Morgunblaðið - 20.07.2017, Qupperneq 26

Keilugrandi Stærsta húsið verður nyrst, næst sjónum, og minni byggingar innar.
26 FRÉTTIRInnlent
MORGUNBLAÐIÐ FIMMTUDAGUR 20. JÚLÍ 2017
BAKSVIÐ
Sigtryggur Sigtryggsson
sisi@mbl.is
Stórvirkar vinnuvélar vinna nú að
því að rífa atvinnuhúsnæðið á Keilu-
granda 1 í vesturbæ Reykjavíkur.
Þarna mun húsnæðissamvinnu-
félagið Búseti byggja 78 íbúðir á
næstu misserum.
Fram kemur í húsakönnun Borg-
arsögusafns Reykjavíkur, sem unnin
var af Drífu Kristínu Þrastardóttur
sagnfræðingi, að húsið Keilugrandi 1
var reist á árunum 1966-1967 sem
vörugeymsla, fiskverkunarhús og
pökkunarstöð fyrir Sölusamband ís-
lenskra fiskframleiðenda (SÍF). Á
fyrri tíð var SÍF umfangsmesta sölu-
samband saltfiskframleiðenda í land-
inu með örflugt markaðsstarf í Suð-
ur-Evrópu og víðar. SÍF er ekki
starfandi lengur.
Húsið var stækkað árið 1983
Upphaflega var húsið byggt í vink-
il og voru elstu hlutar þess austur-
álma og suðurhluti. Árið 1983 var
húsið stækkað umtalsvert. Upphaf-
legar teikningar að húsinu voru und-
irritaðar af Gísla Halldórssyni arki-
tekt, Teiknistofunni sf., Ármúla 6.
Austurálman var einlyft með milli-
lofti og lágu mænisþaki. Þar var fisk-
vinnsla og pökkun ásamt starfs-
mannaaðstöðu og geymslurými á
millilofti. Suðurhlutanum var skipt í
tvö rými fyrir kæligeymslu og mót-
töku, með lágu mænisþaki á hvorum
hluta, samsvarandi og á austurálm-
unni.
Húsið var byggt í módernískum
stíl en var síðar breytt og aðlagað að
húsagerð 9. áratugar 20. aldar, segir
í húsakönnuninni. Húsið var byggt
úr steyptum einingum.
Við stækkunina árið 1983 var þessi
hluti hússins framlengdur til norðurs
svo það varð ferhyrnt að grunnfleti,
með þrískiptu mænisþaki. Heildar-
útliti hússins var þá einnig breytt,
þ.e.a.s. útliti og þaki austurhlutans
var breytt til samræmis við yngri
byggingarhlutann, gluggaopum
breytt og bætt við, inngangi komið
fyrir á norðurgafli og þakkantar
klæddir. Eftir stækkunina var húsið
4.500 fermetrar.
Teikningar að þessum breytingum
eru undirritaðar af Halldóri Guð-
mundssyni arkitekt.
Í húsinu var SÍF með starfsemi
allt fram á miðjan 10. áratug 20.
aldar en árið 1997 var húsið selt
þvottahúsinu Grýtu sem starfaði þar
í nokkur ár. Síðar var húsið nýtt sem
vörugeymsla og aðsetur listamanna.
Árið 2012 keypti Reykjavíkurborg
húsið Keilugranda 1 af Landsbank-
anum. Bankinn eignaðist hús og lóð
þegar eigandinn, Rúmmeter, varð
gjaldþrota. Kaupverðið var 240 millj-
ónir. Borgin ákvað í framhaldinu að
selja Búseta lóðina. Bygging-
arframkvæmdir eiga að hefjast strax
að loknu niðurrifi.
Í vesturbæ Reykjavíkur var lengi
athafnasvæði fiskvinnslufyrirtækja.
Margir Reykvíkingar muna eflaust
eftir hinni umfangsmiklu salfisks-,
síldar- og skreiðarverkun sem Bæj-
arútgerð Reykjavíkur (BÚR) rak
vestan og sunnan Grandavegar frá
1950 fram á miðjan 9. áratug 20. ald-
ar. Húsin voru síðan rifin og fjöl-
býlishús reist á lóðinni.
Á lóðinni næst austan við lóð SÍF,
þar sem nú er Boðagrandi 2-2a, reisti
verslun O. Ellingsen stálgrindar-
skemmu á árunum 1966-1968. Þar
hafði O. Ellingsen vörugeymslu fram
til um 1990 en eftir það var um tíma
rekið þar víraverkstæði.
Einnig má nefna að Lýsi hf. reisti
stórhýsi undir starfsemi sína við
Grandaveg. Starfaði Lýsi hf. þar í
áratugi. Lýsi reisti síðan nýja og full-
komna lýsisverksmiðju við Fiskislóð
úti á Granda. Gamla húsið var rifið
og á svæðinu byggt stórt fjölbýlis-
hús. Nú rísa þarna þrír sjö hæða íbú-
ðaturnar.
Með brotthvarfi Keilugranda 1
lýkur merkri athafnasögu í Vest-
urbænum. Fiskvinnsla hefur vikið
fyrir íbúðarbyggð.
Íbúðir koma í stað fiskvinnslu
 Verið er að rífa 4.500 fermetra atvinnuhúsnæði við Keilugranda  Var reist á sínum tíma til að
verka saltfisk  Um langa hríð var öflug fiskvinnsla í Vesturbænum sem nú heyrir sögunni til
Morgunblaðið/Sigurður Bogi Sævarsson
Keilugrandi 1 Atvinnuhúsnæði sem setti sinn svip á vesturbæ Reykjavíkur í áratugi. Íbúðarbyggð er allt í kring og því kemur ekki á óvart að húsið víki.
Morgunblaðið/RAX
Niðurrif Stórvirkar vinnuvélar hafa unnið að því undanfarna daga að brjóta
niður Keilugranda 1. Þetta er mikið verk því húsið er 4.500 fermetrar.
Morgunblaðið/Arnaldur
Lýsi hf. Húsið við Grandaveg var rif-
ið og þar hafa risið háar byggingar.
Búseta var í mars s.l. úthlutað lóðinni við Keilugranda 1 en þar munu á
næstu misserum rísa 78 búseturéttaríbúðir í fjölbreyttum stærðum. Nýtt
deiliskipulag fyrir reitinn var endanlega samþykkt í janúar síðastliðnum.
Fram kemur í frétt á heimasíðu Búseta að á Keilugrandanum verði lögð
áhersla á fjölbreytni og græn útisvæði. Byggingarnar á reitnum verða
2ja, 3ja og fimm hæða og á miðju svæðisins verður svokallaður lýð-
heilsureitur sem opinn verður öllum og mun nýtast til æfinga, leikja og
upphitunar. Reiturinn verður útfærður í samvinnu við KR. Stefnt er að af-
hendingu fyrstu íbúða 2019.
Lóðin er beint norður af íþróttasvæði KR-inga í Frostaskjóli. Höfðu KR-
ingar hug á því að reisa knatthús á lóðinni. Í kynningu á nýsamþykktri
deiluskipulagstillögu kemur fram að viðræður fóru fram um tíma á milli
borgarinnar og KR. „Vegna grunnvatnsstöðu svæðisins var fallið frá
áformum um aðkomu KR þar sem óhagkvæmt reyndist að byggja á lóð-
inni stórt niðurgrafið mannvirki,“ segir í kynningunni.
Árið 2007 var auglýst deiliskipulagsbreyting fyrir lóðina sem ekki náði
fram að ganga. Í tillögunni var gert ráð fyrir 130 íbúða fjölbýli á 4-9 hæð-
um. Margar athugasemdir bárust, meðal annara frá nágrönnum, og var
tillögunni hafnað í skipulagsráði borgarinnar.
Á KEILUGRANDANUM VERÐA BYGGÐAR 78 ÍBÚÐIR
Teikning/Kanon arkitektar
Búseti stefnir að afhendingu
fyrstu íbúðanna árið 2019
Malbikunar-
framkvæmdir í
Reykjavík eru
nokkurn veginn
á áætlun, en
gætu tafist frek-
ar vegna veðurs.
Reykjavíkurborg
hefur lokið um
50% af því sem er
á áætlun og
Vegagerðin um
70%. Bæði þessi vika og síðasta
hafa verið erfiðar vegna veðurs.
Hjá Reykjavíkurborg stendur til
að malbika um 32 kílómetra sam-
tals og um miðjan júlí var búið að
klára 15 til 16 kílómetra, að sögn
Ámunda Brynjólfssonar, skrifstofu-
stjóra framkvæmda og viðhalds hjá
Reykjavíkurborg. „Planið er að
reyna að klára þetta í byrjun sept-
ember, með fyrirvara þó um að
veðráttan tefji okkur ekki um of.“
Veðrið hefur tafið
malbikun í borginni
Viðhald Víða er
unnið að malbikun.
Leitar þú að traustu
BÍLAVERKSTÆÐI
Smiðjuvegur 30 (GUL GATA) | 200 Kópavogi
Sími 587 1400 |www. motorstilling.is
SMURÞJÓNUSTA < HJÓLBARÐAÞJÓNUSTA
TÍMAPANTANIR
587 1400
Við erum sérhæfðir í viðgerðum
á amerískum bílum.
Mótorstilling býður almennar
bílaviðgerðir fyrir allar tegundir bíla.
Reykjavíkurvegi 64, Hfj, s. 555 1515, enjo.is • Opið kl. 11-18 virka daga
Með einföldum aðgerðum
er hægt að breyta stærð
og lögun sköfunnar
• Tímasparnaður
• Engin kemísk efni
• Ódýrara
• Umhverfisvænt
• Vinnuvistvænt
Skínandi hreinir gluggar
Komið í
verslun okkar eða fáið
upplýsingar í síma
555 1515.
Einnig mögulegt að
fá ráðgjafa heim.