Víkurfréttir - 04.05.2017, Page 26

26 fimmtudagur 4. maí 2017VÍKURFRÉTTIR
„Ég er með hóp af
miklum karakterum,
viljugum, duglegum
stelpum, sem hlusta
og gera það sem fyrir
þær er lagt,“ sagði
Sverrir Þór Sverris-
son, þjálfari kvenna-
l i ð s Ke f l av í k u r í
Domino’s deildinni
í körfubolta eftir að
liðið tryggði sér Ís-
landsmeistaratitilinn. Þær unnu
Snæfell í fjórðu úrslitaviðureign
liðanna, unnu þrjá leiki og töpuðu
einum. Sverri Þór var í skýjunum
eftir sigurinn og sagði árangurinn
í vetur hafa verið mun betri en
nokkur þorði að vona.
Sverrir Þór segir aðspurður út í þetta
magnaða unga lið að hugarfarið sé
stór partur af velgengninni en einnig
auðvitað körfuboltahæfileikar. „Þær
fara inn á völlinn sem lið, það eru
ekki bara tvær, þrjár sem eiga að
skjóta. Þetta er mikil samstaða, þær
spila sem lið.“
Það hefur vakið athygli
hvað leikmenn liðsins
eru óhræddir við að
skjóta, þrátt fyrir ungan
aldur. En þessar Kefla-
víkurstelpur þekkja
vel sigurtilfinninguna
og hafa unnið marga
tit la í yngri f lokk-
unum. Sverrir tekur
undir þetta og segir
stelpurnar óhræddar á
vellinum: „Ef þær eru fríar, eiga þær
að skjóta. Þær leita uppi styrkleika hjá
hvor annarri. Þetta er frábær hópur og
gaman að vinna með honum.
Sverrir Þór verður áfram þjálfari
liðsins og Gunnar Stefánsson einnig
áfram honum til aðstoðar. Sverrir
segir að hópurinn verði svipaður á
næsta tímabili en þó sé líklegt að þær
Emelía Ósk Gunnarsdóttir og Thelma
Dís séu að fara í nám til útlanda. „Það
verður auðvitað mikill missir af þeim
en það opnast gluggi fyrir aðrar. Ef
þær fara báðar finnst mér þó líklegt
að við reynum að styrkja hópinn.“
Liðsheildin
frábær hjá
stelpunum
Sverrir Þór og Gunnar Stefánsson með Ariana Moore á milli sín en hún var kjörin leikmaður úrslitakeppninnar. VF-mynd/pket.
l segir Sverrir Þór Sverrisson, þjálfari
Keflavíkurstúlkna. l Líkur á því að Thelma og
Emelía leiki ekki með liðinu á næsta tímabili
Keflavík Íslandsmeistarar
í körfuknattleik kvenna árið 2017
Fleiri myndir og viðtöl
á vef Víkurfrétta, vf.is