Víkurfréttir - 17.12.2015, Blaðsíða 66

66 fimmtudagur 17. desember 2015 • VÍKURFRÉTTIR
Grindv í k ingurinn E l ler t Heiðar Jóhannsson hafnaði í
öðru sæti í söngkeppni The Voice
Ísland sem lauk í Atlantic studios
á Ásbrú sl. föstudagskvöld. Í úr-
slitaeinvíginu söng Ellert lagið
Bed of roses með Bon Jovi en áður
hafði hann sungið Queen-slagar-
ann Don't stop me now.
Það var Hjörtur Traustason frá Bol-
ungarvík sem bar sigur úr bítum í
keppninni eftir að hafa flutt lagið
sívinsæla Ferðalok (Ég er kominn
heim).
Fjórir söngvarar tóku þátt í loka-
þætti The Voice Ísland sem sendur
var út í beinni útsendingu frá
Atlantic Studios á Ásbrú. Þátturinn
var risastjór sjónvarpsviðburður en
sviðsmyndin skartaði sínu fegursta
og um 1000 manns voru í salnum.
Eftir að allir fjórir höfðu sungið
eitt lag voru tveir söngvarar valdir
til úrslita í símakosningu. Ellert og
Hjörtur komust í lokaumferðina
en þar hafði Hjörtur betur í síma-
kosningunni.
„Fyrir mér er þetta persónulegur
sigur,“ skrifar Ellert á fésbókar-
síðu sína eftir úrslitakvöldið. Hann
segist síður en svo tapsár en hann
hafi þurft að ná sér niður á jörðina
„eftir þessa allsvakalegu rússíban-
areið.“ Hann segist ekki geta orða
bundist yfir þeim stuðningi sem
hann fékk í gegnum alla keppnina.
„Þetta er bara rugl hvað þið eruð
búin að standa við bakið á mér. Ég
fékk drauminn uppfylltan að fá að
syngja Bed of roses fyrir þjóðina.“
Ákveðið hefur verið að ráðast í
framleiðslu á annarri þáttaröð á
The Voice Ísland. Ellert segir við þá
sem langar að taka þátt: „Go for it -
þið munið ekki sjá eftir því.“
-mannlíf pósturu vf@vf.is
Grindvíkingurinn Ellert Heiðar í öðru sæti The Voice Ísland:
PERSÓNULEGUR SIGUR OG
SVAKALEG RÚSSÍBANAREIÐ
Í úrslitaeinvíginu söng
Ellert lagið Bed of roses
með Bon Jovi.
Ellert Heiðar
Jóhannsson
fagnar með Hirti
Traustasyni.
Ellert
Heiðar Jó-
hannsson
á sviði í
Atlantic
Studios.
Spennan var óbærileg
þegar úrslita var beðið.
Helgi Björns
og Unsteinn
Manúel taka
lagið saman.