Morgunblaðið - 20.01.2018, Page 57

Pistilritari brá sér á tónleika á Húrra fyrir stuttu með listamönnunum Elínu
Elísabetu, sillus og Special-K. Kári var í jötunmóð úti við en það stöðvaði
ekki tónvísa og mæting var með miklum ágætum.
TÓNLIST
Arnar Eggert Thoroddsen
arnareggert@arnareggert.is
Það skiptir máli að fanga augað á
tímum þar sem fólk les hvorki né
skrifar en horfir fremur og hlustar.
Veggspjald sem auglýsti tónleikana
sem hér eru til umfjöllunar greip
mig. Stíliseruð mynd og skemmtileg
af listamönnum kvöldsins. Selt! Ég
sendi systur minni einkaskilaboð á
Snjáldru og við ákváðum að smella
okkur.
Húrra er einn helsti tónleika-
staður miðborgarinnar, salurinn
rúmgóður og notalegur – umlykj-
andi mætti segja og tónleikar af
millistærð eiga þarna góðan griða-
stað. Alls kyns sveitir og listamenn
troða upp, frá argasta öfgarokki til
þýðustu þjóðlagatónlistar. Þetta
kvöldið langaði mig til að bergja af
list þriggja kvenna, og ég við-
urkenni það, sú staðreynd ýtti mér
úr vör. Já, ég veit, ég myndi aldrei
tiltaka þetta sérstaklega ef um
hundruðustu strákagítarrokkssveit-
ina hefði verið að ræða, en það er
mikilvægt að viðra þessa staðreynd,
því að tónleikar sem þessir eru ekki
bara tónleikar, þetta er líka for-
dæmi, segull, hvatning fyrir allar
þær stúlkur sem hafa endalausar
gjafir fram að færa en hika við
vegna alræðis karlkynsins, staða
sem er staðreynd.
Elín Elísabet stóð ein á sviðinu
með rafgítar. Elín hafði góða ná-
lægð, var sjarmerandi og einlæg.
Góð orka og róandi, hún hló að því
Afar sérstakir tónleikar
Ljósmynd/Kristín Pétursdóttir
þegar hún stillti gítarinn á milli laga
og fólk var með henni. Elín spilaði
bara nokkur lög, tiltölulega einföld
söngvaskáldslög en söngröddin
falleg og sterk. Næst á svið var
sillus, listamannsnafn Sigurlaugar
Thorarensen. Hennar sett var
einkar forvitnilegt, nokkuð nösk
blanda af „r og b“, silkimjúku og
poppuðu á köflum, og tilrauna-
kenndari óhljóðalist. Hún byrjaði
með öflugu hljóðverki, fór svo yfir í
r og b-kafla en undarlegheitin aldrei
langt undan samt. Í lokin svipti hún
svo upp vel poppaðri smíð. Sum lag-
anna hálfköruð, vissulega, og sumt
bar það með sér að vera í smíðum,
sillus enn að reyna sig áfram með
hitt og þetta. Systir mín greindi
þarna FKA twigs t.d. og sillus gerði
vel, hefur sálarríka og sannfærandi
rödd og sviðsframkomu sem hæfir
efninu. Já, og hún er svöl, í þessum
ég-fór-bara-í-þessi-föt-í-morgun-af-
því-að-ég-fann-engin-önnur-
svalheitagír. Áreynslulaust einhvern
veginn. Fylgist með frá byrjun!
Katrín Helga Andrésdóttir er
æði virk í íslenskri tónlistarsenu og
hefur unnið með Sóleyju, krika og
gefið út sólóefni (stuttskífa hennar
Ég hefði átt að fara í verkfræði er
æði). Þetta kvöld var hún hins vegar
með eigin sveit, Special K, og er þar
valinn kvenmaður í hverju rúmi en
þær Sóley Stefánsdóttir, Ingibjörg
Elsa Turchi, Margrét Arnardóttir
og Björk Níelsdóttir voru henni til
halds og trausts. Tónlistin afvopnaði
mannskapinn í grallaralegum heið-
arleikanum, þar sem einlægir og
næsta næfir textar velta upp spurn-
ingum um stöðu hennar sem lista-
manns og manneskju. Eitt lagið
hafði meðal annars skilgreininguna
„Imposter Syndrome“ í titlinum,
dásamleg greining sem svo margir
samsama sig við (flettið því upp).
Katrín horfist þannig hugrökk í
augu við flækjur tilverunnar en veit
um leið að það eru aðgerðirnar sem
gera okkur frjáls. Þessir tónleikar
voru eitt – en gott – dæmi um slíkt.
Megi viðlíka tónleikar verða algeng-
ari og tíðari, það væri stórkostlegt
krydd í þessa tónleikasenu sem við
eigum.
» Já, og hún er svöl, íþessum ég-fór-bara-
í-þessi-föt-í-morgun-af-
því-að-ég-fann-engin-
önnur-svalheitagír.
Þríeinar Elín, Sigurlaug og
Katrín horfa til framtíðar.
MENNING 57
MORGUNBLAÐIÐ LAUGARDAGUR 20. JANÚAR 2018
Tónlistarfélag Akureyrar fagnar
75 ára afmæli á þessu ári og í næstu
viku verður haldið upp á afmælið,
22.-28. janúar, með átta tónleikum í
Hofi.
Á mánudaginn, 22. janúar kl. 20,
hefst Kórahátíð þar sem fram koma
Kvennakór Akureyrar, Karlakór
Eyjafjarðar, Kór aldraðra í fínu
formi og Kvennakórinn Emblur. Á
þriðjudag kl. 12 verða haldnir ein-
leikstónleikar á píanó, Alexander
Smári Kristjánsson Edelstein leikur
verk eftir Bach, Brahms, Chopin,
Mozart, Rachmaninoff og sjálfan
sig. Miðvikudaginn 24. janúar kl. 12
fara fram tónleikarnir Brot af því
besta úr heimi söngleikjanna, söng-
konan Jónína Björt Gunnarsdóttir
og píanóleikarinn Daníel Þor-
steinsson flytja lög eftir m.a. Rod-
gers & Hammerstein, Stephen
Sondheim og Jason Robert Brown.
Á fimmtudag, 25. janúar, verður
Heitur fimmtudagur í Naustinu í
Hofi. Kristján Edelstein gítarleik-
ari, Stefán Ingólfsson bassaleikari
og Halldór G. Hauksson trommu-
leikari flytja þá lög úr safni sínu
auk laga eftir Kristján Edelstein.
Heildardagskrá afmælisvikunnar
og frekari upplýsingar um tónleika
má finna á vef Menningarfélags Ak-
ureyrar, mak.is.
Hæfileikaríkur Alexander Smári Krist-
jánsson Edelstein leikur í Hofi 23. janúar.
Afmæli fagnað með átta tónleikum
Sýning á verkum Petr Kopl, eins
þekktasta myndasöguhöfundar
Tékklands, verður opnuð á morgun
kl. 14 í Borgarbókasafninu í Gerðu-
bergi. Á henni má sjá úrval mynda-
sagna og myndskreytinga eftir
Kopl sem er í tilkynningu sagður
afkastamikill teiknari sem starfi
auk þess við grafíska hönnun,
blaðamennsku, handritaskrif og
leiklist.
Kopl hefur hlotið fjölda verð-
launa fyrir útgáfur sínar á mynda-
sögum eftir þekktum bókmennta-
verkum og má af þeim nefna
Skytturnar þrjár, Baskerville-
hundinn, Drakúla greifa, Artúr
konung og sögur af Sherlock Hol-
mes.
Hann hefur einnig myndskreytt
fjölda barnabóka, m.a. bókaflokk-
inn The Magical Atlas of Journeys
Sýning á verkum Kopl í Gerðubergi
Þekktur Petr Kopl er einn þekktasti
myndasöguhöfundur Tékklands.
Through Time eftir rithöfundinn
Veroniku Válková sem kom hingað
til lands í fyrra og las upp úr verk-
um sínum fyrir gesti Borgarbóka-
safnsins.
Miðasala og nánari upplýsingar
5%
NÝ VIÐMIÐ
Í BÍÓUPPLIFUN Á ÍSLANDI
LAUGARÁSBÍÓ KYNNIR
DOLBY ATMOS
LUXURY · LASER
Sýnd kl. 8, 10.40 Sýnd kl. 1.40, 3.40, 4.30, 5.50
Sýnd kl. 8, 10.15 Sýnd kl. 7.50, 10.30 Sýnd kl. 2, 5 Sýnd kl. 2