Morgunblaðið - 31.01.2018, Blaðsíða 33

MENNING 33
MORGUNBLAÐIÐ MIÐVIKUDAGUR 31. JANÚAR 2018
Helgi Snær Sigurðsson
helgisnaer@mbl.is
„Það er svona að gerast, hægt og ró-
lega,“ svarar Ísold Uggadóttir kímin
þegar hún er spurð að því hvort hún
sé komin niður á jörðina eftir ævin-
týri nýliðinnar helgar en hún hlaut
verðlaun sem besti leikstjórinn í
flokki alþjóðlegra kvikmynda á
Sundance-kvikmyndahátíðinni í
Bandaríkjunum, fyrst Íslendinga.
Var það afrek út af fyrir sig hjá Ísold
að komast í keppnisflokk á hátíðinni
með sína fyrstu kvikmynd í fullri
lengd, Andið eðlilega, sem var frum-
sýnd á Sundance.
Ísold hefur áður tekið þátt í hátíð-
inni því ein af stuttmyndunum henn-
ar, Góðir gestir, var sýnd á Sund-
ance fyrir ellefu árum. Hún segir þó
allt annað mál að vera með kvik-
mynd í fullri lengd á hátíðinni, stórt
skref að komast inn á hana og fá að
frumsýna á henni.
Ísold segir verðlaunin hafa komið
sér í opna skjöldu. „Þetta er mjög
mikill heiður, eitthvað sem mig hefði
aðeins getað dreymt um,“ segir hún
og bendir á að starf leikstjórans fel-
ist í mikilli samvinnu við leikara og
fleiri samstarfsmenn sem hún deili
verðlaununum með.
Varaði við kapítalismanum
Sundance er með virtustu kvik-
myndahátíðum heims og spurð að
því hver staða hátíðarinnar sé segir
Ísold að hún þyki afar mikilvæg í
Bandaríkjunum. „Þetta er hátíð sem
fólk sækir um að sýna á og þetta er
líka staðurinn til þess að selja mynd-
irnar sínar. Það er alltaf smekks-
atriði hver röðin er á þessum hátíð-
um en hún er í einu af efstu fjórum
sætunum, að mínu mati,“ segir hún.
Leikarinn og kvikmyndaframleið-
andinn Robert Redford stofnaði há-
tíðina fyrir 40 árum til að styðja við
óháða kvikmyndagerð og snæddi Ís-
old hádegisverð með honum og fleiri
leikstjórum meðan á hátíðinni stóð.
Redford hélt þar ræðu og talaði m.a.
um mikilvægi þess að gefa sig ekki á
vald kapítalismanum heldur leyfa
listinni að ráða för og hlúa að hug-
myndum sem væru ekki endilega
söluvænlegar, að sögn Ísoldar.
Þarf að taka rétta stefnu
Þátttaka Andið eðlilega á Sund-
ance og verðlaunin sem Ísold hlaut
munu eflaust hafa jákvæð áhrif á
dreifingu myndarinnar og leik-
stjórnarferil Ísoldar. Og þó aðeins
örfáir dagar séu liðnir frá verðlauna-
afhendingunni hefur Ísold nú þegar
fundað með umboðsmönnum og
fleira áhrifafólki og segist finna fyrir
miklum áhuga á kvikmyndinni og
sér sem leikstjóra. „Það gefast auð-
Mikilvægt að velja rétt
Ljósmynd/Sundance Institute/Brandon Cruz
Heiður Ísold Uggadóttir í ræðupúlti á Sundance, skömmu eftir að henni var
tilkynnt að hún hefði hlotið verðlaun sem besti leikstjórinn í flokki al-
þjóðlegra kvikmynda, þ.e. mynda frá öðrum löndum en Bandaríkjunum.
vitað tækifæri og svo er undir manni
sjálfum komið að meta hvað hentar
ferlinum og hvert maður vill fara.
Tíminn er takmarkaður og kvik-
myndagerð er mjög tímafrekt fag
þannig að það er mikilvægt að velja
rétt og ákveða hverju maður vilji
einbeita sér að hverju sinni,“ segir
hún.
–Möguleikarnir eru þá mun fleiri
núna en þeir voru?
„Já, algjörlega og ég er mikið
spurð að því hvað mig langi að gera
næst, hvort ég vilji vinna í Banda-
ríkjunum eða á Íslandi, hvernig ég
vilji hafa þetta. Ég þarf bara að
skoða stöðuna en þetta er ákveðið
lúxusvandamál,“ svarar Ísold.
Hún skrifaði handritið að Andið
eðlilega auk þess að leikstýra kvik-
myndinni og er spurð að því hvort
spurningin sé ekki líka hvort hún
vilji leikstýra eftir eigin handritum
eða annarra í framtíðinni. „Jú, og ég
veit svo sem alveg svarið við því. Það
er tímafrekt að skrifa, fjármagna og
gera sínar eigin bíómyndir og auð-
vitað gott að eiga kost á því að skoða
aðra möguleika í leiðinni. En af því
þetta er svo tímafrekt fag hef ég
ekki áhuga á að gera verkefni nema
mér sýnist efniviðurinn vera sterk-
ur,“ svarar Ísold. Hún kjósi því held-
ur að leikstýra eftir eigin handritum
en haldi þó öllum möguleikum opn-
um eins og staðan er.
Drepur sófinn bíóið?
Ísold segir glímuna við að selja og
dreifa kvikmynd m.a. felast í því að
ákveða hvort selja eigi hana til sýn-
inga í kvikmyndahúsum eða á net-
inu. „Auðvitað er kvikmyndahús
draumurinn en við verðum að sjá
hvort kvikmyndahúsið lifir af þessa
menningu Íslendinga og annarra í
heiminum, að standa ekki upp úr sóf-
anum. Það er það sem við erum að
skoða,“ segir hún.
–Kvikmyndir eru að færast í sífellt
meiri mæli yfir í sjónvarpstækin og
streymisveitur á borð við Netflix …
„Já, og þetta er spurning um hvort
þú heldur með bíóinu, bíóupplifun-
inni. En myndin fer í dreifingu, það
er klárt mál og bara spurning hvaða
tilboði er tekið.“
Gautaborg næsta stopp
Ísold er að lokum spurð að því
hvort hún sé farin að leggja drög að
næstu mynd og svarar hún því ját-
andi. Þar sem búið sé að frumsýna
Andið eðlilega geti hún nú farið að
einbeita sér að næsta verki. „En það
eru fleiri ferðalög framundan, við er-
um að frumsýna í Evrópu á föstu-
daginn, í Gautaborg og verðum þar
yfir helgina,“ segir Ísold. Hún geti
því ekki farið í Þjóðarbókhlöðuna að
skrifa handrit í friði líkt og hún gerði
á sínum tíma fyrir Andið eðlilega.
„En ég kvarta ekki,“ segir Ísold
sposk um hinar breyttu aðstæður.
–Og hvenær fá Íslendingar svo að
sjá Andið eðlilega?
„Ég vænti þess að það verði í lok
febrúar.“
 Leikstjórnarverðlaunin sem Ísold Uggadóttir hlaut á
Sundance opna henni nýjar dyr í heimi kvikmyndanna
Bandaríski leikarinn og grínistinn
Kevin Hart flytur uppistandssýn-
inguna Irresponsible, eða Óábyrg-
ur, í Laugardalshöll 15. ágúst næst-
komandi. Í tilkynningu frá Senu
Live, sem stendur fyrir henni, segir
að sýningin sé hlaðin kostulegum
sögum, beittum húmor og hafi víða
fengið frábærar viðtökur.
Hart gerðist ungur að árum
skemmtikraftur og tróð reglulega
upp á skemmtistaðnum Boston Co-
medy Club snemma á ferli sínum.
Honum tókst fyrstum bandarískra
grínista að selja yfir 50.000 miða á
eina uppistandssýningu og hefur
einnig notið vinsælda utan heima-
landsins. Hart hefur leikið í nokkr-
um Hollywood-myndum, m.a. Get
Hard, Central Intelligence og nú
síðast Jumanji: Welcome to the
Jungle.
Miðasala á uppistandssýninguna
hefst á föstudaginn kl. 10 á tix.is en
póstlistaforsala Senu Live hefst í
dag kl. 15.
Óábyrgur Hart í Laugardalshöll
AFP
Spaugsamur Kevin Hart fer með gaman-
mál í Laugardalshöll 17. ágúst.
Þjóðarlistasafn Bandaríkjanna,
The National Gallery of Art í Wash-
ington-borg, hefur frestað um ótil-
tekinn tíma sýningu sem átti að
opna í maí með verkum eftir Chuck
Close, einn kunnasta listmálara
samtímans. Er sýningunni frestað
vegna ásakana nokkurra kvenna
sem hafa sakað Close um kynferð-
islega áreitni þegar hann fékk þær
til að sitja fyrir hjá sér.
Í samtali við The New York Tim-
es staðfesti talsmaður safnsins að
sýningunni væri frestað vegna
ásakananna sem komu fyrst fram í
dagsljósið í desember. „Við höfum
aldrei áður frestað sýningu vegna
viðlíka ásakana,“ sagði talsmað-
urinn. Í samtali sagði Close, sem er
77 ára og hefur verið í hjólastól í
áratugi, ásakanirnar ekki sannar
og að honum skildist að sýningunni
hefði aðeins verið frestað um ár.
„Þetta eru allt lygar,“ segir Close
um ásakanir kvennanna sem segja
hann hafa beðið
þær um að af-
klæðast og hafa
viðhaft klám-
fengin ummæli.
„Ég hef ekki sof-
ið í margar vikur
út af þessu. Ég
hef verið mikill
stuðningsmaður
kvenna og kven-
kyns listamanna. Ég hef ekkert
gert af mér en er samt kross-
festur,“ segir hann.
The National Gallery hefur einn-
ig frestað fyrirhugaðri sýningu á
verkum heimildaljósmyndarans og
prófessorsins Thomasar Roma sem
á dögunum var líka sakaður um
kynferðislega áreitni, af fimm kon-
um sem voru nemendur hans við
School of Visual Arts og Columbia-
háskóla í New York en Roma fór á
eftirlaun eftir að ásakanirnar komu
fram.
Fresta sýningum vegna áreitni
Ein af sjálfs-
myndum Close.
ICQC 2018-20
Miðasala og nánari upplýsingar
5%
NÝ VIÐMIÐ
Í BÍÓUPPLIFUN Á ÍSLANDI
LAUGARÁSBÍÓ KYNNIR
DOLBY ATMOS
LUXURY · LASER
Sýnd kl. 6, 9 Sýnd kl. 5.30
Sýnd kl. 8, 10.15 Sýnd kl. 7.50, 10.30 Sýnd kl. 5.30
Smáralind – Sími 517 0317 – www.plusminus.is
PLUSMINUS | OPTIC