Morgunblaðið - 17.10.2017, Side 14

Morgunblaðið/Sigurður Bogi
Grindavík Mörg slys hafa orðið á veginum og því er úrbóta krafist nú.
Sigurður Bogi Sævarsson
sbs@mbl.is
Lagfæring hliðarsvæða og breikkun
axla við veg sem milda myndu allt
hnjask þegar bíl er ekið út af er góð
leið til þess að auka umferðaröryggi á
Grindavíkurvegi. Þá gæti einnig virkað
vel að koma upp sjálfvirku eftirliti til
þess að halda umferðarhraða niðri.
Þetta er meðal leiða eða tillagna sem
sérfræðingar Vegagerðarinnar setja
fram í minnisblaði þar sem fjallað er
um aðgerðir til að auka umferðarör-
yggi á veginum til Grindavíkur. Það er
13,3 kílómetra langur spotti, milli
Grindavíkurbæjar og Reykjanesbraut-
ar.
Mörg slys við útafakstur
Talsverð umræða spratt um örygg-
ismál á veginum í kjölfar tveggja bana-
slysa sem þar urðu síðastliðinn vetur.
Kallað hefur verið eftir úrbótum og
stofnaður var þrýstihópur í Grindavík
til þess að vinna málinu framgang.
Vegagerðarfólk gerði úttekt á öryggi
vegarins í vor og bendir þar sérstak-
lega á fláa við vegbrún. Þá sé algengast
að slys á veginum verði við útafakstur,
eða í 42% tilvika.
Á árabilinu 2012 til 2015 urðu alls 45
umferðarslys á Grindavíkurvegi. Það
eru 0,11 slys á hverja milljón ekna kíló-
metra, en 0,88 á öðrum þjóðvegum.
Fólk meiddist mikið í 20 af þessum 45
umferðarslysum, sem urðu helst þegar
vegurinn var háll eða blautur.
Önnur árangursrík leið til þess að
gera Grindavíkurveginn öruggari er,
að mati Vegagerðarinnar, að aðskilja
akstursstefnur með vegriði. Sú lausn
myndi hins vegar kalla á að breikka
yrði veginn um tvo metra, til þess að
mæta stöðlum og kröfum dagsins í
dag. Þá yrði að loka tengingum inn á
veginn þar sem því verður við komið.
Þessi lausn myndi kosta 1,4 milljarða
króna og því telur Vegagerðarfólk að
skynsamlegt sé að hefja úrbætur á
hliðarsvæðum, vegöxlum og hraða-
myndavélum. Dýrar breytingar eins
og aðskilnaður akstursstefna sem
mögulega krefjist mats á umhverfis-
áhrifum og breytingar á skipulagi taki
langan tíma.
Hjá Vegagerðinni ráða umferðartöl-
ur talsverðu um í hvaða forgangi fram-
kvæmdir eru. Í dag er umferð um
Grindavíkurveg að jafnaði 3.158 bílar á
dag. Að gefinni þeirri forsendu að um-
ferð aukist svo um 5% á ári má búst við
að ársdagsumferðin verði 5.671 bíll á
dag eftir tíu ár og 9.238 bílar árið 2037.
Tvær tillögur
til kynningar
 Grindavíkurvegur  Breiðari axlir og
eftirlit  Kostnaður 1,4 milljarðar kr.
14 FRÉTTIRInnlent
MORGUNBLAÐIÐ ÞRIÐJUDAGUR 17. OKTÓBER 2017
Sigtryggur Sigtryggsson
sisi@mbl.is
Borgarráð hefur samþykkt tillögu
Dags B. Eggertssonar borgarstjóra
þess efnis að settur verði saman
hópur sérfræðinga sem geri tillögur
að aðgerðum til þess að auka kosn-
ingaþátttöku í næstu sveitarstjórn-
arkosningum vorið 2018. Bæði verði
hugað að almennum aðgerðum og
sérstaklega leitað leiða til þess að
auka kosningaþátttöku ungs fólks
og fólks af erlendum uppruna.
„Rannsóknir sýna að kosninga-
þátttaka þessara hópa er mun verri
en almennt gerist, og því brýnt að
leita allra leiða til þess að auka
hana,“ segir í tillögu borgarstjóra.
Leitað verður hugmynda og leiða
í samvinnu við sérfróða aðila á sviði
markaðs- og kynningarmála og
sjónum í því sambandi einkum
beint að samfélagsmiðlum. Tillög-
urnar eiga að liggja fyrir 15. janúar
nk.
Fyrirsjáanlegt sé að slíkt mark-
aðs- og kynningarstarf verði kostn-
aðarsamt en umfang þess verði ekki
ljóst fyrr en nákvæmari tillögur
liggja fyrir.
Ungt fólk og innflytjendur
Fram kemur í greinargerð með
tillögunni að kosningaþátttaka eftir
aldurshópum hafi fyrst verið greind
í sveitarstjórnarkosningum árið
2014. Þar kom fram að kosninga-
þátttaka ungs fólks er umtalsvert
minni en þeirra sem eldri eru.
Kosningaþátttaka þeirra sem eru
29 ára og yngri náði aldrei 50%.
Minnst var þátttakan í aldurs-
hópnum 20-24 ára eða aðeins 42%.
Mest var þátttakan hins vegar í ald-
urshópnum 70-74 ára eða 80%.
Þá kemur fram í greinargerðinni
að kosningaþátttaka innflytjenda
var rannsökuð sérstaklega í sveit-
arstjórnarkosningunum árið 2006.
Þá var alls 4.391 innflytjandi á
kjörskrá og af þeim tóku 1.775 þátt
í kosningunum á landsvísu, eða
40,4%, en heildarþátttaka var
78,7%. Um síðustu áramót voru
35.997 innflytjendur á Íslandi eða
10,6% af heildarmannfjölda. Í
Reykjavík voru 17.500 innflytj-
endur skráðir eða 14,2% af heildar-
fjölda íbúa í borginni.
Þátttaka í borgarstjórnarkosn-
ingum var mjög mikil mestalla tutt-
ugustu öldina og inn í þá tuttugustu
og fyrstu. Á árunum 1950 til 2014
voru haldnar 17 borgarstjórnar-
kosningar. Meðalkosningaþátttaka
í þeim var 83,7% ( hlutfall þeirra
sem kusu og voru á kjörskrá). Allt
fram til ársins 2002 fór þátttakan
aldrei undir 80%. Hæst fór hún árið
1958 í 90,4%. Síðustu ár hefur hún
hins vegar farið ört minnkandi og
var komin niður í 62,9% í kosning-
unum 2014.
Þessi þróun er ekki bundin við
Reykjavík, hún hefur verið svipuð
um allt land. Árið 2002 var þátt-
takan á landsvísu 83,2% en var
komin niður í 66,5% árið 2014.
Þátttaka ungs fólks
náði hvergi 50%
 Borgarráð vill auka þátttöku í kosningum vorið 2018
Kosningaþátttakan
Þátttaka í kosningunum 2014
eftir aldri var sem hér segir:
» 18-19 ára: 45%
» 20-24 ára: 42%
» 25-29 ára: 48%
» 30-34 ára: 56%
» 35-39 ára: 61%
» 40-44 ára: 65%
» 45-49 ára: 68%
» 50-54 ára: 71%
» 55-59 ára: 74%
» 60-64 ára: 77%
» 65-69 ára: 79%
» 70-74 ára: 80%
» 75-79 ára: 77%
» 80 ára plús: 62%
Morgunblaðið/Árni Sæberg
Borgarstjórn Kosið verður næsta vor. Borgarfulltrúar vilja reyna að auka
áhuga fólks á þátttöku en hún var komin niður í 62,9 í kosningunum 2014.
TWIN LIGHT GARDÍNUM
Betri birtustjórnun með
Álnabær
Allt fyrir gluggann… úrval, gæði og þjónusta.
Síðumúla 32, Reykjavík. S. 588 5900 n Tjarnargötu 17, Keflavík. S. 421 2061 n Glerárgötu 32, Akureyri. S. 462 5900 n alnabaer.is
Sendum frítt hvert á land sem er gegn staðgreiðslu
Íslensk framleiðsla eftir máli
Hringdu núna og bókaðu tíma í máltöku
OPIÐ: VIRKA DAGA FRÁ 10-18
alnabaer.is
„Ef innheimta veggjalda af umferð á Grindavíkurvegi
getur flýtt fyrir nauðsynlegum úrbótum þar eru bæjar-
yfirvöld tilbúin að skoða þann möguleika,“ segir Fannar
Jónasson, bæjarstjóri í Grindavík.
„Slíkt yrði þó að vera í samhengi við önnur verkefni
eins og á Reykjanesbraut, samanber þær hugmyndir
samgönguráðherra að úrbætur á helstu vegum út frá
höfuðborgarsvæðinu verði fjármagnaðar af þeim sem
vegina nota.“
Það er kafli við afleggjarann að Bláa lóninu og við
Seltjörn, upp undir Reykjanesbraut, sem eru hættulegustu hlutar Grinda-
víkurvegar. Þar getur hálka myndast fljótt og aðstæður verið lúmskar.
Fannar segir því mikilvægt að hefja framkvæmdir þar, það er við upp-
byggðan 2+1 veg sem aðskilur akstursstefnur með vegriðum. Að jafna
vegbrúnir og efla umferðareftirlit sé ágætt, en megi ekki tefja varanlegar
úrbætur.
„Hér í bæ er mjög þung krafa um að hafist verði handa um úrbætur á
Grindavíkurveginum. Vegna þessara mála höfum við fundað með Vega-
gerðinni, ráðherrum og þingmönnum Suðurkjördæmis. Öllum eru óskir
Grindvíkinga ljósar,“ segir Fannar og heldur áfram:„Það er mat bæjarráðs
að miðað við aukna umferð um veginn þoli framkvæmdin enga bið. Sam-
kvæmt útreikningum kostar 1,4 milljarða króna að koma Grindavíkur-
veginum í sæmilegt horf. Það er kannski ekki stór upphæð í samhengi við
margt annað sem er í deiglunni og verkinu má áfangaskipta.“
Tilbúin að skoða veggjöld
ÞUNG KRAFA Í GRINDAVÍK UM ÚRBÆTUR
Fannar Jónasson
Hvalfjarðargöng verða lokuð fyrir
umferð í þrjár nætur í vikunni
vegna viðhalds og hreingerningar.
Lokað var í nótt og einnig
verða göngin lokuð næstu tvær
nætur; aðfaranætur miðvikudags
18. og fimmtudags 19. október frá
miðnætti til kl. sex að morgni.
Það er árlegur viðburður í rekstri
ganganna að loka þeim í nokkrar
nætur að vori og hausti af þessu
tilefni. „Lokun nú er því hefð-
bundin ráðstöfun og beðist er vel-
virðingar á óþægindum sem hún
kann að valda,“ segir á vef Spal-
ar.
Göngin lokuð í þrjár nætur