Morgunblaðið - 08.03.2018, Qupperneq 28

28 FRÉTTIRInnlent
MORGUNBLAÐIÐ FIMMTUDAGUR 8. MARS 2018
Sími 555 2992 og 698 7999
• Við hárlosi
• Mýkir liðina
• Betri næringar-
upptaka
Náttúruolía sem hundar elska
Við höfum notað Dog Nikita hundaolíu fyrir hundana
okkar í 3 ár og við erum ekkert á því að hætta.
Feldurinn á þeim er mjúkur, fallegur og hárlosið á
þeim gengur fyrr yfir. Þófarnir eru mjúkir og sléttir
en ekki harðir og grófir eins og þeir verða oft.Við
mælum með Dog Nikita hundaolíu.
Páll Ingi Haraldsson
EldurÍs hundar
Við mælum með Dog NIKITA hundaolíu
NIKITA hundaolía - Selaolía fyrir hunda
• Gott við exemi
• Betri og sterkari
fætur
SVIÐSLJÓS
Ingveldur Geirsdóttir
ingveldur@mbl.is
Það er mikið líf og fjör flesta daga
í stóru hesthúsi í Víðidal í Reykja-
vík þar sem hestamannafélagið
Fákur býður börnum og unglingum
upp á aðstöðu til að stunda hesta-
mennsku.
Fjögur ár eru síðan Fákur ákvað
að taka helming af félagshúsinu
undir barna- og unglingastarf til að
koma til móts við áhugasama
krakka sem hefðu ekki stuðning í
hestamennskunni
t.d. frá foreldr-
um. Næsta vetur
fór meirihluti
hússins undir
barna- og ung-
lingastarfið og í
fyrra var það allt
komið undir það.
Nú er svo komið
að félagshúsið er
sprungið og í við-
bót við þau 23
pláss sem þar eru leigir félagið 20
pláss í hesthúsinu við hliðina til að
mæta eftirspurninni. Karen Wood-
row reiðkennari hefur yfirumsjón
með barna- og unglingastarfinu og
er hópnum til halds og trausts.
Frá níu ára upp í 21 árs
Þegar blaðamaður og ljósmynd-
ari heimsóttu hesthúsið einn sól-
ríkan dag í síðustu viku var fjöldi
barna og unglinga að fara á hest-
bak og Karen fylgdist með að allt
færi rétt og vel fram. „Stelpur,“
kallar hún á einn hópinn, „þið mun-
ið að það á að vera með hjálm þeg-
ar riðið er berbakt,“ og Karenu er
svarað með: „Já auðvitað“ í kór.
Hópurinn tekur virkan þátt í um-
hirðu og öllu því sem fellur til í
hesthúsinu eins og gjöfum og þrif-
um enda er það forsendan fyrir því
að plássin fáist á góðu verði. „Við
erum með manneskju sem gefur á
morgnana og krakkarnir taka þátt í
kvöld- og helgargjöfum. Mitt hlut-
verk er að fylgja því eftir að þau
vinni vinnuna sína og hjálpa þeim,“
segir Karen.
Yngsti hestamaðurinn í félags-
húsinu er að verða 10 ára og sá
elsti 21 árs. „Við miðum við ald-
urinn 10 til 18 ára en það var
ákveðið að koma til móts við nokkr-
ar eldri stelpur í vetur og skoða
svo hvernig þetta verður á næstu
árum. Þetta er í stanslausri mótun
og við lærum með hverju árinu
hvernig best er að hafa þetta.“
Flestir koma með eigin hesta en
Karen aðstoðar líka þau sem þurfa
að fá hesta að láni að finna hest
sem hentar. Gerð er sú krafa í hús-
inu að hrossin séu tamin. „Þegar
það er svona breiður hópur af
krökkum á það ekki við að vera
með mjög lítið tamin hross en
hrossin eru auðvitað á mjög mis-
munandi tamningarstigum. Þau eru
nokkur hérna sem deila hestum og
það er góð leið fyrir krakkana, og
foreldrana líka, til að finna út hvort
þau eru tilbúin að gefa sér tíma í
þetta áður en þau fjárfesta í hesti
og reiðtygjum. Sumir eru með for-
eldra eða aðra ættingja sem eru að
einhverju leyti í hestum en aðallega
eru þetta krakkar sem þurfa að út-
vega sér sjálfir allt það sem snýr
að hestinum. Það getur verið dálít-
ill frumskógur fyrir þá sem eru
ekki inni í sportinu og því er þessi
aðstaða sem Fákur býður upp á
svo góð.“
Mörg þeirra sem eru í hesthús-
inu sækja líka reiðkennslu hjá Kar-
en en hún, ásamt Sif Jónsdóttur
reiðkennara, er með reiðnámskeiðið
Fák og fjör. Þar hafa margir þeir
byrjað sem eru nú í félags-
hesthúsinu. „Þessir krakkar hafa
allir byrjað einhvers staðar og yf-
irleitt er það í reiðskólunum hér á
svæðinu,“ segir Karen. „Þau eru
orðin ansi klár mörg hver og svo
eru þau eldri farin að stunda
hestabrask; skipta á hestum og
selja og kaupa sér eitthvað nýtt og
spennandi. Sumir eru komnir á
keppnisbrautina og aðrir farnir að
þjálfa hesta fyrir fólk úti í hverf-
inu. Það er gaman að fylgjast með
því.“
Aðeins einn strákur í hópnum
Af þeim um 40 börnum og ung-
lingum sem nýta sér þessa aðstöðu
hjá Fáki er aðeins einn strákur.
Karen segir að þau séu að vinna í
því að ná fleiri strákum í sportið.
„Við erum að ala upp framtíðar-
knapa. Með starfinu hérna erum
við að vonast til að það verði ekki
brottfall, að við fáum krakka sem
hafa áhuga og gefa þeim umhverfi
sem er auðvelt að stunda hesta-
mennsku í. Krakkar sem þurfa að
baksa í þessu ein án allrar að-
stoðar gefast fljótt upp. Við erum
að vonast til að með því að koma
þeim svona vel af stað haldi þau
áfram. Ég hef heyrt frá þeim elstu
að ef ekki væri fyrir þetta ut-
anumhald hefðu þau ekki haldist í
þessu.“
Fjör og fákar í félagshúsi Fáks
 Um 40 ungir hestamenn nýta sér aðstöðu í félagshúsi Fáks í Víðidal  Taka virkan þátt í umhirðu
og öllu því sem snýr að hestinum  Flestir eru með eigin hest  Fákur er að ala upp framtíðarknapa
Morgunblaðið/Hanna
Hesthúsið Fákur er með 23 pláss í félagshúsinu og leigir 20 til viðbótar í húsinu við hliðina, ásóknin í barna- og unglingastarfið er það mikil í vetur.
Umhirða Það þarf að hreinsa úr hófum og kemba áður en farið er á bak.
Karen
Woodrow
Vinir Gott er að fá klapp og klór.