Morgunblaðið - 01.03.2018, Síða 12

12 DAGLEGT LÍF
MORGUNBLAÐIÐ FIMMTUDAGUR 1. MARS 2018
Magnús Heimir Jónasson
mhj@mbl.is
Ingibjörg Vala Jósefsdóttirhefur starfað sem leið-sögumaður í 20 ár og veriðfararstjóri í fjölda verkefna
erlendis. Hún og kollegi hennar hjá
Rekjavík Excursions, Karl Jó-
hannsson, ætla nú að bjóða Íslend-
ingum að fara til Kósóvó til að
ganga um Balkanfjöllin en ferða-
þjónusta í Kósóvó er ný af nálinni
enda landið enn í mikilli uppbygg-
ingu eftir styrjöld sem lauk fyrir
um 20 árum. Þá hefur Kósóvó ekki
verið sjálfstætt land nema í rúm 10
ár en landið lýsti yfir sjálfstæði 17.
febrúar 2008.
Ingibjörg og Karl stefna að því
að fara með 20 manna hóp í göngu-
ferð í Kósóvó um Balkanfjöllin 19.
til 27. maí næstkomandi. Ferðin
kom til eftir kynni þeirra við Flori-
an Tabaku, ungan strák frá Kósóvó
sem býr hér á landi og hefur starfað
sem rútubílstjóri hjá Reykjavík Ex-
cursions. Í samtölum þeirra á milli
kviknaði áhugi á ríkri en ungri sögu
landsins sem leiddi til þess að þau
ákváðu að skoða verkefnið nánar og
fóru og heimsóttu landið til að finna
bestu ferðina.
Hugmyndin frá heimamanni
„Við vinnum bæði hjá Reykja-
vík Excursions og þar kemur til
vinnu ungur maður sem er frá
Kósóvó sem fer að vinna sem bíl-
stjóri. Við sitjum þá auðvitað mikið
með honum í rútunni og kynnumst
honum vel. Þessi ungi maður hefur
búið hér og starfað í 15 ár,“ segir
Ingibjörg en Florian býður þeim út.
„Hann, ásamt félaga sínum sem býr
í Kósóvó, bauð okkur að koma í
heimsókn með það fyrir augum að
búa til ferðir þangað og þetta er
byrjunin. Ferðaþjónustan þarna úti
er í startholunum. Það er verið að
byggja upp meiri þjónustu og í raun
bara landið,“ segir Ingibjörg en hún
og Karl ákváðu að slá til.
„Við fórum þangað í haust í
fimm daga vinnuferð og það er allt
annað að vera með menn þarna á
svæðinu sem þekkja þetta. Við
fundum leiðina sem við vildum fara
tiltölulega fljótlega,“ segir Ingi-
björg og bætir við að landslagið sé
einstaklega fallegt og áhugavert.
Þau gengu þar um fjallgarðana en
fóru einnig á söguslóðir Kósóvó-
stríðsins. Hún segir að strákarnir
vilji kynna landið út frá öðru en
Kósóvóstríðinu, enda hefur landið
upp á margt annað að bjóða. Ingi-
björg segir það engu að síður
ómögulegt að fara þangað og ekki
hafa sögu landsins sem hluta af
ferðinni og segir Ingibjörg að þetta
sé gönguferð en í senn menningar-
ferð.
Á menningarslóðum Kósóvó
Ingibjörg segir mikilvægt að
saga Kósóvó verði kynnt Íslend-
ingum en að hennar sögn hafa Ís-
lendingar tengsl við landið.
„Hér á landi er fólk sem kom
til landsins í kjölfar Balkanstríðsins
sem flóttamenn og aðrir sem hafa
komið seinna, t.d. fjölskyldur flótta-
manna og sumir hafa síðan ílengst
hér. Þetta fólk býr hér með fjöl-
skyldum sínum langt frá sínum
heimahögum; fólk sem stendur sig
yfirleitt vel í íslensku samfélagi og
eru mörg hver komin með íslenskan
ríksborgararétt.“
Í ferðinni verður farið með
hópinn til borgarinnar Peja á fyrsta
degi og heimsótt safn um stríðið í
Kósóvó, gengið verður um bæinn
með leiðsögn heimamanna og farið í
hellaskoðun í Radavci-hellinum.
„Ástæðan fyrir því að þetta er
mjög spennandi staður fyrir Íslend-
inga er bæði vegna fegurðar lands-
ins og ekki síst Balkanfjallanna eða
þess hluta sem tilheyrir Kósóvó en
einnig eiga þeir mjög áhugaverða
menningu sem þróast hefur í ald-
anna rás innblásin af ólíkum siðum
og hefðum þjóðarbrotanna sem
byggt hafa Balkanlöndin,“ segir
Ingibjörg en heimamenn munu
kynna ferðalöngum þessa siði.
Á degi tvö í ferðinni verður far-
ið í fjöllin og gist í eina nótt á fjalla-
hóteli og fyrsta ferð göngunnar
verður farin, alls 11 km. Gengið
verður um hluta af þekktu göngu-
leiðinni Via Dinarica eða Hvíta
gönguslóðanum sem er þekkt
gönguleið um Balkanskagann og
veitir einstakt útsýni yfir svæðið og
löndin í kring. Gist verður síðan á
hóteli í Rugova-dalnum í tvær næt-
ur áður en tekin er stutt 6,5 kíló-
metra gönguferð á degi fjögur. Í
Rugova-dalnum munu ferðalangar
fá að kynnast heimamönnum og
menningu Kósóvó. Munu heima-
menn bjóða upp á mat að eigin sið í
Drelaj-þorpinu ásamt því að kynna
þjóðsöngva og þjóðdansa.
Ferðin endar síðan í bænum
Pristina og þar verður meðal ann-
ars skoðuð fræg stytta af Bill Clin-
ton, fyrrverandi forseta Banda-
ríkjana, sem stendur við breiðgötu
sem nefnd er í höfuðið á honum en
Albanar í Kósóvó reistu styttuna
honum til heiðurs vegna veittrar að-
stoðar Bandaríkjanna í baráttunni
við Júgóslava í stríðinu við lok tí-
unda áratugarins.
Hjóla lengri leiðina í haust
Ingibjörg segir að ferðinni hafi
verið sýndur heilmikill áhugi en
segir það ljóst að fólk þekki ekki
landið vel en finnist það engu að
síður áhugaverður staður. „Það þarf
að kynna þetta alveg upp á nýtt
sem áhugaverðan stað að heim-
sækja, við þurfum að kynna landið
meira en aðra staði og hvað það
hefur upp á að bjóða,“ segir Ingi-
björg sem hefur orðið vör við það
að flestir Íslendingar hugsa um
Kósóvóstríðið þegar hugsað er til
Kósóvó. Hún segir að margir hafi
spurst fyrir um möguleikann á að
hjóla í fjöllunum og því var ákveðið
að bæta við hjólaferð í haust. „Við
fengum bara fyrirspurnir um það.
Það eru allir að hjóla mikið á Ís-
landi og við erum að setja í gang
vinnu með slíka ferð. Það verður þá
í haust sem við myndum fara.“ Hún
bendir á að ekki sé þörf á að vera
reyndur göngumaður til að fara í
ferðina í vor heldur sé gangan afar
þægileg og geti áhugasamir kynnt
sér meira á ferdumst.is.
Gengið á slóðum stríðs og fegurðar
Leiðsögumennirnir Ingibjörg Vala Jósefsdóttir og
Karl Jóhannsson munu bjóða Íslendingum upp á að
kynnast Kósóvó í vor. Landið á unga en ríka sögu og
hafa þau komið sér í kynni við heimamenn til að geta
boðið upp á 7 daga ferð þar sem gengið verður um
Balkanfjöllin og um leið kynnst sögu landsins.
Ljósmynd/Ingibjörg Vala
Kósóvó Ingibjörg fór í haust og valdi gönguleiðina en útsýnið yfir dalina og fjallgarðana á leiðinni er einstakt.
Gengið verður um hluta af Via Dinarica-gönguleiðinni sem er þekkt gönguleið um Balkanskagann.
Þjóðbúningur Í ferðinni fær hópurinn að kynnast menningu þeirra sem búa
í fjallaþorpum Kósóvó og læra um leið hluta af sögu landsins.
Morgunblaðið/Hanna
Mikil reynsla Ingibjörg Vala hefur verið leiðsögumaður í tuttugu ár. Hún
og kollegi hennar ætla nú að reyna að vekja áhuga á Kósóvó.