Fréttatíminn - 24.02.2017, Síða 6

Lögreglumál Rannsókn ákæru-
valdsins í Svíþjóð á aðgerðum
Paolos Macchiarinis er flókin og
teygir sig til Íslands, Bandaríkj-
anna og Tyrklands
Ingi F. Vilhjálmsson
ingi@frettatiminn.is
Rannsókn sænsku lögreglunnar
á plastbarkamálinu hefur dregist
á langinn vegna þess hversu flók­
ið og umfangsmikið málið er. Lög­
reglan hefur þurft að yfirheyra
vitni og lækna frá mörgum lönd­
um, meðal annars Íslandi, sem
flækir rannsóknina á plastbarkaað­
gerðum ítalska skurðlæknisins Pao­
los Macchiarinis. Hann er grunað­
ur um tvö manndráp af gáleysi og
grófa líkamsárás.
Frá þessu er sagt í sænska blað­
inu Dagens Nyheter en í máli sak­
sóknarans sem fer með rannsókn
málinu, Jennie Nordin, kemur fram
að ákæruvaldið í Svíþjóð hafi meðal
annars þurft að setja sig inn í flókn­
ar læknisfræðilegar spurningar til
að ná utan um málið. „Við höfum
yfirheyrt vitni og lækna frá útlönd­
um – frá Íslandi, Bandaríkjunum,
Englandi, Tyrklandi og Belgíu, og
eigum enn eftir að halda nokkrar
yfirheyrslur.“
Einn af sjúklingum hans, Andem­
ariam Beyene, var búsettur á Ís­
landi og fékk græddan í sig plast­
barka vegna krabbameins í hálsi
árið 2011 eftir að hafa verið sendur
til Karolinska­sjúkrahússins í Sví­
þjóð frá Landspítalanum. Andem­
ariam lést árið 2014 en nú liggur
fyrir að engar vísindalegar sannan­
ir lágu fyrir um að ígræðsla plast­
barkans í hann gæti virkað. Frétta­
tíminn hefur sagt frá því að læknir
hans á Íslandi, Tómas Guðbjarts­
son, hafi verið yfirheyrður vegna
málsins en afar ólíklegt verður að
teljast að hann liggi undir nokkrum
grun í málinu.
Í máli Nordins kemur fram að ef
Macchiarini verður ákærður fyrir
plastbarkaaðgerðirnar þá verði það
í fyrsta lagi með vorinu.
Rannsóknin á plastbarkamálinu dregst á langinn
Macchiarini er grunaður um tvö
manndráp af gáleysi, meðal annars á
Andemariam Beyene sem búsettur var
á Íslandi. Lögreglurannsóknin á máli
hans hefur dregist á langinn í Svíþjóð.
6 | FRÉTTATÍMINN | FÖSTUDAGUR 24. FEBRÚAR 2017
Útdregið 90 x200 cm.
AUKARÚM
HÓTEL OG GISTIHEIMILI!
Reynsla – þekking – fagmennska
Hafðu samband við söluráðgjafa okkar.
VÖNDUÐ HANDKLÆÐASETT
Hótelhvítt 450 gsm.
BAÐSLOPPAR
100% bómull.
HÓTELDÝNUR
OG HÓTELRÚM
LÖK OG
DÝNUHLÍFAR
SÆNGUR OG KODDAR
MIKIÐ ÚRVAL
www.ger.is
GER heildverslun
Bíldhöfði 20
110 Reykjavik
Sími: 558 1111
Netfang: ger@ger.is
Facebook felldi meðdómarann
Ingi F. Vilhjálmsson
ingi@frettatiminn.is
Sveitastjórnarmál „Það var gerð út­
tekt hér á fjármáladeild sveitarfé­
lagsins og eftir hana ákvað bæjar­
stjórn að leggja niður starfslýsingu
fjármálastjóra og búa til nýja þar
sem meðal annars var krafist há­
skólamenntunar. Mér var svo falið
að ganga frá starfslokum við hann,“
segir Gunnar Birgisson, bæjarstjóri
í Fjallabyggð, aðspurður um starfs­
lok fjármálastjóra sveitarfélagsins,
Ólafs Þórs Ólafssonar, sem gegnt
hafði starfinu í 11 ár og unnið hjá
sveitarfélaginu í yfir 20. Aðspurð­
ur um hvort fyrrverandi fjármála­
stjóri hafi ekki verið með háskóla­
menntun segir Gunnar að það hafi
verið „langt frá því“.
Aðspurður um hvort Gunnar telji
að starfsmaðurinn hafi ekki verið
hæfur til að gegna starfinu segir
hann: „Í úttektinni, sem er trún­
aðarmál, segir að margt þurfi að
gera og laga og ákvað bæjarstjórn
þetta í kjölfarið.“ Aðspurður um
hvort hann hafi lagt línurnar um
starfslok fjármálastjórans segir
Gunnar: „Ég er náttúrulega fram­
kvæmdastjóri en ég kem ekki með
tillöguna á bæjarstjórnarfundi,“
en að bæjarstjórn hafi samþykkt
skipulagsbreytingarnar sem fólu í
sér starfslok hans. Aðspurður um
hvort deilur hafi komið upp á milli
Gunnars og Ólafs um starfsemi
sveitarfélagsins segir hann að svo
hafi ekki verið.
Talsverð leynd hefur hvílir yfir
starfslokum Ólafs Þórs Ólafssonar
í Fjallabyggð og hefur málið vakið
umtal á Siglufirði. Trúnaður er yfir
tillögu um skipulagsbreytingar sem
fólu í sér starfslok hans sem rædd
var á bæjarstjórnarfundi í Fjalla­
byggð þann 9. febrúar síðastliðinn,
eins og segir í fundargerðinni:
„Niðurstaða umfjöllunar og af­
greiðsla bæjarstjórnar er skráð sem
trúnaðarmál.“ Þá var bæjarstjórn­
armönnum gert að skrifa undir
trúnaðaryfirlýsingu um starfslok
Ólafs Þórs. Heimildir Fréttatímans
herma að óeining hafi komið upp á
milli Ólafs og Gunnars bæjarstjóra,
sem áður starfaði sem bæjarstjóri í
Kópavogi.
Málið hefur valdið deilum inn­
an bæjarstjórnar Fjallabyggðar og
eru ekki allir sáttir við með hvaða
hætti gengið var starfslokum Ólafs.
Starf hans hefur nú þegar verið
auglýst með breyttri starfslýsingu
á vef Fjallabyggðar og er umsóknar­
frestur til 27. febrúar.
Ólafur vill í samtali við Fréttatí­
mann ekki ræða um starfslokin og
segir málið vera á viðkvæmu stigi.
„Það er mjög viðkvæm staða núna
og ég get því miður ekki tjáð mig
um þetta. Það getur bara skemmt
fyrir mér og ég er bundinn trún­
aði.“ Gunnar segir að hann sé að
ganga frá starfslokum Ólafs þessa
dagana.
Fjármálastjóra
Fjallabyggðar sagt upp
með umdeildum hætti
Fjallabyggð hefur auglýst starf fjármálastjóra laust til umsóknar eftir að fyrr-
verandi fjármálastjóra var sagt upp störfum. Gunnar Birgisson bæjarstjóri var
hvatamaður að skipulagsbreytingum sem fólu í sér starfslok hans.
Gunnar Birgisson var hvatamaður að því að segja upp fjármálastjóra
Fjallabyggðar. Uppsögnin var umdeild í bæjarstjórn þó skipulags-
breytingar hafi verið samþykktar. Málið hefur vakið mikla athygli í
Fjallabyggð en fjármálastjórinn fyrrverandi hafði unnið hjá sveitarfé-
laginu í meira en 20 ár.
Sakamál Hæstiréttur Íslands
ómerkti dóm Héraðsdóms
Reykjavíkur í Marple-málinu svo-
kallaða og gerir héraðsdómi að
endurtaka málsmeðferðina vegna
fréttadeilinga meðdómarans,
Ásgeirs Brynars Torfasonar, lekt-
ors í viðskiptafræði við Háskóla
Íslands, á Facebook.
Þeir Hreiðar Már Sigurðsson, fyrr­
verandi forstjóri Kaupþings, Magn­
ús Guðmundsson, fyrrverandi for­
stjóri Kaupþings í Lúxemborg og
Skúli Þorvaldsson, eigandi félagsins
Marple Holding, voru allir dæmdir
til refsingar í málinu. Magnús fékk
þyngsta dóminn, eða átján mánuði,
en hinir tveir fengu hálft ár hvor.
Guðný Arna Sveinsdóttir, fyrrver­
andi fjármálastjóri bankans, var
sýknuð.
Í niðurstöðu Hæstaréttar segir
að Ásgeir hafi ítrekað deilt fréttum
af dómsmálum gegn stjórnendum
Kaupþings og birti meðal annars
mynd af Magnúsi og Hreiðari Má
við frásögn um sakfellingu þeirra
í dómsmáli.
Svo segir Hæstiréttur orðrétt:
„Þær tilgreiningar verða ekki skild­
ar á annan veg en þann, að með­
dómsmaðurinn lýsi yfir stuðningi
við það, sem fram kom í því efni
sem hann tekur upp. Þá lýsir tal
hans um „bankabófa“ sem hann
viðhafði á árinu 2011 afstöðu hans
til stjórnenda bankanna, þar með
talið ákærðu.“
Málið er því ómerkt, og fyrirséð
að rétta þurfi í málinu á ný. | vg
Meðdómarinn deildi
meðal annars mynd
af Hreiðari Má.