Morgunblaðið - 08.03.2018, Blaðsíða 42

42 FRÉTTIRErlent
MORGUNBLAÐIÐ FIMMTUDAGUR 8. MARS 2018
Prófkjör Sjálfstæðisflokksins í Hafnarfirði
vegna bæjarstjórnarkosninganna í vor
fer fram laugardaginn 10. mars.
Prófkjör Sjálfstæðisflokksins í Hafnarfirði
laugardaginn 10. mars
Kosið verður í Víðistaðaskóla kl. 10.00-18.00
Breska lögreglan segir að tauga-
eitur hafi verið notað til að reyna
að ráða fyrrverandi rússneskan
njósnara af dögum í Bretlandi á
sunnudag. Ekki er talið að almenn-
ingi stafi hætta af eitrinu.
Sergei Skripal, fyrrverandi
gagnnjósnari, og Yulia dóttir hans,
eru í lífshættu á sjúkrahúsi eftir að
hafa misst meðvitund þar sem þau
sátu á bekk í Salisbury á Suður-
Englandi um síðustu helgi. Lög-
regla sagði síðdegis í gær ljóst að
taugaeitri hefði verið beitt gegn
feðginunum og að lögreglumaður,
sem kom fyrstur á staðinn, lægi
einnig þungt haldinn á sjúkrahúsi.
Nokkrar breskar fréttastofur
hafa fullyrt að Rússar séu grun-
aðir um að hafa eitrað fyrir feðg-
inin. Boris Johnson, utanríkisráð-
herra Breta, sagði að ef í ljós
kæmi að Rússar stæðu á bak við
þetta yrði gripið til harðra refsiað-
gerða.
Skripal var áður höfuðsmaður í
leyniþjónustu rússneska hersins
en var dæmdur árið 2006 fyrir að
njósna fyrir Breta. Hann flutti til
Bretlands árið 2010 í fangaskiptum
milli Breta og Rússa. Breska rík-
isútvarpið, BBC, hefur eftir ónafn-
greindum ættingjum Skripals, að
hann hafi talið að rússneska leyni-
þjónustan myndi reyna að ráða
hann af dögum.
Johnson sagði, að málið minnti á
það þegar Rússinn Alexander
Litvinenko var myrtur í London
árið 2006 með geislavirku efni.
Bretar segja að rússnesk stjórn-
völd hafi skipulagt tilræðið.
Amber Rudd innanríkisráðherra
stýrði í gær fundi öryggisráðs
breska þingsins, COBRA, þar sem
fjallað var um málið.
Taugaeitri beitt
gegn njósnara
 Minnir á morðið á Litvinenko
AFP
Njósnari Sergei Skripal sat í fang-
elsi í Rússlandi fyrir njósnir.
Alþjóðastofnanir vöktu í gær athygli á því að
barátta kvenna fyrir launajafnrétti væri langt
frá því að vera lokið en alþjóðlegur bar-
áttudagur kvenna er í dag, 8. mars. Alþjóða-
vinnumálastofnunin segir að tekjur kvenna á
alþjóðavísu séu að jafnaði 23% lægri en tekjur
karla og að sögn hagstofu Evrópusambands-
ins, Eurostat, er kynbundinn launamunur að
jafnaði 16% í ESB-ríkjum, mestur í Þýskalandi
og Bretlandi, 21%, en minnstur í Rúmeníu, á
Ítalíu og í Lúxemborg, 5%. Á myndinni sést
kona vinna í saltlóni í Rajasthan á Indlandi.
AFP
Tekjur kvenna að jafnaði 23% lægri en tekjur karlmanna
Nýjar tölur, sem birtar voru í gær,
sýna að halli á bandarískum vöru-
skiptum jókst verulega í janúar og
hefur ekki verið meiri í áratug.
Ástæðan er einkum minnkandi út-
flutningur á eldsneyti og flugvélum.
Þessar upplýsingar eru ekki til
þess fallnar að draga úr spennu milli
Evrópuríkja og Bandaríkjanna en
þau síðarnefndu hafa hótað að leggja
verndartolla á innflutt stál og ál.
Hagfræðingar segja raunar að auk-
inn viðskiptahalli sé til marks um
efnahagsbata en ekki er talið líklegt
að stjórn Donalds Trumps, Banda-
ríkjaforseta, líti það sömu augum.
Evrópusambandið sagðist í gær
myndi bregðast hart við ef Banda-
ríkjastjórn legði verndartollana á.
Donald Tusk, forseti leiðtogaráðs
Evrópusambandsins, sagði að þótt
Trump hefði sagt að viðskiptastríð
hefðu góð áhrif og auðvelt væri að
vinna þau væri raunveruleikinn ann-
ar. „Viðskiptastríð eru slæm og tap-
ast auðveldlega,“ sagði hann. Wilbur
Ross, viðskiptaráðherra Bandaríkj-
anna, sagði hins vegar að Bandaríkin
væru ekki að sækjast eftir viðskipta-
stríði og ákvörðunin um að leggja
háa tolla á innflutt stál og ál væri af-
ar vel ígrunduð.
Framkvæmdastjórn ESB sagði í
gær að gripið yrði til mótaðgerða ef
bandarísku verndartollarnir yrðu
lagðir á. Þannig væri m.a. hægt að
leggja innflutningstolla á bandarískt
bourbon viskí, hnetusmjör og app-
elsínusafa.
Orðaskak um viðskiptastríð
 Halli á vöruskiptum Bandaríkjanna sá mesti í áratug
Lars-Emil Johansen, forseti græn-
lenska þingsins, gagnrýnir í blaða-
viðtali umdeilt frumvarp um veiði-
gjöld, sem hefur verið til umræðu á
þinginu.
Fyrstu umræðu um frumvarpið
var lokið en nú hefur Kim Kielsen,
formaður grænlensku landstjórn-
arinnar, boðað til þingkosninga í
apríl. Bíður nýs þings að afgreiða
veiðigjaldamálið.
Johansen, sem ekki ætlar að bjóða
sig fram til þings á ný, segir við
grænlenska blað-
ið AG að ekki
megi samþykkja
fiskveiðistjórn-
unarlög sem
dragi úr tekjum
samfélagsins og
auki útgjöld.
„Umbætur mega
ekki skaða vel
rekin fyrirtæki.
Lögin eiga að styrkja atvinnugrein-
ina,“ segir hann.
Gagnrýnir grænlenskt
veiðigjaldafrumvarp
Lars-Emil
Johansen