Fréttablaðið - 26.09.2018, Qupperneq 38

GASTROPUB
LÚXUS BORGARI MEÐ NAUTALUND
Grillaður borgari úr sérvaldri rumpsteik og „short ribs“
í bjór brioche brauði með grillaðri nautalund, Búra,
rauðlauk, klettasalati, ostrusveppum og bernaisesósu.
Borinn fram með vöƒufrönskum.
ÞÚ VERÐUR AÐ SMAKKA!
NÝ
TT
MÁNAÐARINS
2.990 kr.
SÆTA SVÍNIÐ // Hafnarstræti 1–3 / Sími 555 2900 / saetasvinid.isOPIÐ 11.30–23.30
hæ hæ
Vil hafa nýtt inn á henni….
og færa nautalundina í lýsingunni fyrir framan Búra og hafa hana bold.
með grillaðri nautalund, Búra, rauðlauk……osfrv.
taka út bandstrik á undan - Borinn fram með vöufrönskum.
Og neðst
Þú verður að smakka !
Fjármálaheimurinn er í miklu umbreytingarferli. Fjártækni er á allra vitorði og flestum er
það kunnugt að fjártæknifyrirtæki
eru líkleg til að umbylta því hvern­
ig við stundum viðskipti og leitum
okkur fjármögnunar. Slík fyrirtæki
hafa verið stofnuð vegna mikilla
tækniframfara og leysa annaðhvort
gömul vandamál af hólmi, t.d. með
auknum hraða og sjálfvirkni, eða
þá að þau eru stofnuð á grundvelli
nýrra fjármálagerninga og nýrra
rafrænna mynta. Sumir hafa gengið
svo langt að tala um að bankar muni
brátt verða úreltir og að í stað þeirra
komi fjöldinn allur af smáforritum
sem leysi þá af hólmi. Eins og staðan
er í dag þá lifa hefðbundnir bankar
enn góðu lífi, bæði á Íslandi og
erlendis. En ný fjártæknifyrirtæki
hafa rutt sér til rúms á síðustu árum
og hafa markað djúp spor á fjár­
málamarkaði. Enginn veit hvernig
þetta landslag mun þróast á næstu
árum en nú er staðan orðin slík að
fyrstu skrefin eru farin að verða ljós.
Spilin á borðið
Fjártæknin er komin til að vera en
það er enn óljóst hvernig fyrirtæki
á því sviði munu þróast og hvaða
hlutverki bankar og aðrar hefð­
bundnar fjármálastofnanir munu
gegna á þessum breyttu tímum.
Erlendis hafa bankar brugðist við
þróuninni með mismunandi hætti.
Sumir bankar fara beinlínis í sam­
keppni við smærri fjártæknifyrir­
tæki og skilgreina sig sem fjártækni­
fyrirtæki, aðrir vinna í samstarfi
með þeim og enn aðrir taka skref til
baka og marka sinn sess sem hæg­
látir heildsölubankar. Tíminn mun
svo einn leiða í ljós hver þessara
leiða mun skila mestum árangri en
allir þátttakendur á markaðnum
vita að það er ekki hægt að sitja hjá
og gera ekki neitt.
Þótt þróunin hafi gengið hraðar
fyrir sig erlendis hafa íslenskar fjár­
málastofnanir flestar fyrir löngu
greint hana og markað sér stefnu.
Viðskiptabankarnir þrír hafa lagt
spilin á borðið að einhverju leyti og
er ekki útlit fyrir að nokkur þeirra
hafi áhuga á að sitja hjá.
Flóra af fjártæknifyrirtækjum
Mörg fjártæknifyrirtæki hafa
sprottið upp erlendis, mörg hver
með einn anga af þeirri þjónustu
sem hefðbundnar bankastofnanir
hafa áður sinnt á meðan önnur
sinna öllum hliðum hefðbundinnar
bankaþjónustu á rafrænum grund­
velli. Þó nokkur fjártæknifyrirtæki
hafa risið á Íslandi nú þegar og eru
nær öll í útlánastarfsemi sem er
einkar athyglisvert. Flóra erlendra
fyrirtækja spannar allt frá innlána­
starfsemi og almennri lánveitingu
til smærri fyrirtækja til sprotafyrir­
tækja á tryggingamarkaði. Hingað
til virðast engin íslensk fyrirtæki
hafa gert atlögu að þessum hliðum
fjártækninnar.
Erlendis hafa nokkur sprotafyrir­
tæki haslað sér völl á innlánamark­
aði. Það getur verið að smæð Íslands
komi í veg fyrir að slíkt sé yfirhöfuð
hagkvæmt en þó gætu leynst tæki­
færi fyrir íslensk fyrirtæki á þeim
markaði sem hefðu einnig áhuga
á að líta út fyrir landsteinana. Enn
sem komið er hafa fá fjártækni­
fyrirtæki sérhæft sig í útlánum til
lítilla og meðalstórra fyrirtækja.
Það gæti verið vegna þess að það er
almennt erfiðara að lánshæfismeta
fyrirtæki en einstaklinga því þar
eru fleiri hlutir sem skipta máli, svo
sem viðskiptaáætlun, samkeppni
á markaði, fjármálaskipan félags­
ins, hverjir koma að fyrirtækinu
o.fl. Ör tækniþróun gæti hins vegar
gert slíka lánveitingu einfaldari og
í kjölfarið gætu ný fyrirtæki haslað
sér völl á þessu sviði. Annar spenn­
andi vettvangur fjártækninnar er
tryggingastarfsemi. Tækniframfarir
síðustu ára gera hefðbundin trygg­
ingafélög alveg jafn berskjölduð
og bankana fyrir aðkomu smærri
sprotafyrirtækja. Neytendur gera í
dag auknar kröfur um hraða og skil­
virkni í viðskiptum sem trygginga­
félög þurfa að mæta.
Þess má einnig geta að íslenskur
fjármálaheimur gæti einnig breyst
vegna tilkomu erlendra fyrirtækja
sem gætu haslað sér völl hér á landi.
Það liggur í eðli tæknifyrirtækja að
þeim tekst yfirleitt að fara þvert á
landamæri og það getur einnig átt
við um fjártæknifyrirtæki. Það er
því ljóst að það er enn óplægður
akur í fjártækni á Íslandi og spenn­
andi verður að fylgjast með þróun­
inni á næstu árum.
Hvernig verður íslenska fjártæknibyltingin?
Gunnar
Gunnarsson
forstöðumaður
greiningar og
ráðgjafar hjá
Credit info
Tækniframfarir
síðustu ára gera
hefðbundin tryggingafélög
alveg jafn berskjölduð og
bankana fyrir aðkomu
smærri sprotafyrirtækja.
Íslenska fjölskyldufyrirtækið Hjá Höllu opnar veitingaaðstöðu á Keflavíkurflugvelli á næstu
dögum en það rekur nú þegar veit­
ingastað og fyrirtækjaþjónustu í
Grindavík. Halla María Svansdóttir,
stofnandi og eigandi Hjá Höllu, kom
fyrirtækinu á fót í eldhúsinu heima
hjá sér  fyrir sex árum. Hún segist
vona að eftir tíu ár hafi hún náð
að minnka vinnuna úr 18 tímum á
sólarhring.
Hver eru þín helstu áhugamál?
Fjölskyldan, hitta vini í heima­
húsi og drekka gott vín yfir
skemmtilegu spjalli og góðri tónlist.
Matargerð, ég elska að fara út að
borða og geri mikið af því. Síðan hef
ég gaman af útivist og mörgu fleira.
Hvernig er morgunrútínan þín?
Ég hef tekið daginn snemma síð­
ustu ár, verið að mæta í vinnu klukk­
an sex og unnið fram eftir. Upp á síð­
kastið hef ég ekki verið eins mikið
í eldhúsinu á morgnana en vakna
samt á sama tíma, svara nokkrum
tölvupóstum, sinni heimilisverk­
unum og kem börnunum á stað í
skólann ásamt betri helmingnum. Ef
það er gott veður fæ ég mér göngutúr
þar sem við erum með svo frábæra
náttúruperlu hér í Grindavík, fjallið
Þorbjörn. Ég mæti svo upp í vinnu
upp úr klukkan átta þar sem allt er
á fullu í undirbúningi fyrir fyrir­
tækjaþjónustuna en við sendum frá
okkur 300 til 500 skammta af mat á
dag til fyrirtækja á Suðurnesjunum
og höfuðborgarsvæðinu.
Hver er bókin sem þú ert að lesa
eða last síðast?
Því miður gef ég mér alltof lítinn
tíma til að lesa en er þó alltaf með
einhverja bók á náttborðinu sem
ég gríp í. Þessa dagana er ég að lesa
Litla bakaríið við Strandgötu. Hún
er alveg frábær.
Hverjar eru helstu áskoranirnar í
starfinu?
Frá því að ég byrjaði í eldhúsinu
heima hefur þetta verið ein allsherj­
ar áskorun í starfi, það kemur alltaf
ný áskorun þegar maður heldur að
það fari að róast. Fyrirtækjaþjón­
ustan og veitingastaðurinn okkar
hafa vaxið með hverju árinu og
núna þegar við opnum stað númer
tvö verður eflaust mikil áskorun að
sleppa takinu af mörgu sem ég hef
séð um frá upphafi. En okkur hefur
tekist að að dreifa ábyrgðinni þar
sem ég er með mikið af frábæru fólki
sem klárar þetta 100 prósent. Svo
má ekki gleyma að þetta er fjöl­
skyldufyrirtæki. Maðurinn minn
og foreldrar eru á fullu í þessu með
mér og krakkarnir farin að fá stærri
hlutverk.
Hverjar eru helstu áskoranirnar í
rekstrarumhverfinu?
Í dag erum við að þjónusta flest­
ar tegundir fyrirtækja og kúnna­
hópur okkar í Grindavík er mjög
fjölbreyttur. Í hádeginu hjá okkur
gætir þú verið á næsta borði við
iðnaðarmann, erlenda fjölskyldu
sem var að koma úr Bláa lóninu,
sjómann eða stelpu úr bankanum.
Þannig erum við  ekki háð neinni
einni atvinnugrein en núna erum
við auðvitað að fara á fullt í ferða­
þjónustuna með veitingastað þar
sem jafn margir og búa á Suður­
nesjum ganga fram hjá á hverjum
degi. Farþegaspár og gengi krónu
eru hlutir í rekstrar umhverfinu sem
ég hef lítið spáð í hingað til en munu
hafa áhrif á reksturinn hjá okkur.
Gott gengi okkar hefur mikið byggst
á frábæru starfsfólki og er það auð­
vitað áskorun að halda þessum góða
anda þegar nýir starfsmenn bætast
í hópinn.
Hvaða breytingar sérðu fyrir þér
hjá fyrirtækinu á næstu árum?
Það eru miklar breytingar á döf­
inni hjá okkur með opnuninni á
Keflavíkurflugvelli. Ég held að þær
breytingar eigi eftir að vera svo óút­
reiknanlegar til að byrja með að við
eigum eftir að hafa nóg að gera með
því að fy gja því eftir en púllum það
auðvitað eins og allt annað.
Ef þú þyrftir að velja allt annan
tarfsvettvang, hver yrði ha n?
Ég bara sé mig ekki í neinu öðru
en þjónustustarfi. Ef það væri eitt­
hvað annað þá sæi ég mig sennilega
í einhverri skemmtilegri iðngrein.
Hvar sérðu þig eftir tíu ár?
Eftir 10 ár verð ég vonandi búin
að koma Hjá Höllu á góðan stað
og búin að minnka vinnuna úr 18
tímum á sólarhring. Get alveg séð
fyrir mér að vera í einhverju litlu
þorpi í Frakklandi að klára þær
uppskriftabækur sem ég er búin
að safna efni í. Verð líklega einn­
ig að vinna í nokkuð skemmtilegri
hugmynd sem mig langar að fram­
kvæma næst en er í bið eins og er. Já,
og verður maður ekki að hafa fjöl­
skylduna með, það er ef hún hefur
áhuga á því?
Áskorun að sleppa taki á mörgu sem ég hef séð um frá upphafi
Helstu drættir
Störf
l Ég er úr sjávarútvegsbæ, Grinda-
vík, þar sem ég fór snemma að
vinna fyrir mér í fiski og er búin
að vinna við margt tengt fiski,
svo sem beitningu. Mér tókst að
ná í nokkrar stelpur sem unnu
með mér þar því við beitn-
ingastelpur kunnum að vinna
hratt og vel. Svo hef ég prófað
ýmislegt annað eins og að vinna
við skúringar, á bar, í eldhúsi,  á
leikskóla, sem heimavinnandi
húsmóðir og margt fleira. Svo
má ekki gleyma að stundum
hef ég þurft að leysa foreldra
mína af í kjúklingabúinu þeirra
svo það má kalla mig kjúklinga-
bónda með meiru.
Fjölskylda
l Gift Sigurpáli Jóhannssyni for-
ritara. Við eigum þrjú börn sem
eru á aldrinum 17, 14 og 12 ára,
þau Svan, Sigurbjörgu og Stein-
unni Mörtu.
Svipmynd
Halla María Svansdóttir
Halla segist ekki sjá sig í neinu öðru en þjónustustarfi. Fréttablaðið/Eyþór
2 6 . s e p t e m b e r 2 0 1 8 m I Ð V I K U D A G U r8 markaðurinn
2
6
-0
9
-2
0
1
8
0
4
:4
8
F
B
0
5
6
s
_
P
0
3
8
K
.p
1
.p
d
f
F
B
0
5
6
s
_
P
0
3
1
K
.p
1
.p
d
f
F
B
0
5
6
s
_
P
0
1
9
K
.p
1
.p
d
f
F
B
0
5
6
s
_
P
0
2
6
K
.p
1
.p
d
f
A
u
to
m
a
tio
n
P
la
te
re
m
a
k
e
: 2
0
E
A
-4
7
1
8
2
0
E
A
-4
5
D
C
2
0
E
A
-4
4
A
0
2
0
E
A
-4
3
6
4
2
7
5
X
4
0
0
.0
0
1
6
A

F
B
0
5
6
s
_
2
5
_
9
_
2
0
1
8
C
M
Y
K