Morgunblaðið - 31.01.2018, Page 13

Jóhann Skaptason sýslumaður á
Húsavík skrifaði niður á efri árum
um ættingja sína, en afi hans var Jó-
hann Bessason bóndi á Skarði í
Fnjóskadal, sterkasti maður á Ís-
landi á sínum tíma, og sá sem var lík-
astur Agli Skallagrímssyni. Jóhann
var giftur móðursystur minni, Sigríði
Víðis Jónsdóttur, en hún flutti til
okkar þegar Jóhann dó og hún varð
amman í húsinu,“ segir Jón sem fer á
flug þegar talið berst að forfeðr-
unum.
„Jón Víðis var í læknisfræði
þegar spænska veikin herjaði á fólk
hér árið 1918, fyrir sléttum hundrað
árum, og hann gekk til sjúklinga í
Reykjavík. Það hefur ekki verið létt
verk, því eftir það varð hann andsnú-
inn læknisfræðinni og sneri sér að
arkitektúr og verkfræði.“
Kristín dregur fram möppu með
bréfum sem faðir hennar átti í sínum
fórum.
„Þetta eru bréf sem bárust inn á
heimili pabba og mömmu á löngum
tíma, meðal annars bréf frá okkur
börnunum. Elsta bréfið er frá 1926,
það er bréf sem pabbi fékk frá ömmu
sinni í Suðursveit.“
Óttaðist glæpamenn með
byssur í vösunum
Þegar grúskað er í gömlu dóti
rifjast ýmislegt upp, og þar sem Jón
og Kristín fletta gömlum vegabréf-
um er þar stimpill frá fyrstu ferð
þeirra til Bandaríkjanna, sjálf brúð-
kaupsferðin árið 1973.
„Við giftum okkur um jólin 1972
og fórum til New York á nýárinu.
Þar heimsóttum við vin minn, Pál
Einarsson jarðeðlisfræðing og Önnu
konu hans, en þau voru samtíða mér
í námi í Þýskalandi. Við nýgiftu
hjónin fengum að gista á gólfinu hjá
þeim,“ segir Jón og Kristín bætir við
að 23 stiga frost hafi þá verið í borg-
inni.
„Jóel sonur þeirra svaf í vagni
sínum úti á svölunum í þessum
kulda! Ég var sjálf komin fimm mán-
uði á leið með frumburð okkar og ég
var svo hrædd, ég var sannfærð um
að allir væru glæpamenn með
byssur í vösunum. New York var
mjög framandi borg fyrir mig, en
auk þess var ég alin upp í litlu dálæti
á Ameríku, sem hefur eflaust haft
áhrif á þennan ótta minn. Banda-
rískar kvikmyndir sem ég hafði séð
höfðu eflaust líka áhrif á þessa
hræðslu mína.“
Hífaðir farþegar og glugg-
arnir voru kolsvartir af skít
Þau segja að á þeirra ungdóms-
árum hafi verið draumur ungs fólks
að ferðast með Greyhound, lang-
ferðarútum í Bandaríkjunum sem
hægt er að fara með frá borg til
borgar. Og um síðast liðin jól varð sá
draumur loks að veruleika þegar þau
fóru með einni slíkri rútu frá Pitts-
burgh til Columbus í Ohio.
„Þetta þótti ævintýralegt á sín-
um tíma, en við komumst að því að
núna eru þessar rútur mest notaðar
af þeim sem ekki hafa efni á einkabíl
eða að fljúga. Fagmennskan var ekki
í fyrirrúmi, við biðum í fimm klukku-
tíma eftir að rútan færi af stað og
það virtist vanta bílstjóra. En þetta
var skemmtilegt ferðalag, sumir
voru hífaðir, gluggar rútunnar voru
kolsvartir af skít og sá ekki út um þá
og klósettið aftur í var bilað. Okkur
fannst gaman að spjalla við fólkið á
biðstöðinni, þar voru kynlegir kvist-
ir,“ segir Kristín sem telur þau þó
ekki munu ferðast aftur með
draumarútunum.
Fjölskyldan í Orlando 1991 F.v Jón, Sigga, Steinn Arnar, Eiríkur og Krist-
ín. Í þessari ferð voru miðarnir keyptir sem geymdir voru í kassanum.
Gersemar Peningaseðlar frá ólíkustu löndum úr ferðum þeirra hjóna,
MORGUNBLAÐIÐ MIÐVIKUDAGUR 31. JANÚAR 2018
LAGERHREINSUN
Á VÖLDUM VÖRUM
Í RAFVÖRUMARKAÐNUM
við Fellsmúla | 108 Reykjavík | OPIÐ ALLA DAGA
50%
MÚRVÖRUR
AFSLÁTTUR
50%
MÁLNINGAVÖRUR
AFSLÁTTUR
50%
HANDVERKFÆRI
AFSLÁTTUR
50%
VERKFÆRATÖSKUR
AFSLÁTTUR
Nú á þeim tímum þar sem flestir eru
öllum stundum með nefið ofan í sím-
um eða tölvum, er ekki úr vegi að
staldra við og velta fyrir sér hvað sé
til góðs og hvað ekki. Í dag miðviku-
dag 31. janúar kl. 12-13:30 verður mál-
stofa á vegum Háskólans í Reykjavík
undir yfirskriftinni Fíkn eða frelsi?
Þar verður velt upp sálrænum og fé-
lagslegum áhrifum snjalltækja, sam-
félagsmiðla og tölvuleikja. Málstofan
verður í stofu V101 í HR og þar verður
leitast við að svara m.a. eftirfarandi
spurningu: Eru börnin okkar að verða
þrælar tækninnar eða skilja íhalds-
samir foreldrar ekki nýjan heim? Hvað
geta foreldrar gert til að stuðla að því
að börn nýti snjalltæki, samfélags-
miðla og tölvuleiki í uppbyggjandi til-
gangi, í leik, námi og starfi? Hvað
telst vera góð notkun og hvað ekki?
 Þorlákur Karlsson, dósent við
sálfræðisvið HR spyr í sínu erindi: Af
hverju er svona erfitt að leggja frá sér
símann? Heljartak sálfræðilegra
styrkingarhátta í samfélagsmiðlum
og tölvuleikjum.
 Ingibjörg Eva Þórisdóttir, dokt-
orsnemi við sálfræðisvið HR veltir fyr-
ir sér hvort lífið snúist um læk? Nið-
urstöður rannsókna á sálfræðilegum
áhrifum samfélagsmiðla meðal ís-
lenskra unglinga.
 Jóhanna María Svövudóttir,
nemandi í tölvunarfræði og Ólafur
Freyr Ólafsson, nemandi í viðskipta-
fræði í HR fjalla um hvernig það er að
vera unglingur í dag, alltaf í beinni.
 Margrét Lilja Guðmundsdóttir,
aðjúnkt við íþróttafræðisvið HR og
sérfræðingur hjá Rannsóknum og
greiningu segir frá lærdómi úr fyrri
forvarnarátökum, og kemur þar inn á
rafrænan útivistartíma.
 Björn Hjálmarsson barna- og
unglingageðlæknir, Barna- og ung-
lingageðdeild LSH ætlar að segja frá
leiðbeiningum bandarísku barna-
læknasamtakanna frá 2016, um hvað
sé heilbrigður skjátími.
Umræður og hægt að fylgjast með
málþinginu á streymi: livestream.
com/ru/fiknedafrelsi2018
Öllum opið og allir velkomnir.
Fíkn eða frelsi? Málstofa öllum opin í Háskólanum í Reykjavík í dag
Af hverju er svona erfitt að leggja frá sér
símann? Snýst lífið kannski um læk?
Ljósmynd/Getty Images
Snjallsímar Blessuð börnin líta vart upp úr símum sínum nú til dags.