Fréttatíminn - 10.02.2017, Blaðsíða 30

30 | FRÉTTATÍMINN | Föstudagur 10. febrúar 2017
Með þráhyggju fyrir
engiferöli
Ef þú heldur að engiferöl sé bara engiferöl þá ertu á villigötum, enda er
um margslunginn og gjarnan karaktermikinn drykk að ræða. Ágúst Már
er mikill áhugamaður um engifer og er svo sólginn í engiferöl að hann
ferðast landa á milli í leit að hinu eina sanna bragði. Hann stofnaði nýlega
Engiferöls-vinafélagið ásamt Frey Eyjólfssyni.
Sólrún Lilja Ragnarsdóttir
solrunlilja@frettatiminn.is
Þó að maður sé að drekka sykraðan gosdrykk þá upplifir maður næstum detoxáhrif af því að inn-byrða engifer,“ segir Ágúst
Már Garðarson matreiðslumaður,
eða Gústi chef eins og hann er alltaf
kallaður. Gústi er sérlegur áhuga-
maður um engiferöl og stofnaði
nýlega Engiferöls-vinafélagið ásamt
vini sínum Frey Eyjólfssyni. „Við
erum búnir að tala mikið saman
um engiferöl og bera saman bæk-
ur okkar. Við ákváðum því að kýla
á þetta,“ útskýrir hann. En fyrsta
skrefið hjá þeim var að stofna face-
book-síðu þar sem áhugafólk um
engiferöl getur komið saman og
skipst á skoðunum.
„Íslenska orðið engiferöl segir
samt eiginlega ekki allt, því engifer-
öl skiptist í gingerale og gingerbeer.
Þetta eru algjörlega tveir aðskild-
ir hlutir. Gingerale er bara bragð-
bætt gos en gingerbeer er bruggað
engifer þar sem kolsýran verður til
lífrænt við bruggunina, en flokk-
ast engu að síður sem alkóhólslaus
drykkur, langflestar tegundir að
minnsta kosti.“ Flestar tegundir
af Engiferbjórnum eru með undir
fimm prósent alkóhólmagni, sem
er álíka mikið og í tyggigúmmíi, að
sögn Gústa.
„Þetta fellur því undir alkó-
hóllausan lífsstíl, sem er ein af
ástæðunum fyrir því að ég endaði í
þessu,“ segir Gústi en hann drekkur
ekki áfengi. „Mér fannst alltaf svo
leiðinlegt að drekka bara sódavatn
í boðum. Þó að maður sé ekki að
drekka þá langar mann að gera sér
dagamun og vera með eitthvað ann-
að en sódavatn í glasi.“
Fyrst byrjaði hann á því að prófa
sig áfram með óáfenga kokteila, en
þegar hann datt niður á alvöru engi-
feröl þá var ekki aftur snúið. „Nú er
þetta orðið áhugamál hjá mér, ligg-
ur við þráhyggja. Ég þarf alltaf að
eiga eina til tvær tegundir af ginger-
beer inni í kæli hjá mér og er alltaf
að leita að nýrri tegund.“
Gústi hefur drukkið engiferöl frá
því hann var barn, en raunveruleg-
ur áhugi á mismunandi tilbrigðum
drykkjarins kviknaði fyrir rúmum
sjö árum. „Ég drakk Canada Dry
gingerale þegar ég var krakki og
fannst það æðislegt, en ég myndi
aldrei drekka það í dag. Það er svo
bragðlaust við hliðina á öðru sem er
í boði. Svo byrjaði þetta aftur fyrir
sjö, átta árum þegar ég uppgötvaði
Britvic gingerale, litlu dósirnar sem
hægt er að fá í flugvélum. Og síðan
þá hef ég ferðast á milli tegunda
og landa til að reyna að finna besta
engiferölið, en ég drekk mest gin-
gerbeer í dag.“
Hann er eimmitt nýbúinn að upp-
götva Fentimans gingerbeer. „Það
sem hann hefur til ágætis fyrir mig
núna er að það er svo flókið bragð
af honum. Það er meira að segja svo
flókið að manni finnst fyrsti sopinn
hálf ógeðslegur. Manni bregður
bara. Maður hnerrar eftir fyrsta
sopann og verður hálfskrýtinn,“
segir hann og hlær. „Það er ótrúlega
karaktermikill gingerdrykkur.“
Sem matreiðslumaður er Gústi
líka einstaklega hrifinn af engifer
sem hráefni. „Ég hef alla tíð verið
rosalega veikur fyrir engiferi í sjálfu
sér. Heillaður af rótinni sem bragð-
bæti, marineringu og allt mögu-
legt.“
En það er óhætt að segja að Gústi
hafi verið á undan sinni samtíð í
engiferölsdrykkjunni því nú er engi-
ferölið orðið að hátískudrykk sem
þykir fínt að sötra og nota í ýmsa
kokteila.
„Þetta er eitthvað sem fólk er
að fatta. Gingerbeer er til dæmis
notaður í tvo mjög fræga kokteila,
Dark and stormy og Moscow mule,
sem eru orðnir tískukokteilar í
dag. Þannig kemur gingerale-ið
aftur upp á yfirborðið núna, út af
barmenningunni. Þessari rosalega
flottu kokteilamenningu.“
Þeim Gústa og Frey er full alvara
með stofnun félagsins en spyrja sig
um leið af hverju í ósköpunum þeir
eru að standa í þessu. Gústi hefur
reyndar svarið á reiðum höndum:
„Þetta er bara svo gaman og það er
augljóslega áhugi fyrir þessu.“
Markmiðið er að stofnfundur
félagsins verði 20. apríl á Kex. En
þar ætlar áhugafólk um engiferöl að
hittast, spjalla og dreypa á ýmsum
gerðum drykkjarins.
„Allir sem ég bendi á að prófa
verða sólgnir í gingerbjórinn. Þessi
drykkur er nefnilega svo ólíkur
öðrum drykkjum, það kemur þessi
forvitni upp um leið. Löngunin til
að vilja prófa fleiri sortir og flóknari
brögð.
Gústi verður alltaf að eiga að minnsta kosti tvær mismunandi gerðir af engiferöli í kæli.
Samverustund með
kettinum þínum
30-90% afsláttur
af öllum útsöluvörum
stærðir 38 - 58
ÚTSÖLULOK
Markaðurinn er í stöðugri mótun
og framleiðir gjarnan nýjungar
sem engan hefði órað fyrir. Nýlega
kom á markaðinn erlendis nýtt,
óáfengt vín sem ætlað er hundum
og köttum. Hugsunin á bak við
þennan óvenjulega drykk er að
við mennirnir getum notið þess
að eiga ljúfa stund með vínglas
við hönd og boðið loðnu vinum
okkar að vera með. Fyrirtækið
Apollo Peak framleiðir og þróar
vínið sem er hugsað bæði fyrir
hunda og ketti. Á vefsíðu fyrirtæk-
isins kemur fram að vínið er bæði
bragðgott og virðast dýrin vera
nokkuð hrifin af því. Vínið er að
sjálfsögðu óáfengt en í því er með-
al annars svokölluð kattarmynta
sem er planta sem kettir eru sér-
staklega sólgnir í. Einnig er hægt
að fá vín með piparmyntu, kamillu
og öðrum bragðtegundum fyrir
þá vandlátu. Framleiðendur hafa
greinilega húmor fyrir vörunni
en vínin nefnast til dæmis Pinot
meow, Moscatow og Chardogney.
Eins og stendur er gæludýravínið
enn einungis í boði utan landstein-
anna og við á Íslandi verðum því
að láta okkur nægja frumstæðari
skemmtun með gæludýrunum
okkar. | bsp
Nú geta kettir og hundar dreypt á víni með
eigendum sínum.
„Ég tel að samfélagið eigi að taka
skýra afstöðu til þess að ofbeldi
muni ekki líðast, hvorki kynferðis-
ofbeldi, heimilisofbeldi né annars-
konar ofbeldi,“ segir Sigríður
Björk Guðjónsdóttir, lögreglustjóri
á höfuðborgarsvæðinu, sem tekur
þátt í nýrri herferð UN Women á
Íslandi, Fokk ofbeldi, til að vekja
fólk til vitundar um ofbeldi gegn
konum og stúlkum, sem er eitt
útbreiddasta mannréttindabrot
í heiminum í dag. „Það er ekki
einkamál lögreglu að taka á of-
beldinu, við verðum að gera þetta
saman,“ bætir hún við.
Sigríður Björk birtist okkur í
herferðinni með Fokk ofbeldi húf-
una sem seld verður til styrktar
verkefninu Öruggar borgir (Safe
Cities Global Initative). En UN
Women vinnur að því að gera
borgir víða um heim öruggari fyrir
konur og stúlkur, meðal annars
með því að lýsa upp dimmar
götur.
Í kjölfar hvarfs Birnu Brjáns-
dóttur hafa konur hér á landi
einmitt stigið fram og lýst þeim
veruleika sem þær búa við. Ótta
og óöryggi sem þær finna fyrir
á götum úti og hvernig þær axla
ábyrgð á mögulegu ofbeldi með
því að forðast augnsamband, velja
ákveðnar götur fram yfir aðrar,
halda á lykli milli fingra sinna í
annarri hendi og símanum í hinni
þegar þær þurfa að ganga á milli
staða að kvöld- eða næturlagi.
„Þetta átak er frábært og allt
sem eykur vitund og samstöðu er
af hinu góða og ég er stolt að taka
þátt í þessu átaki,“ segir Sigríður
Björk sem vill reyndar ekki nota
F-orðið því hún veit að hún yrði
skömmuð fyrir það heima.
Hin árlega dansbylting UN
Women, Milljarður rís, verður svo
haldinn í Hörpu föstudaginn 17.
febrúar næstkomandi, þar sem
minning Birnu Brjánsdóttur verð-
ur heiðruð.
Sigríður Björk verður því miður
ekki á landinu á þeim tíma, en úti-
lokar ekki að hún dansi, ein með
sjálfri sér, þar sem hún verður
stödd.
„Það sem er sérstakt við mál
Birnu er þessi gríðarlega samstaða
sem myndaðist og þátttaka sam-
félagsins. Þessi mikla samstaða
sýnir okkur hvað er hægt að gera
og sýnir okkur hvernig samfélagið
getur tekið harða afstöðu gegn of-
beldi. Mér finnst það mjög viðeig-
andi að þessi gjörningur sé tileink-
aður minningu hennar.“
Samstaðan sýnir okkur hvað hægt er að gera
Sigríður Björk tekur sig vel út með
Fokk ofbeldi húfuna, en hún er stolt af
því að taka þátt í átakinu. Mynd | Saga Sig