Fréttablaðið - 12.01.2018, Side 26

Ragnheiður
Tryggvadóttir
heida@365.is
Ég tel vera vakningu í heiminum. Við erum að berjast gegn órétt-læti hvers konar og vinna að rétt-
læti og virðingu, óháð kyni, litarhætti
og menningu og þá eru aðrar tegundir
ekki undanskildar. Við þurfum að tala
máli þeirra sem mállaus eru, dýranna,
en veganismi er lífsháttur þar sem
leitast er við að útiloka og forðast eftir
fremsta megni hagnýtingu og ofbeldi
gagnvart dýrum, hvort sem það á við
um fæðu, fatnað, skemmtun eða aðra
neyslu. Veganismi er mest vaxandi
réttlætisbaráttuhreyfingin í heim-
inum í dag,“ segir Valgerður Árna-
dóttir, framkvæmdastjóri Samtaka
grænmetisæta á Íslandi, en samtökin
standa fyrir Veganúar. Með Veganúar
vilja samtökin vekja fólk til umhugs-
unar um áhrif neyslu dýraafurða.
„Veganúar er áskorun með það að
markmiði að kynna kosti vegan fæðis
fyrir heilsu, umhverfi og dýravernd.
Skorað er á þátttakendur að neyta
eingöngu vegan grænmetisfæðis
í janúarmánuði og upplifa hversu
gefandi, heilsueflandi og auðvelt það
getur verið,“ útskýrir Valgerður.
Veganúar er hluti af alþjóðlegri
hreyfingu sem hófst í Englandi í
janúar 2014. SGÍ á Íslandi standa nú
Vaxandi baráttuhreyfing
Valgerður Árnadóttir er framkvæmdastjóri Samtaka grænmetisæta á Íslandi. Hún gerðist vegan
fyrir tveimur árum og heldur nú utan um Veganúar. Hún segir undirtektir aldrei hafa verið betri.
fyrir Veganúar áskorun í þriðja skipti
og meðal þess sem er á dagskrá eru
fræðslufundir, málþing og kvik-
myndasýning. Valgerður segir undir-
tektir aldrei hafa verið betri.
„Fjölmörg veitingahús og verslanir
taka þátt í Veganúar í ár og við fengum
t.a.m Nettó til liðs við okkur sem aðal-
styrktaraðila Veganúar en þau leggja
sig fram um að hafa frábært veganúr-
val í verslunum sínum. Þátttaka fólks
í Veganúar fer samhliða því stigvax-
andi. Vegan Ísland-síðan á Facebook
fór úr 2.500 manns í  rúmlega 20 þús-
und manns á einungis tveimur árum.
Ef við skoðum nærliggjandi lönd þá
hefur grænkerum í BNA fjölgað úr
1% í 6% landsmanna á þremur árum
og grænkerar í Svíþjóð eru komnir í
tæplega 10% landsmanna á örfáum
árum,“ útskýrir Valgerður.
Vilja sjálfbært Ísland
„Í Samtökum grænmetisæta á Íslandi
eru nokkur hundruð manns. Fyrir
utan að sjá um Veganúar standa þau
fyrir fræðslufundum í skólum og
stofnunum um veganisma og grænan
lífsstíl. Þá hittum við stjórnmála-
flokka fyrir kosningar í haust og
hvöttum þá til að auka stuðning og
styrki við grænmetis- og kornrækt á
Íslandi með það að markmiði að gera
Ísland sjálfbært og tryggja fæðuöryggi
okkar en eins og er eru um 80%
grænmetis sem við borðum innflutt
og nánast allt korn. Það er sorglegt
að nýta ekki hreina orku og hreint
vatn frekar til lífrænnar ræktunar,“
segir Valgerður og hvetur fólk til
þess að ganga í félagið og taka þátt í
Veganúar.
„Ég vil hvetja fólk fyrst og fremst
til að fræðast um áhrif dýraafurða-
iðnaðarins á umhverfið, heilsuna og
dýrin. Við erum með ógrynni upp-
lýsinga á veganuar.is. Svo mætti líka
horfa á heimildarmyndarþrennuna
Cow spiracy – um umhverfisáhrif
dýraafurðaiðnaðarins, Forks Over
Knives – um heilsusamlegan ávinn-
ing plöntufæðis og síðast en ekki
síst Earthlings – um aðbúnað dýra í
iðnaðinum. Það er sagt að það taki
okkur a.m.k. 21 dag að venja okkur
á nýja hætti og fyrir þá sem vilja
prófa vegan þýðir það 22 dagar á
plöntufæði. Gott er að hafa í huga
að veganismi er ekki heilsuátak, það
er ógrynni til af vegan ruslfæði á
veitingahúsum og í verslunum, borg-
urum, frönskum, pitsum og alls konar
girnilegu gúmmelaði sem er vegan.
Við erum með yfirgripsmikinn lista
með uppskriftum og yfir veitingahús
á síðunni okkar,“ bendir Valgerður á.
Fyrir dýrin
Ástæður þess að fólk gerist vegan er
ólíkar. „Sumir gera það fyrir umhverf-
ið, aðrir fyrir heilsuna en flestir fyrir
dýrin. Ég varð vegan vegna þess að
ég er dýravinur og ég áttaði mig á því
að mig langaði ekki að skaða aðrar
lifandi verur að óþörfu með tilvist
minni. Ég tók því þátt í Veganúar 2016
og fann hvað mér leið vel líkamlega
og andlega. Ég er hraustari, orkumeiri,
fæ mun sjaldnar kvef eða flensur,
losnaði nánast alveg við mígreni
sem var að hrjá mig svo og exem sem
hefur ekki sést síðan ég varð vegan.
Það eina sem mér fannst erfitt við að
vera vegan voru viðbrögð annarra.
Ég þurfti endalaust að útskýra þetta
val mitt, lenti í rökræðum hvert sem
ég fór og fékk oft niðrandi athuga-
semdir. En þetta hefur mikið skánað,
það vita nánast allir hvað er að vera
vegan í dag og flestir taka manni
vel og vilja fræðast. Í gegnum Vegan
Ísland á Facebook kynntist ég öðrum
veganistum og svo fjölgar hratt vinum
og fjölskyldumeðlimum sem taka
skrefið. Í dag er þetta ekkert mál.“
Nánari upplýsingar á veganuar.is.
Valgerður Árnadóttir er dýravinur og gerðist vegan fyrir tveimur árum. mynd/Eyþór
Hollusta fyrir alla
Yogafood býður upp á hollan og bragðgóðan mat
sem nærir alla. Grænmetis- og veganréttir, orkuríkir
þeytingar og djúsar, kökur og nammilaði,
allt án viðbætts sykurs og 100% glútenlaust.
Við erum ávallt með gott kaffi, te og meðlæti
og safa, samlokur og millibita í kælinum.
Komdu við á Grensásvegi 10
og gefðu kroppinum gott að borða.
YOGAFOOD • Grensásvegi 10 • www.yogafood. is • 519 2290
Hágæða jurtamjólk
100% Vegan
Bragðgóð og
næringarík.
Lima jurtamjólkin fæst í öllum helstu matvöruverslunum.
Glúteinlaus og
trefjarík haframjólk
100% Vegan
100% Lífræn
Enginn viðbættur sykur
Bragðgóðar einar og sér
Henta í alla matargerð
4 KynnInGArBLAÐ 1 2 . jA n úA r 2 0 1 8 F Ö S T U DAG U RVEGAnúAr
1
2
-0
1
-2
0
1
8

0
4
:2
8
F
B
0
5
6
s
_
P
0
3
8
K
.p
1
.p
d
f
F
B
0
5
6
s
_
P
0
3
1
K
.p
1
.p
d
f
F
B
0
5
6
s
_
P
0
1
9
K
.p
1
.p
d
f
F
B
0
5
6
s
_
P
0
2
6
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
E
B
9
-4
3
9
0
1
E
B
9
-4
2
5
4
1
E
B
9
-4
1
1
8
1
E
B
9
-3
F
D
C
2
7
5
X
4
0
0
.0
0
1
6
A

F
B
0
5
6
s
_
1
1
_
1
_
2
0
1
8
C
M
Y
K