Víkurfréttir - 17.12.2015, Blaðsíða 55

55VÍKURFRÉTTIR • fimmtudagur 17. desember 2015
-jólin mín
Rúna Kærnested Óladóttir var á því að vera bara titluð sem „amma
gull“. Hún hefur aldrei getað hugsað sér að halda jólin erlendis og vill
frekar vera í faðmi sinna nánustu. Hún notar einnig tækifærið til að
senda öllum óskir um gleðilega hátíð.
Jólabíómyndin sem
kemur þér í skapið?
Það er óneitanlega The Holiday
með Cameron Diaz og Kate Wins-
let.
Sendir þú jólakort eða
hefur facebook tekið yfir?
Verð að viðurkenna að Facebook
hefur algjörlega tekið yfir, eins og
ég sendi alltaf mörg kort.
Ertu vanaföst um jólin, eitthvað
sem þú gerir alltaf um hátíðarnar?
Já ég myndi segja að ég væri frekar
vanaföst í samb við jólin, það er
nánast allt sem ég geri jól eftir jól.
Eftirminnilegasta jólagjöf
sem þú hefur fengið?
Eftirminnilegasta gjöfin, þegar
stórt er spurt… Ég held að ég fari
bara aftur til 8 ára þegar ég plat-
aði ömmu til að gefa mér hvítu
„krump-lakk-stígvélin“ sem ég sá
ekki sólina fyrir og hvítt veski í stíl.
Er eitthvað eftirminnilegt í huga
þér frá yngri árum þínum á jólum?
Eiginlega ekkert sérstakt þann-
ig, jólin voru bara alltaf yndisleg
hjá mömmu og pabba með systk-
inum mínum, svo alltaf farið eftir
pakkaopnun til afa og ömmu í stóra
appelsínugula rjúpupottinn í eld-
húsinu hjá ömmu þegar líða fór á
kvöldið. Ógleymanlegt.
Hvað er í matinn á aðfangadag?
Alltaf rjúpur og líka hamborgar-
hryggur fyrir Sunnu Dís því henni
finnast rjúpurnar ekkert spes.
Hvenær eru jólin komin fyrir þér?
Jólin eru komin þegar rjúpu og
rauðkáls lyktin fer að ilma um
húsið á aðfangadag, ekki spurning.
Hefur þú verið eða gætir þú verið
hugsað þér að vera erlendis um
jólin?
Ég hef aldrei getað hugsað mér að
vera erlendis um jólin, alltaf viljað
vera í faðmi minna nánustu, en
hver veit ævina fyrr en öll er.
Hvernig brástu við þegar þú komst
að leyndarmálinu um jólasvein-
inn?
Ég varð ótrúlega sár, man það.
Áttu þér uppáhalds jólaskraut?
Jólatréð er eiginlega uppáhalds
Hvernig verð þú jóladegi?
Jóladagur... sef út, borða afganga
og skoða gjafirnar og lesum jóla-
kortin. Steini bróðir minn á afmæli
á jóladag svo jóladagur er alltaf tvö-
faldur hátíðardagur. Mamma og
pabbi bjóða okkur systkinunum,
mökum, börnum og nú barna-
börnum í mat á jóladagskvöld sem
er ómetanleg samverustund.
Sendum íbúum Sandgerðis bestu óskir um
gleðileg jól
og farsælt nýtt ár
Óskum Suðurnesjamönnum
gleðilegra jóla og
farsældar á nýju ári
Heimilisfólk og starfsmenn
Hrafnistu Reykjanesbæ
Bestu jóla- og nýárskveðjur
sendum við til ættingja og vina með
þakklæti fyrir liðnar stundir
Krump-lakk-
stígvél og veski í stíl