Morgunblaðið - 03.04.2018, Side 13

Sögur Undirbúningur að upptökum á viðtölum um sögur sem snert hafa við fyrirmyndum.
vefsvæði Söguverðlaunanna hjá
KrakkaRÚV.
Að sögn Hólmfríðar voru
stofnuð samtök um verkefnið í
febrúar og var stjórn samtakanna
falið það verkefni að koma verð-
launahátíðinni í framkvæmd.
Hún segir að þeir aðilar sem
komi að Sögur - verðlaunahátíð
barna séu KrakkaRÚV, Reykjavík
Bókmenntaborg, UNESCO,
Reykjavíkurborg, skóla- og frí-
stundasvið og menningar- og
ferðamálasvið, Borgarbókasafnið,
SíUNG, IBBY, Menntamálastofn-
un og Borgarleikhúsið.
Verðlaunahátíð í Hörpu
„Við vildum hafa þetta
skemmtilegt og verðlauna fyrir
ólíka hluti. Við erum að verðlauna
börnin sjálf en ekki bara þá sem
búa til efni fyrir þau,“ segir Hólm-
fríður og bætir við að verðlauna-
hátíð barnanna verði haldin 22.
apríl í Hörpu og hún verði í beinni
útsendingu á RÚV.
„Hátíðin verður sett á stall
með stórverðlaunahátíðum eins og
Eddunni og Grímunni,“ segir
Hólmfríður.
Það eru krakkar frá 6 til 12
ára sem kjósa um verðlaun til
þeirra sem búa til efni fyrir börn.
Krakkarnir kjósa lag ársins, tón-
listarflytjendur ársins, lagatexta
ársins, barnaefni ársins í sjón-
varpi, fjölskylduþátt ársins, sjón-
varpsstjörnu ársins, leikið kvik-
mynda- og sjónvarpsefni,
leiksýningu ársins, leikkonu eða
leikara ársins, uppáhalds íslensku
barnabókina 2017 og uppáhalds
þýddu barnabókina 2017. Kosn-
ingin fer fram á KrakkaRÚV þar
sem hægt er að skoða tilnefningar
til verðlauna. Hólmfríður hvetur
krakka til þess að taka þátt í
kosningunni sem stendur til 13.
apríl.
Verðlaunasögur útgefnar
„Fjöldi verðlauna verður
veittur fyrir framlag barnanna.
Valdar verða bestu sögurnar frá
börnunum sem gefnar verða út
rafrænt af Menntastofnun.
Borgarleikhúsið velur tvö leikrit,
annað í flokki yngri og hitt úr
flokki eldri barna, til sýningar í
Borgarleikhúsinu. Eitt útvarps-
leikrit verður valið og það flutt á
RÚV og stuttmynd ársins verður
valin í yngri og eldri barnaflokki,“
segir Hólmfríður sem bætir við að
sér finnist vera bylting í átaki í
barnamenningu almennt og börn
og unglingar taki þátt í henni,
samanber málþing unglinga í
Hagaskóla nýlega sem haldið var
af unglingunum sjálfum.
Hornsteinn barnamenningar
„Við státum af því að vera
með mjög gott menntakerfi og því
verðum við að halda áfram svo að
næsta kynslóð sem tekur við verði
skapandi og haldi menningunni á
lofti,“ segir Hólmfríður sem ítrek-
ar að Sögur - verðlaunahátíð
barnanna sé ekki bara hugsuð sem
afþreying heldur sé hún hugsuð til
þess að upphefja menningu,
menntun og læsi og vonir standi
til að hátíðin verði í framtíðinni
einn af hornsteinum íslenskrar
barnamenningar.
Stuttmynd Upptaka á stuttmynd eftir börn sem nú er hægt að horfa á á KrakkaRÚV.
„Við vildum hafa þetta
skemmtilegt og verð-
launa fyrir ólíka hluti.
Við erum að verðlauna
börnin sjálf en ekki
bara þá sem búa til
efni fyrir þau.“
Sköpun Á KrakkaRÚV er hægt að lesa smásögur eftir börn sem tóku þátt.
DAGLEGT LÍF 13
MORGUNBLAÐIÐ ÞRIÐJUDAGUR 3. APRÍL 2018
Gullfiskur
Kæliþurrkaður harðfiskur
semhámarkar ferskleika,
gæði og endingu.
Inniheldur 84%prótein.
84% prótein - 100% ánægja
Framleiðandi: Tradex ehf, Eyrartröð 11, 220Hafnarfjörður, tradex@tradex.is
Harðfiskur // Bitafiskur // Skífur
Einfaldlega
hollt og gott
snakk
Sjónvarpskokkurinn frægi, Julia
Child, kennir áhorfendum að baka
franska súkkulaðiköku milli klukkan
12.15 og 13 á morgun, miðvikudaginn
4. apríl, í Salnum í Kópavogi. Guja
Sandholt fer með hlutverk Frú Child í
óperunni Bon Appétit! og Matthildur
Anna Gísladóttir leikur með á píanó í
gómsætustu óperu tónlistarsög-
unnar!
Julia Child, eða franski kokkurinn
eins og hún var oft kölluð sem og
sjónvarpsþættir hennar, sem urðu
206 talsins, er sögð hafa komið
Bandaríkjamönnum í skilning um að
góð matargerð væri ekki bara í því
fólgin að tæma sveppasúpudós út í
kjötkássu. Hún kunni að gera góðan
mat og þá sérstaklega upp á franska
vísu. Child lést árið 2004, 92 ára að
aldri.
Óperan Bon Appétit! er eftir Lee
Hoiby og er liður í dagskránni Menn-
ing á miðvikudögum á vegum Menn-
ingarhúsanna í Kópavogi.
Ókeypis inn og allir velkomnir.
Súkkulaðikökuópera eftir Lee Hoiby
Gómsætasta ópera tónlistar-
sögunnar – gerið þið svo vel!
Morgunblaðið/Ómar
Bon Appétit! Matthildur Gísladóttir og Guðbjörg Sandholt baka köku.