.is
Lögreglan í París lokaði breiðgöt-
unni Champs-Élysées og nærliggj-
andi götum eftir að hvítum bíl var
ekið inn í hlið lögreglubifreiðar á
breiðgötunni. Við áreksturinn
heyrðist mikil sprenging, en bíllinn
reyndist vera hlaðinn gaskútum og
öðru sprengiefni. Þá fann lögreglan
riffil af Kalashnikov-gerð og
skammbyssur í bílnum. Ökumaður
bifreiðarinnar lést samstundis en
engan annan sakaði. Litið er á mál-
ið sem tilraun til hryðjuverks.
Árásarmaðurinn var 31 árs
gamall, og mun hafa verið á sér-
stökum lista innanríkisráðuneytis-
ins yfir menn sem talið er að hætta
stafi af. Lögreglan vildi hins vegar
ekki gefa upp nafn hans í gær.
Gerard Collomb, innanríkis-
ráðherra Frakklands, sagði að at-
vikið væri enn ein árásin á lögreglu-
og öryggissveitir landsins, en um
tveir mánuðir eru liðnir frá því að
lögreglumaður var skotinn til bana
við sömu götu.
Sprengjusveit á vettvangi
Vitni lýstu því hvernig appels-
ínugulur reykur hefði streymt frá
bifreiðinni, hvítum Renault Meg-
ane, eftir að áreksturinn varð. Girti
lögreglan svæðið af og kallaði til
sprengjusveit, sem vann við að
tryggja það að gaskútar og önnur
sprengiefni sem enn voru til staðar
í bílnum myndu ekki springa og
valda enn frekara tjóni. Lögreglan
lokaði enn fremur tveimur neðan-
jarðarlestarstöðvum við breiðgöt-
una.
Collomb sagði að atvikið í gær
réttlætti það að framlengja neyðar-
ástand það sem ríkt hefur í Frakk-
landi frá því að vígamenn á vegum
Ríkis íslams myrtu 130 manns í
nóvember 2015 í París. Í heildina
hafa rúmlega 230 manns fallið fyrir
hendi hryðjuverkamanna í Frakk-
landi á síðustu tveimur árum.
Árás á lögreglu
 Hvítum bíl ekið inn í hliðina á
lögreglubifreið á Champs-Élysées
AFP
Árás Lögreglan girti svæðið af
og rannsakaði bílinn vandlega.
Tala látinna í skógareldunum miklu í
Portúgal fór upp í 62 í gær. Meira en
þúsund slökkviliðsmenn voru að
störfum í gær að reyna að slökkva
eldana, en þeir blossuðu upp á laug-
ardaginn var á svæðinu Predrogão
Grande.
Hitabylgja er nú í Portúgal, sem
hefur hamlað öllu slökkvistarfi. Þó að
ögn væri svalara í gær en um helgina
náði eldurinn samt að dreifa sér til
nærliggjandi héraðanna Castelo
Branco og Coimbra.
Antonio Costa, forsætisráðherra,
sagði á sunnudaginn að eldurinn væri
harmleikur sem Portúgal hefði aldrei
séð, áður en hann lýsti yfir þriggja
daga þjóðarsorg.
Antonio Guterres, framkvæmda-
stjóri Sameinuðu þjóðanna, sem er
frá Portúgal, lýsti því yfir í gær að al-
þjóðasamfélagið væri reiðubúið til
þess að veita Portúgölum hverja þá
aðstoð sem þyrfti til þess að ráða nið-
urlögum eldsins. Áður höfðu Spánn,
Frakkland og
Ítalía sent flugvél-
ar útbúnar vatns-
tönkum til lands-
ins, auk þess sem
Evrópusambandið
lofaði aðstoð sinni.
Marcelo Rebelo
de Sousa, forseti
Portúgals, sagði að
sorg þjóðarinnar
væri mikil, sér í lagi þar sem eldurinn
hefði einkum haft áhrif á fátækari
svæði landsins.
Aðstæðum íbúa og slökkviliðsmanna
hefur verið lýst sem hrikalegum.
„Þetta var helvíti. Ég hélt að heims-
endir væri kominn“, sagði María de
Fatime Nunes, íbúi í Predrogão
Grande, við AFP-fréttastofuna. Vegir
á svæðinu þar sem eldurinn er mestur
eru sagðir vera stráðir útbrunnum bíl-
flökum. Þá eru margir íbúar á svæðinu
sagðir á vergangi, og bíða þess að geta
snúið aftur til heimkynna sinna.
Enn barist við
skógarelda
 Rúmlega þúsund manns að störfum
Antonio Costa
Reykjavíkurvegi 64, Hfj, s. 555 1515, enjo.is • Opið kl. 11-18 virka daga
Með einföldum aðgerðum
er hægt að breyta stærð
og lögun sköfunnar
• Tímasparnaður
• Engin kemísk efni
• Ódýrara
• Umhverfisvænt
• Vinnuvistvænt
Skínandi hreinir gluggar
Komið í
verslun okkar eða fáið
upplýsingar í síma
555 1515.
Einnig mögulegt að
fá ráðgjafa heim.