Fréttatíminn - 25.02.2017, Blaðsíða 4

Sakamál Tónlistarmaðurinn
Gunnar Waage hefur mátt sæta
ofsóknum síðustu mánuði vegna
skrifa sinna gegn rasisma á vefsíð-
unni Sandkassinn.com.
Þannig braut óprúttinn aðili þrjár
rúður á heimili Gunnars, með
hamri, í síðustu viku. Þá voru einnig
framin skemmdarverk á heimili
Gunnars fyrir áramót, en hann seg-
ir það hafa gerst skömmu eftir að út-
varpskonan Arnþrúður Karlsdóttir
birti heimilisfang hans á spjallsíðu
Íslensku Þjóðfylkingarinnar á Face-
book.
„Það var tekin ákvörðun hérna
um að tjá sig ekki um þetta og mýkja
skrifin,“ sagði Gunnar þegar blaða-
maður hafði samband við hann en
hann kaus að tjá sig ekki efnislega
um málið. Hann staðfestir að hann
hafi kært skemmdarverkin til lög-
reglunnar á höfuðborgarsvæðinu.
Hann lýsir hinsvegar málinu á Face-
book og segir þar:
„Það er í framhaldi sameiginleg
ákvörðun okkar hér heima að örygg-
is vegna, þá mun ég breyta skrifum
mínum á Sandkassanum, enda er
það ráðlegging þessa lögreglufull-
trúa í stað þess að hefja rannsókn á
morðhótunum og skemmdarverk-
um.“
Gunnar hefur haldið vefnum
Sandkassinn úti um hríð sem má
lýsa sem herskáum skoðanavef gegn
rasisma hverskonar. Efni síðunnar
hefur ratað fyrir dómstóla, en kona
var sýknuð í Héraðsdómi Reykjavík-
ur fyrir skömmu fyrir að deila grein
af síðunni um Pétur Gunnlaugsson,
útvarpsmann á Útvarpi Sögu, með
4 | FRÉTTATÍMINN | LAUGARDAGUR 25. FEBRÚAR 2017
Hreiðar Már Sig-
urðsson fékk lán hjá
sveitarfélaginu til
þess að kaupa Rásar-
húsið í Þorlákshöfn.
Gunnar Waage hefur
haldið úti skoðana-
síðunni Sandkassinn.
com
Segir rasista hafa brotið rúður á heimili sínu með hamri
Þrjár rúður
voru brotn-
ar á heimili
Gunnars
Waage. Þetta er
í annað skiptið
sem það gerist
á nokkrum
mánuðum.
fyrirsögninni: „Kúkur mánaðarins“.
Stjórnendur Útvarps Sögu hafa
kveinkað sér vegna skrifa Gunnars
og kallað hann netníðing og gagn-
rýnt hann harðlega.
Gunnar gerir athugasemdir við
vinnubrögð lögreglunnar í færsl-
unni og segir í lokin: „Það er sem
sagt málfrelsi rasista og ofbeldisfólks
sem þarf að verja, við hin eigum
samkvæmt ráðleggingum lögreglu
að láta lítið fyrir okkur fara.“
Sími 412 2500 - sala@murbudin.is - www.murbudin.is
HANDKLÆÐAOFNAR
Kletthálsi 7, Reykjavík
Fuglavík 18, Reykjanesbæ
Verðdæmi:
Beinn hvítur
50x80cm kr. 7.890
Boginn hvítur
60x120cm kr. 10.890
Beinnn króm
50x120cm kr. 16.890
Boginn króm
50x80cm kr. 12.890
Hvítir og króm, beinir og bognir, margar stærðir!
Bankamál Hagnaður íslensku
bankanna er enn gríðarlegur þótt
hann hafi mikið minnkað frá því
sem mest var. Þrátt fyrir að skrúf-
að hafi verið fyrir vöxt íslenskra
banka erlendis eru þeir enn mun
fyrirferðarmeiri í efnahagslífinu
en í öðrum löndum. Þrátt fyrir
það eru engar hugmyndir um að
minnka þá áður en ríkið selur
hluta af eign sinni í bönkunum.
Gunnar Smári Egilsson
gunnarsmari@frettatiminn.is
Samanlagður hagnaður stóru við-
skiptabankanna þriggja, Arion-,
Lands- og Íslandsbanka, var tæp-
ir 57 milljarðar króna í fyrra. Það
er næstum helmingi minni hagn-
aður en árið á undan, þegar hann
var tæplega 110 milljarðar króna.
Áhrif endurmats eigna vó minna í
fyrra en mörg undanfarin ár. Segja
má að bankarnir séu að mestu bún-
ir að innleysa hagnaðinn af því að
hafa tekið við miklu af eignum og
lánasöfnum á lágu verði við stofn-
un, eignum sem síðan hafa reynst
verðmeiri og lánum sem hafa reynst
tryggari.
Samanlagður hagnaður bank-
anna þriggja frá 2009 er um 568
milljarðar króna á núvirði. Það er
rétt tæplega 3,5 prósent af uppsafn-
aðri landsframleiðslu yfir tímabilið,
28. hver króna sem fór um íslenska
hagkerfið var dregin upp sem hagn-
aður í gegnum starfsemi bankanna.
Þetta hlutfall er stjarnfræðilegt.
Samanlagður hagnaður bandaríska
bankakerfisins er yfirleitt um og
undir einu prósenti af landsfram-
leiðslu. Og er fyrirferð bankakerf-
isins þó eitt af heitustu pólitísku
málunum í Bandaríkjunum. Krafa
Kára Stefánssonar, forstjóra Ís-
lenskrar erfðagreiningar, og tæp-
lega 90 þúsund annarra Íslendinga
um aukin framlög til heilbrigðis-
mála, snerist um að 11 prósent
landsframleiðslu rynnu í heil-
brigðiskerfið. Bankarnir hafa tek-
ið um þriðjung þess til sín í gegn-
um hagnað af rekstri og endurmat
eigna.
Í fyrra, þegar endurmat
eignasafna hafði að mestu þegar
skilað sér í hagnað fyrri ára, var
hagnaður bankanna um 2,4 prósent
af landsframleiðslu, nærri þrisvar
sinnum hærri en bandaríska hlut-
fallið.
Fyrirferð íslensku bankanna í
efnahagslífinu hefur verið til um-
ræðu á Íslandi árum og áratugum
saman. Það hefur lengi legið fyrir
að þeir eru of stórir, starfsmenn
of margir, vaxtamunur of mikill
og völd þeirra of mikil svo að hollt
geti talist fyrir efnahagslífið. Þessi
umræða hefur þó ekki verið fyrir-
ferðarmikil að undanförnu, jafnvel
þótt núverandi ríkisstjórn sé með
það á stefnuskrá sinni að selja hlut
sinn í bönkunum. Engin áform eru
um að minnka bankana áður, kljúfa
á milli fjárfestingabankastarfsemi
og viðskiptabanka eða setja þeim
einhverjar hömlur.
Eiginfjárhlutfall íslensku bank-
anna er óvenjuhátt, bæði í sögu-
legu samhengi og í samanburði við
banka í nágrannalöndum okkar.
Með því að færa það niður í um 15
prósent, sem er um tvöfalt hærra
en var árin fyrir Hrun, mætti greiða
hluthöfum út mikið fé og kæmu þá
um 140 milljarðar króna í hlut rík-
isins.
28. hver króna endar
sem hagnaður banka
Frá Hruni hefur hagnaður bankanna numið um 3,5 prósent af landsframleiðslu. Þetta er miklu hærra hlutfall en þekkist í
nágrannalöndum okkar.
Viðskipti Norskir fjárfestar eignast
enn stærri hlut í Arnarlaxi með
sölunni á bréfum Tryggingamið-
stöðvarinnar.
Ingi F. Vilhjálmsson
ingi@frettatiminn.is
Engar upplýsingar liggja fyrir um
hvaða fjárfestar það eru sem hafa
keypt þriggja prósenta hlut í norsku
móðurfélagi laxeldisfyrirtækis-
ins Arnarlax, Kvitholmen AS, af
Tryggingamiðstöðinni. Viðskiptin
voru tilkynnt í Kauphöll Íslands í vik-
unni þar sem Tryggingamiðstöðin
er skráð félag. Viðskiptin fóru fram
í gegnum norska verðbréfafyrirtæk-
ið Arctic Securities og miðlara hjá
því fyrirtæki sem heitir Alexander
Borgen.
Líklegt þykir, samkvæmt heimild-
um Fréttatímans, að norskir hlut-
hafar í Kvitholmen hafi keypt hlut-
inn og að Arnarlax sé því að enn
stærra leyti komið í eigu norskra að-
ila. Kvitholmen á 100 prósenta hlut
í Arnarlaxi og er stærsti hluthafi
þess norska laxeldisfyrirtækið Sal-
mar AS. Söluverð hlutarins var tæp-
lega 465 milljónir íslenskra króna.
Tryggingamiðstöðin heldur eftir 4,4
prósenta hlut í Kvitholmen.
Kjartan Ólafsson, stjórnarformað-
ur Arnarlax og Kvitholmen, segir að
hann viti ekki sjálfur hver keypti
hlutabréfin af Tryggingamiðstöð-
inni. Hann segir að það muni koma
í ljós þegar hlutahafalisti Kvitholmen
verði uppfærður í norsku kauphöll-
inni. Sigurður Viðarsson, forstjóri
Tryggingamiðstöðvarinnar, segir
að fyrirtækið hafi engar upplýsingar
um hverjir keyptu hlutabréfin sem
farið hafi fram í gegnum umræddan
verðbréfamiðlara.
Fréttatíminn hefur fjallað um það
að norsk laxeldisfyrirtæki horfi nú
auknum mæli til Íslands þar sem
verð laxeldisleyfa í Noregi er orðið
mjög hátt enda framleiðslan þar 1,3
milljónir tonna á ári meðan hún er
um 20 þúsund tonn á Íslandi. Við-
skiptin með hlutabréf Trygingamið-
stöðvarinnar renna enn frekari stoð-
um undir þetta.
Á huldu hver keypti hlutinn í Arnarlaxi
Hlutafé Arnarlax er nær alfarið í eigu
norskra fjárfesta og bæta þeir enn við
eignarhluti sína með kaupunum á nær
helmingi af hlutabréfum Trygginga-
miðstöðvarinnar í fyrirtækinu. Víking-
ur Gunnarsson er framkvæmdastjóri
Arnarlax.
Viðskipti Sveitarfélagið Ölfus
samþykkti að lána Hreiðari Má Sig-
urðssyni og félögum 33 milljónir
til fasteignakaupa í bænum.
Valur Grettisson
valur@frettatiminn.is
„Í fyrsta lagi er sveitarfélagið ekki
banki,“ bókaði Ármann Einarsson,
bæjarfulltrúi Sjálfstæðisflokksins í
sveitarfélaginu Ölfusi, en bókunin
er tilkomin vegna óvanalega hag-
stæðs láns sveitarfélagsins til kaupa
á Rásarhúsinu svokallaða í Þorláks-
höfn. Bæjarstjórn samþykkti söluna
á fimmtudaginn.
Á bak við kaupin standa með-
al annars Hreiðar Már Sigurðsson,
fyrrverandi bankastjóri Kaupþings,
ásamt Finnboga Gylfasyni, fram-
kvæmdastjóra fjármálasviðs 66°
Norður.
Ármann segir að það skipti hann
litlu máli hverjir kaupi húsið, sem
á að nýta undir ferðaþjónustu og
fleira, hann hafi hinsvegar áhyggj-
ur af því sem hann kallar „óeðlileg
kjör“ í bókuninni.
Í fundargerð bæjarstjórnar kem-
ur fram að kaupandinn er SF2014
ehf., og að eignin sé seld á 33 millj-
ónir króna. Ármann, ásamt Guð-
mundi Oddgeirssyni, bæjarfulltrúa
Samfylkingarinnar, gera hinsvegar
athugasemdir við að sveitarfélagið
lánar þeim félögum allt fé til kaupa á
húsinu með verðtryggðu veðskulda-
bréfi til 5 ára með 25 ára endur-
greiðsluferli sem ber 5% vexti. Að
auki veitir bæjarfélagið kaupanda
greiðslufrest í 6 mánuði frá undir-
ritun kaupsamnings.
„Ég hefði talið eðlilegra að lán-
ið væri veitt til eins árs,“ segir Ár-
mann sem þykir sveitarfélagið fara
þarna nokkuð út fyrir tilgang sinn
með því að lána fyrir kaupunum.
Ármann áréttar að hann hafi engar
athugasemdir við starfsemina eða
þá sem að málinu koma, en bendir
á það sé óhefðbundið að sveitarfélag
láni alfarið fyrir eign sem það selur
og það með svona góðum kjörum.
„Eðlilega leiðin væri að setja húsið
í almennt söluferli hjá fasteignasölu,
þannig væri málið hafið yfir gagn-
rýni,“ segir Ármann.
Hreiðar Már og Finnbogi eiga fyrir
Hótel Búðir á Snæfellsnesi, en Hreið-
ar hefur keypt upp allnokkur hót-
el víða á landinu síðustu misseri,
ásamt eiginkonu sinni.
Ölfus lánar Hreiðari
Má 33 milljónir
Húsið er við Selvogsbraut 4 í bænum.