Fréttatíminn - 10.02.2017, Blaðsíða 4

Fá lán fyrir íbúðum sem voru áður atvinnuhúsnæði
4 | FRÉTTATÍMINN | Föstudagur 10. febrúar 2017
hollur kostur á 5 mín.
Gríms fiskibollur
Fasteignamarkaður Formaður
Félags fasteignasala hefur ekki
áhyggjur af 95% láni sem Sverrir
Einar Eiríksson býður kaupendum
sem vilja kaupa íbúð í hans eigu í
Kópavogi. Húsnæðið var eitt sinn
atvinnuhúsnæði en hefur verði
breytt í íbúðarhúsnæði. Fram-
kvæmdastjóri Félags fasteignasala
gerði athugasemd við heimasíðu
sem Sverrir hélt úti fyrir nokkrum
árum, þar sem hann auglýsti að
hann vildi kaupa fasteignir í mið-
borginni.
Valur Grettisson
valur@frettatiminn.is
„Ef þetta væri bankastofnun, þá
væri þetta áhyggjuefni, en mér
sýnist á öllu að þarna sé einstak-
lingur á ferð en ekki fjármálafyr-
irtæki,“ segir Kjartan Hallgeirsson,
formaður Félags fasteignasala. Eins
og fram hefur komið býður Sverrir
Einar Eiríksson 95% lán fyrir hús-
næðiskaupum en um er að ræða tíu
íbúðir á Kársnesbraut í Kópavogi
sem eitt sinn var atvinnuhúsnæði
en hefur verið breytt í íbúðarhús-
næði.
Viðskiptasaga Sverris hefur vakið
athygli en hann hefur meðal annars
verið í fjölmiðlum vegna kaupa og
sölu á gulli. Þá tilkynnti Félag fast-
eignasala vefsíðuna kaupumfasteign-
ir.is til eftirlitsnefndar fasteignasala
árið 2012, en þar auglýsir nafnlaus
aðili eftir íbúðum til kaups.
Strangar reglur gilda um auglýs-
ingar þegar kemur að fasteignum en
í frétt RÚV á sínum tíma kom fram
að að Félag fasteignasala teldi ekkert
faglegt eftirlit vera með fasteignasölu
af þessu tagi, og hagsmunir seljanda
því ekki tryggðir. Í ljós kom að Sverrir
Einar hélt úti síðunni.
Kjartan sagði ekki líklegt að þetta
framtak Sverris yrði skoðað sérstak-
lega hjá félaginu í ljósi þess að þarna
væri um einangrað tilfelli að ræða og
mönnum frjálst að haga sínum við-
skiptum eins og þeir vilja, svo lengi
sem það sé innan ramma laganna.
Hann sagði aftur á móti áhyggjuefni
hvernig væri komi fyrir ungu fólki
sem hygðist stíga sín fyrstu skref á
fasteignamarkaði, og að það væri
full ástæða til þess að hafa allan var-
ann á.
„Það væri óskandi að stjórnvöld
kæmu fram með einhverjar alvöru
aðgerðir varðandi ungt fólk því það
er ljóst að greiðslugetan er ekki að
þvælast fyrir, heldur einmitt að safna
fyrir útborgun,“ sagði Kjartan.
Sannleiksskýrsla Bryndís
Snæbjörnsdóttir formaður
Þroskahjálpar segir að þótt
almennt sé viðurkennt að mjög
óæskilegt sé að börn dveljist
á stofnunum þurfi foreldrar
fatlaðra barna enn þann dag í
dag allt of mikið að reiða sig á slík
úrræði. „Mér finnst mjög leitt að
við skulum ekki enn hafa heyrt
ráðamenn biðjast afsökunar á
meðferð fatlaðra barna í fortíð-
inni,“ segir hún. „Það þarf að biðja
allt fólk sem var vistað á þessum
stofnunum sem börn, og foreldra
þeirra, afsökunar. Síðan þurfum
við að einbeita okkur að því að
læra af mistökunum.“
Þóra Kristín Ásgeirsdóttir
tka@frettatiminn.is
„Við tökum undir álit nefndarinn-
ar um að miklar líkur séu til að
börn hafi sætt illri meðferð á öll-
um þeim stöðum þar sem þau voru
vistuð, segir Bryndís Snæbjörns-
dóttir. Hún segir að samtökin hafi
fengið margvíslegar ábendingar
til að mynda varðandi Sólheima
og fleiri staði þar sem fötluð börn
voru vistuð, um að þar hafi börn
sætt óásættanlegri meðferð líkt og
á öðrum stofnunum fyrir fatlaða.
Vistheimilanefnd hefur hins vegar
gefið út að ekki verði fleiri stofnan-
ir rannsakaðar. Í skýrslunni segir
að það sé hægt að draga þá álykt-
un að sambærilegir hlutir hafi átt
sér stað á öðrum dvalarheimilum
fyrir fatlaða.
„Það kann að vera skynsamlegt
að láta staðar numið ef það er al-
mennt viðurkennt, og sérstaklega
af hlutaðeigandi stjórnvöld-
um, að yfirgnæfandi líkur
séu á að börnin hafi sætt
óásættanlegri meðferð á öll-
um þessum stöðum og eigi
því rétt á sanngirnisbótum,“
segir Bryndís.
Hún segir að nú sé það á allra vit-
orði að stofnanalíf fari illa með fólk,
sé mannskemmandi og þar við-
gangist mjög oft ýmislegt misjafnt.
Samt sem áður séu slíkar stofnanir
reknar fyrir almannafé í dag. „Þótt
þær séu ekkert í líkingu við Kópa-
vogshælið í fortíðinni séu dæmi um
það í dag að lítið sem ekkert eftirlit
sé með skammtímavistun fyrir fatl-
aða eins og sumardvöl,“ segir Bryn-
dís.
„Eftirlitsþátturinn er almennt
ekki í lagi í dag. Samkvæmt lögun-
um eiga sveitarfélög að hafa eftirlit
með því að fatlað fólk fái þá þjón-
ustu sem það á rétt á. Ríkið, beri
ábyrgð á að hafa eftirlit með lögum
og viðurkenndum mannréttind-
um. Þótt það sé mikilvægt að gera
upp fortíðina er samt enn mikil-
vægara að koma í veg fyrir að við
gerum sömu mistökin aftur og aft-
ur,“ segir Bryndís. „Með skamm-
tímavistun fyrir börn og sambýlum
er nauðsynlegt að hafa gott eftirlit
til að koma í veg fyrir að þar geti átt
sér stað misbeiting af því tagi sem
lýst er í skýrslu vistheimilanefndar.
Í dag er viðurkennt að ávallt beri að
vinna út frá hugmyndafræði um að
allir eigi rétt á einkarými.“
Ráðamenn eiga að
biðjast afsökunar
Húsnæðið sem um ræðir var atvinnuhúsnæði.
Efra-Sel og Sólheimar
Í skýrslunni um Kópavogshælið er fjallað um Efra-
-Sel hjá Stokkseyri, en þar leigði, Símon Sigmunds-
son bróðir Sesselju Sigmundsdóttur stofnanda Sól-
heima, og rak þar skóla og vistheimili fyrir fatlaða
drengi.
Símon var fyrsti starfsmaður Kópavogshælisins
og aðhylltist, eins og systir hans, hugmyndafræði
Rudolfs Steiners en þau systkinin kynntust henni í
Þýskalandi á þriðja áratugnum.
Mikið harðræði virðist þó hafa viðgengist á Efra-
Seli sem var nokkurs konar útibú frá Kópavogshæl-
inu á árunum 1957 til 1964. Fólk sem dvaldi þar lýsir
því í samtölum við nefndina hvernig það var lokað
niðri í dimmum kjallara tímunum saman eða látið
éta eigin ælu, ef það hélt ekki niðri matnum.
Bryndís Snæbjörnsdóttir, formaður Þroskahjálpar, segir mikilvægt að rannsóknir eins og sú sem gerð var á starfsemi Kópa-
vogshælisins nýtist til að koma í veg fyrir að sömu mistökin viðgangist enn þann dag í dag.
Eftirliti með vistun fyrir
fötluð börn er enn ábóta-
vant að mati formanns
Þroskahjálpar.
Tilfinningaþrungin stund
„Hvar sem Ólöf Nordal lagði hönd
að verki var vel unnið, hún var
einstaklega skýr og málefnaleg í
ræðu og riti, ráðagóð, skörp og vel
menntuð, hæfileikarík og hrífandi
kona,“ sagði Unnur Brá Kon-
ráðsdóttur forseti Alþing-
is þegar hún minntist
Ólafar Nordal, fyrrver-
andi innanríkisráðherra
og varaformanns Sjálf-
stæðisflokksins á Alþingi
en hún lést á miðviku-
dagsmorgun. Stund-
in var mjög tilfinn-
ingaþrungin enda
Ólöf afar vinsæl
og vel metin í
þinginu. Athygli
vakti að Bjarni
Benediktsson for-
sætisráðherra og formaður Sjálf-
stæðisf lokksins beygði af undir
minningarorðum forseta þingsins
en hann og Ólöf voru nánir vinir og
samstarfsmenn.
Símon Sigmundsson var bróðir Sesselju
Sigmundsdóttur stofnanda Sólheima sem
er nánast í guðatölu fyrir starf sitt með
þroskaheftum börnum.
Þingmenn og nánir samstarfsmenn
Ólafar Nordal minntust hennar í
þinginu á fimmtudag.
Sakamál Rannsókn á ofbeldi
gagnvart ungabarni í leikskól-
anumn Korpukoti hefur verið
felld niður hjá lögreglu. Móðir
ungabarns vísaði málinu til
barnaverndarnefndar Kópavogs
sem ákvað að vísa málinu áfram
til lögreglu í október á síðasta ári.
Móðir barnsins fann marbletti á
líkama barnsins og taldi hún lík-
legt að barnið hefði fengið áverk-
ana í leikskólanum. Leikskólinn hóf
innri skoðun á málinu samkvæmt
verklagsreglum og komst að þeirri
niðurstöðu að barninu hefðu ekki
verið veittir áverkar í skólanum.
Barnaverndarnefnd Kópavogs
fékk málið einnig inn á sitt borð
og ákvað að vísa því til lögreglu
þar sem nefndinni þótti rökstudd-
ur grunur um að barnið hefði ver-
ið beitt ofbeldi. Ofbeldisdeild lög-
reglunnar rannsakaði málið, og
tók meðal annars skýrslu af starfs-
manni skólans. Málið var svo látið
niður falla fyrir skömmu. Móðir
barnsins sagði í viðtali við Frétta-
tímann á síðasta ári að hún hefði
verið ósátt við að starfsmannin-
um hefði ekki verið vikið úr starfi
tímabundið strax á meðan málið
var rannsakað. Það var þó gert eft-
ir að lögreglan hóf skoðun á málinu.
Þá voru foreldrar ekki látnir vita af
málinu fyrr en eftir að það komst í
fjölmiðla. | vg
Hættir rannsókn
á ofbeldi gegn barni
Barnið var á Korpukoti.