Morgunblaðið - 31.01.2018, Qupperneq 4

4 FRÉTTIRInnlent
MORGUNBLAÐIÐ MIÐVIKUDAGUR 31. JANÚAR 2018
Ökumaður sem olli banaslysi á
Öxnadalsheiði sumarið 2016 ók alltof
hratt og var undir áhrifum slævandi
lyfja. Bifreið hans var auk þess ekki í
ökuhæfu ástandi. Þetta er niður-
staða Rannsóknarnefndar sam-
gönguslysa.
Ökumaðurinn, karlmaður á fimm-
tugsaldri, hefur verið ákærður fyrir
manndráp af gáleysi. Ákæra gegn
honum var þingfest í Héraðsdómi
Norðurlands eystra í nóvember.
Slysið varð með þeim hætti að
maðurinn ók VW Passat bifreið vest-
ur þjóðveg 1 á Öxnadalsheiði
skammt vestan við Grjótá á mikilli
ferð, 144 kílómetra hraða, að morgni
24. júní. Vitni lýstu hraðakstri hans
og gáleysislegum framúrakstri fyrir
slysið. Hann var einn í bifreiðinni.
Tveir ferðamenn óku Suzuki Jimny á
undan honum og virtist hann reyna
framúrakstur en hætta við á síðustu
stundu. Á sama tíma var Mercedes
Benz hópbifreið ekið í gagnstæða
átt. Í henni voru 12 farþegar auk
ökumanns. Passat-bifreiðin rakst á
vinstra afturhorn Suzuki-bifreiðar-
innar og misstu báðir ökumenn
stjórn á bílunum í kjölfarið. Passat-
bifreiðin rann út af veginum en Suz-
uki-bifreiðin rakst framan á hópbif-
reiðina. Ökumaður Suzuki-bifreiðar-
innar, 62 ára karlmaður, lést í
slysinu.
Passat-bifreiðin var 16 ára gömul
og við rannsókn kom í ljós að hún var
ekki í ökuhæfu ástandi. Niðurstaða
lyfjarannsóknar sýndi að ökumaður
hennar var undir slævandi áhrifum
lyfja og var ekki hæfur til að stjórna
ökutæki. Hann hafði áður ítrekað
ekið undir áhrifum. hdm@mbl.is
Ók of hratt á óökufærum
bíl og undir áhrifum lyfja
Morgunblaðið/Sigurður Bogi
Öxnadalsheiði 62 ára karlmaður
lést í bílslysi sumarið 2016.
 Olli banaslysi
á Öxnadalsheiði
Ágúst Ingi Jónsson
aij@mbl.is
Hjónavígslur hjá sýslumanni voru
í fyrra tæpur þriðjungur giftinga
og hefur fjölgað talsvert frá árinu
2007. Í fyrra skráðu sig alls 1.243
einstaklingar í hjúskap hjá sýslu-
manni eða 31% af heildinni, en
699 árið 2007 eða 18,2%.
Eins og fram kom í Morgun-
blaðinu á mánudag stofnuðu 4.015
einstaklingar til hjúskapar í fyrra
sem er tæplega 21% aukning frá
árinu 2016. Met var slegið í
skráningu hjúskapar á síðasta ári
og hefur verið stöðug aukning frá
2014. Fram kemur á heimasíðu
Þjóðskrár að síðasti toppur í
skráningu hjúskapar hafi verið ár-
ið 2007 þegar 3.840 einstaklingar
skráðu sig í hjúskap. Skráningu í
hjúskap fækkaði töluvert næstu
ár á eftir.
Rúmlega helmingur
innan þjóðkirkjunnar
Í sundurliðun sem Þjóðskrá
hefur tekið saman um hvar hjóna-
vígsla fór fram í fyrra og fyrir tíu
árum kemur fram að hlutfall
þeirra sem gifta sig í þjóðkirkj-
unni hefur farið úr 62,7% af heild-
inni árið 2007 og í 53,3% í fyrra.
Giftingum hefur fjölgað talsvert í
skráðum trúfélögum utan þjóð-
kirkju, þar sem hlutfallið fór úr
9,4% fyrir áratug og í 12,5% í
fyrra. Ekki er hægt að rekja frek-
ari sundurliðun um hvaða trú- eða
lífsskoðunarfélagi fólk hefur verið
gift í.
Í tölum Þjóðskrár er miðað við
einstaklinga, þ.e fjölda einstak-
linga sem skráðu sig í hjúskap en
ekki fjölda athafna. Athygli vekur
að oddatölur er að finna í tölunum
og kann skýringin þá að vera sú
að um sé að ræða hjúskap ís-
lensks ríkisborgara við útlending
erlendis. Aðrar skýringar kunna
einnig að vera mögulegar.
Ný hjúskaparlög voru sam-
þykkt á Alþingi vorið 2010. Þar
var m.a. gerð sú breyting að í
stað orðanna karls og konu í 1.
gr. laganna komu orðin tveggja
einstaklinga. „Tilgangurinn með
lögunum er að afmá mun sem
felst í löggjöf vegna hjúskapar
karls og konu annars vegar og
staðfestrar samvistar tveggja ein-
staklinga af sama kyni hins vegar.
Lög um staðfesta samvist verða
felld úr gildi,“ sagði m.a. í Morg-
unblaðinu 12. júní 2010.
Fleiri í óvígða sambúð
Nokkur aukning hefur orðið á
meðal þeirra sem skrá sig í óvígða
sambúð. Alls skráðu 4.472 ein-
staklingar sig í óvígða sambúð ár-
ið 2007, en þeir voru 5.025 talsins
í fyrra.
Á vef dómsmálaráðuneytis segir
m.a. að engin heildarlög séu um
óvígða sambúð hér á landi. Þá séu
réttaráhrif óvígðar sambúðar ekki
þau sömu og við stofnun hjúskap-
ar.
Hjónavígslum
hjá sýslumanni
hefur fjölgað
 Fjölgun giftinga í trúfélögum utan
þjóðkirkju  Fækkun innan hennar
2.139
502
1.243
2.408
362
699
328
127
Skráning hjúskapar 2007 og 2017
2.500
2.000
1.500
1.000
500
0
Fjöldi
einstaklinga*
2007
2017
Hjónavígsla í
þjóðkirkjunni
Hjónavígsla utan
þjóðkirkjunnar**
Hjónavígsla hjá
sýslumanni
Erlend hjónavígsla
Aðrar hjúskaparskráningar
Hjónavígsla hjá íslenskum presti erlend-
is: 6 árið 2007 og 4 árið 2017. Staðfest
samvist***: 24 árið 2007. Hjúskaparyf-
irlýsing skv. 1. mgr. 141. gr.: 12 árið 2007.
**Í skráðu trú- eða
lífsskoðunarfélagi
***Lög um staðfesta
samvist voru felld úr
gildi árið 2010
Heimild: Þjóðskrá
Íslands
*Oddatölur eru til-
komnar vegna erlendra
einstaklinga sem ekki
eru í þjóðskrá
Sólrún Lilja Ragnarsdóttir
Anna Sigríður Einarsdóttir
Starfsmaður Barnaverndar Reykja-
víkur, karlmaður á fimmtudags-
aldri, sem situr í gæsluvarðhaldi
grunaður um gróf kynferðisbrot
gagnvart ungum dreng á árunum
2004 til 2010, hefur áður verið kærð-
ur fyrir kynferðisbrot gagnvart
barni. Samkvæmt heimildum mbl.is
var maðurinn tilkynntur til Barna-
verndar Reykjavíkur og Fé-
lagsþjónustunnar árið 2008 vegna
gruns um að hann hefði brotið gagn-
vart börnum. Um aðskilin mál er að
ræða. Árni Þór Sigmundsson, yfir-
maður kynferðisbrotadeildar lög-
reglunnar, staðfestir að kæra hafi
borist á hendur manninum árið 2013
fyrir kynferðislega áreitni gagnvart
barni. Kærð brot áttu sér stað upp
úr aldamótum, á árunum 2000 til
2006, var málið því talið fyrnt þegar
kæran barst og fellt niður.
Halldóra Dröfn Gunnarsdóttir,
framkvæmdastjóri Barnaverndar
Reykjavíkur, segir í samtali við
mbl.is að enginn þar kannist við að
tilkynning hafi borist vegna manns-
ins. mbl.is hefur það hins vegar eftir
heimildum að hringt hafi verið og
látið vita að sterkur grunur væri um
að maðurinn hefði brotið gagnvart
börnum. Kæran sem nú er til með-
ferðar hjá lögreglu barst í ágúst síð-
astliðnum, en var ekki tekin til
skoðunar fyrr en fimm mánuðum
síðar,
Dvaldi reglulega á heimilinu
Sævar Þór Jónsson, lögmaður og
réttargæslumaður drengsins segist
hafa ítrekað kæruna oftar en einu
sinni áður en lögregla tók málið til
skoðunar í lok síðasta árs. Dreng-
urinn var á aldrinum 8 til 14 ára
þegar brotin voru framin. Maðurinn
sem um ræðir hefur starfað með
börnum og unglingum nánast alla
sína starfsævi. Síðustu ár hefur
hann starfað á skammtímaheimili
fyrir unglinga í Breiðholti sem rekið
er af Barnavernd Reykjavíkur. For-
stöðumaður heimilisins fékk fyrst
að vita af kærunni í síðustu viku.
Maðurinn var stuðningsfulltrúi
drengsins sem og dvaldi drengurinn
mjög reglulega á heimili hans. Fór
það eftir þörfum hve oft hann fór til
hans, bæði um helgar og á virkum
dögum. Systkini drengsins dvöldu
líka hjá manninum á einhverjum
tímapunkti og leikur grunur á því að
maðurinn hafi jafnframt brotið
gegn þeim.
Morgunblaðið/Eggert
Kynferðisbrot Maðurinn hefur starfað með börnum nær alla sína starfsævi og situr nú í gæsluvarðhaldi
Hélt starfi hjá Barna-
vernd þrátt fyrir kærur
 Kærður til lögreglu árið 2013 fyrir kynferðislega áreitni
Velferðarsvið Reykjavíkurborgar
hefur hrundið af stað við-
bragðsáætlun vegna málsins.
Allir þeir sem eru eldri en 18 ára
og dvöldu á skammtímaheim-
ilinu eða tilsjónarsambýlum á
þeim tíma sem um ræðir munu
fá boð í viðtöl í Bjarkarhlíð, mið-
stöð fyrir þolendur ofbeldis. Alls
mun 221 einstaklingur fá boð
um að koma í Bjarkarhlíð, auk
þess sem forráðamenn 36 skjól-
stæðinga sem enn eru á barns-
aldri munu fá tilboð um viðtöl á
vegum Barnaverndar Reykjavík-
ur. Með þessu er meðal annars
verið að kanna hvort fleiri hafi
orðið fyrir ofbeldi af hálfu
mannsins. Velferðarsvið mun
einnig setja af stað áhættumat á
starfsemi sem tengist börnum
og ungmennum og endurskoða
verklagsreglur.
Velferðarsvið
bregst við
BJÓÐA UPP Á VIÐTÖL