Morgunblaðið - 01.03.2018, Qupperneq 43

Erlent
MORGUNBLAÐIÐ FIMMTUDAGUR 1. MARS 2018
Jared Kushner, tengdasonur Don-
alds Trumps Bandaríkjaforseta og
einn af hans helstu ráðgjöfum, hefur
ekki lengur aðgengi að helstu trún-
aðarupplýsingum í stjórninni. Upp-
lýsingar um aðgang einstaklinga að
trúnaðarupplýsingum eru ekki op-
inberar, en tveir heimildarmenn stað-
festu þetta við fréttastofuna AFP.
Eitt helsta verkefni Kushners hef-
ur verið að greiða fyrir friðarsamn-
ingum milli Ísraela og Palestínu-
manna. Aaron David Miller,
fyrrverandi samningamaður Banda-
ríkjamanna, sagði að Kushner ætti nú
á hættu að glata trúverðugleika
gagnvart viðmælendum sínum í Mið-
Austurlöndum vegna þess að hann
hefði ekki aðgang að upplýsingum.
Áður höfðu lögmenn hans sagt að
hann hefði fullan aðgang að trúnaðar-
upplýsingum þótt ferlinu til að veita
slíkan aðgang hefði ekki verið lokið.
Robert Mueller, sérstakur saksókn-
ari, hefur haft Kushner til skoðunar
vegna þess að hann hitti Sergei Kisl-
jak, sendiherra Rússa í Bandaríkj-
unum, og kaupsýslumanninn Sergei
Gorkvo, sem tengist Vladimír Pútín,
forseta Rússlands, auk þess að hafa
fundað með lögmanninum Natalju
Veselnitskaju í Trump-turninum í
New York.
John Kelly, starfsmannastjóri
Trumps, fyrirskipaði breytingar á
vottunarkerfinu í Hvíta húsinu eftir
að háttsettur aðstoðarmaður, Rob
Porter, hafði starfað þar mánuðum
saman án þess að formlega hefði ver-
ið gengið frá aðgangi hans að upplýs-
ingum vegna ásakana um að hann
hefði beitt fyrrverandi eiginkonur
sínar ofbeldi.
Kelly sagði í yfirlýsingu að hann
myndi ekki tjá sig um aðgang ein-
stakra starfsmanna í Hvíta húsinu, en
hann bæri fullt traust til Kushners.
AFP
Ráðgjafinn Jared Kushner og Nikki Haley, sendiherra Bandaríkjanna hjá
SÞ, hlýða á Mahmud Abbas á allsherjarþinginu fyrr í mánuðinum.
Sviptur aðgangi að
upplýsingum
 Veldur tengdasyni Trumps vanda
Mörg verkefni
» Jared Kushner er kvæntur
Ivönku Trump, dóttur Banda-
ríkjaforseta.
» Kushner hefur hvatt til að
Bandaríkin veiti Benjamin Net-
anyahu, forsætisráðherra Ísr-
aels, aukinn stuðning. Net-
anyahu er væntanlegur til
Washington á næstu dögum.
» Hann á einnig að leiða bar-
áttuna gegn ópíóðavánni og
umbætur í fangelsismálum.
Rússneskir tölvuþrjótar brutust inn
í tölvukerfi þýska utanríkisráðu-
neytisins og innanríkisráðuneyt-
isins. Þýska fréttastofan DPA
greindi frá þessu í gær og hafði eft-
ir ónefndum heimildarmönnum,
sem tengjast öryggismálum.
Samkvæmt fréttinni er um að
ræða hóp, sem kallast APT28 og
tengist leyniþjónustu rússneska
hersins, GRU. Sama hópi er gefið
að sök að hafa gert árásir á Hillary
Clinton þegar hún var í forseta-
framboði 2016. Er talið að hópnum
hafi tekist að koma fyrir spilli-
forritum og hafi getað notað þau til
að njósna í allt að því eitt ár.
Í fréttinni sagði að þýsk yfirvöld
hefðu afhjúpað þessar njósnir í des-
ember.
Ítrekað var varað við því í kosn-
ingabaráttunni í Þýskalandi í fyrra
að rússneskir tölvuþrjótar gætu
reynt að hafa áhrif. Þýsk yfirvöld
telja að APT28 hafi staðið að baki
árás, sem lamaði tölvukerfi þýska
þingsins svo dögum skipti 2015.
Sett hefur verið á fótt sérstök deild
í Þýskalandi til að verjast svona
árásum.
AFP
Njósnir Tölvuþrjótar laumuðu spilliforritum inn í þýsk ráðuneyti.
Tölvuþrjótar brutust
inn í þýsk ráðuneyti
 Taldir tengjast rússneska hernum
Sproti með viðarfótum - ýmsir litir í boði
STOFNAÐ 1956
Bæjarlind 8–10
201 Kópavogur
s: 510 7300
www.ag.is
Sproti 405
Hönnuður Erla Sólveig Óskarsdóttir
Aðalfundur Eikar fasteignafélags hf. verður haldinn þann 22. mars 2018
Stjórn Eikar fasteignafélags hf. boðar til aðalfundar í félaginu. Fundurinn verður haldinn að Gullteigi á Grand Hótel Reykjavík, Sigtúni 38, 105
Reykjavík, fimmtudaginn 22. mars 2018 og hefst stundvíslega kl. 15:30.
Drög að dagskrá fundarins er svohljóðandi:
1. Skýrsla stjórnar um starfsemi félagsins síðastliðið starfsár
2. Ársreikningur og samstæðureikningur félagsins, ásamt skýrslu endurskoðanda, eru lagðir fram til staðfestingar
3. Ákvörðun um hvernig fara skuli með hagnað eða tap félagsins á reikningsárinu og greiðslu arðs
4. Ákvörðun um þóknun til stjórnar fyrir störf þeirra fyrir komandi starfsár, að fengnum tillögum félagsstjórnar
5. Tillaga félagsstjórnar um starfskjarastefnu félagsins
6. Tillaga félagsstjórnar um breytingar á samþykktum félagsins
7. Kosning félagsstjórnar
8. Kosning löggilts endurskoðanda eða endurskoðunarfélags
9. Önnur mál sem löglega eru fram borin
a. Umræða um tilnefningarnefnd
Aðrar upplýsingar:
Hluthafi getur látið umboðsmann sækja hluthafafund fyrir sína hönd. Umboðsmaður skal leggja fram dagsett og skriflegt eða rafrænt umboð á eyðublaði
eða í samræmi við eyðublað sem er aðgengilegt á vef félagsins. Rafrænt umboð skal senda á netfangið stjornun@eik.is áður en fundur hefst. Umboð
verða ekki afturkölluð svo gilt sé gagnvart félaginu eftir að þeim hefur verið framvísað við afhendingu fundargagna eða eftir setningu fundarins, hvort
heldur sem fyrr er. Umboðseyðublað má nálgast inn á www.eik.is/fjarfestar/hluthafar.
Hver hluthafi á rétt á að fá ákveðið mál tekið til meðferðar á aðalfundinum og leggja fram ályktunartillögur ef hann gerir skriflega eða rafræna kröfu um
það til stjórnar félagsins eigi síðar en kl. 15.30 mánudaginn 12. mars 2018. Hægt er að senda tillögur fyrir fundinn á netfangið stjornun@eik.is. Hafi
hluthafi krafist þess að fá mál tekin til meðferðar á fundinum eða lagt fram ályktunartillögur fyrir framangreindan tíma, verða dagskrá og tillögur upp-
færðar á vefsíðu félagsins eins fljótt og auðið er eftir móttöku þeirra. Endanleg dagskrá og tillögur verða birtar eigi síðar en 15. mars 2018. Mál sem ekki
hafa verið greind í endanlegri dagskrá aðalfundar er ekki unnt að taka til endanlegrar úrlausnar á fundinum nema með samþykki allra hluthafa en gera má
um þau ályktun til leiðbeiningar fyrir félagsstjórn.
Á hluthafafundum félagsins fylgir eitt atkvæði hverri einni krónu í hlutafé. Eigin bréf félagsins njóta ekki atkvæðisréttar. Atkvæðagreiðslur og kosningar
verða einungis skriflegar á fundinum ef einhver atkvæðisbærra fundarmanna krefst þess. Stjórnarkjör skal jafnan vera skriflegt ef framboð fleiri aðila koma
fram en nemur fjölda sæta sem kjósa skal um. Hluthafar geta greitt atkvæði bréflega fyrir fundinn með því að fylla með skýrum og greinilegum hætti út
atkvæðaseðil sem finna má á vefsíðu félagsins, undirrita og votta seðilinn, og senda hann með pósti á lögheimili félagsins eða rafrænt á netfangið
stjornun@eik.is. Atkvæðaseðillinn þarf að uppfylla framangreind skilyrði og berast í síðasta lagi einni klukkustund fyrir upphaf aðalfundarins svo at-
kvæðið teljist gilt.
Frestur til að tilkynna um framboð til stjórnar á netfangið stjornun@eik.is lýkur fimm dögum fyrir aðalfund, nánar tiltekið kl. 15.30 laugardaginn 17. mars
2018. Eyðublöð vegna framboðs til stjórnarsetu er að finna á vefsíðu félagsins og verða upplýsingar um frambjóðendur til stjórnar birtar þar og verða til
sýnis á skrifstofu þess eigi síðar en sólarhring eftir að framboðsfrestur rennur út.
Aðalfundur er lögmætur án tillits til fundarsóknar ef hann er löglega boðaður, sbr. 11. gr. samþykkta félagsins. Aðalfundurinn fer fram á íslensku og verða
fundargögn og atkvæðaseðlar, sem verða afhent á fundarstað, einnig á íslensku.
Nánari upplýsingar um réttindi hluthafa og annað sem varðar aðalfundinn, svo sem endanleg dagskrá, tillögur stjórnar og hluthafa, starfskjarastefnu,
eyðublöð vegna umboðs og framboðs til stjórnar, upplýsingar um atkvæðagreiðslu og atkvæðaseðil vegna skriflegra kosninga og kosninga fyrir aðalfund,
skjöl sem verða lögð fram á aðalfundi, upplýsingar um frambjóðendur, upplýsingar um fjölda hluta og atkvæðafjölda í félaginu, er - eða verður eftir því
sem þau verða til - að finna á vefsíðu félagsins, www.eik.is/fjarfestar/hluthafar. Auk þess munu viðeigandi gögn liggja frammi í höfuðstöðvum félagsins,
að Álfheimum 74, 104 Reykjavík, þremur vikum fyrir aðalfundinn. Endanleg dagskrá frá stjórn og tillögur verða birtar miðvikudaginn 15. mars 2018.
Upplýsingar um tillögur stjórnar um breytingar á samþykktum félagsins og greinargerð með þeim má finna í heild sinni á vefsíðu félagsins
www.eik.is/fjarfestar/hluthafar. Í stuttu máli lúta tillögurnar að eftirfarandi atriðum:
Lagt er til að gerðar verði breytingar á 3., 5. og 7. mgr. 18. gr. samþykkta félagsins er fjalla um framboðsfrest til stjórnarkjörs, frest til að óska eftir hlutfalls-
eða margfeldiskosningu við stjórnarkjör og frest til birtingar upplýsinga um frambjóðendur. Fyrst er lagt til að frestur til að skila inn framboði til stjórnar
félagsins verði færður fjær degi aðalfundar um tvo daga. Að sama skapi er frestur til að skila kröfu um hlutfalls- eða margfeldiskosningu til félagsins
færður fjær degi aðalfundar um tvo daga. Er sá frestur samsvarandi þeim fresti sem mælt er fyrir um í 7. mgr. 62. gr. laga nr. 2/1995 um hlutafélög.
Líkt og í síðustu samþykktabreytingum er lagt til að tölur séu skrifaðar með tölustöfum í stað bókstafa og tala um ,,sólarhringa“ í stað daga.
Stjórn Eikar fasteignafélags hf.
Eik fasteignafélag hf.
Álfheimum 74, 104 Reykjavík
www.eik.is