Morgunblaðið - 02.06.2018, Qupperneq 30

30 UMRÆÐAN
MORGUNBLAÐIÐ LAUGARDAGUR 2. JÚNÍ 2018
Mánatún 2, Reykjavík - 47,9 mkr.
Stór 3ja herbergja íbúð á jarðhæð með hellulagðri verönd og skjólvegg. Húsið er
klætt og því viðhaldslítið. Eignin skiptist í: Hol, eldhús, tvö svefnherbergi, baðher-
bergi, þvottahús, geymslu/búr og stofu. Forstofan með fataskáp og parketi á gólfi.
Eldhúsið er með viðarinnréttingu, með efri og neðri skápum og borðkrók. Svefn-
herbergin eru tvö, svefnherbergi með góðum fataskáp í öðru þeirra og parketi á
gólfi. Baðherbergið er með innréttingu undir vaski og yfir handlaug, sturtuklefa,
upphengdu klósetti og flísalagt í hólf og gólf. Þvottahúsið er innan íbúðarinnar
með máluðu gólfi. Stofan og borðstofan eru samliggjandi með parketi á gólfi.
Gengið er út á sér verönd frá stofu. Sér geymsla (5,6 fm).
Sími 697 3629 | gudrun@husaskjol.is | husaskjol.is
Nánari upplýsingar veitir
Guðrún Antonsdóttir,
löggiltur fasteignasali,
Akurnesingar, eins
og aðrir landsmenn,
minnast séra Friðriks
Friðrikssonar sem
eins mikilvægasta
æskulýðsleiðtoga
þjóðarinnar, bæði fyrr
og síðar.
Séra Friðrik leit
jafnan á Akranes sem
sinn heimabæ, enda
dvaldi hann hér
löngum stundum við að byggja upp
sitt áhrifamikla starf; einnig við að
efla hin góðu tengsl sem hann hafði
myndað við æskufólkið, og reyndar
heimamenn alla. Minnast eldri
Akurnesingar hans með þökkum og
hlýhug.
Einnig kom það sér vel að Vatna-
skógur, hans veigamikla hugsjóna-
setur, var skammt undan í Svínadal
í Hvalfjarðarsveit en þangað leitaði
hann reglulega og þar dvaldi hann
meira og minna á sumrin meðal
skógarmanna KFUM, hugsjóna-
samtaka sem hann hafði komið á
fót hér á landi eftir veru sína og
þroskaferil á erlendri grundu.
Séra Friðrik lagði á það ríka
áherslu að unga fólkið
ástundaði heiðarleika
og réttlæti bæði í leik
og starfi, og tók siða-
boðskapur hans mið af
kristilegu hugarfari,
sem hann vildi efla
meðal ungmenna
þessa lands.
Upphaf fótboltans
á Akranesi
Guðmundur Svein-
björnsson, einn af
stofnendum Kára,
fyrsta knattspyrnufélagsins á
Akranesi, var um áratugaskeið í
forystu íþróttamála á Akranesi.
Hann sat í stjórn KSÍ frá stofnun
árið 1947 í 20 ár. Guðmundur skrif-
ar árið 1947 í 25 ára afmælisblað
félagsins:
„Það má segja, að sérhvað hafi
sína forsögu og að atburðaröðin sé
til orðin vegna einhvers, sem á und-
an er gengið. Árið 1922 komu tíu
ungir piltar saman til þess að
stofna knattspyrnufélagið Kára. Er
hægt að segja, að forsaga þessarar
félagsstofnunar sé til orðin vegna
hversdagslegs atviks. Séra Friðrik
Friðriksson, einn besti félagi unga
fólksins hélt barnasamkomu í
kirkjunni hér á Akranesi og talaði
um knattspyrnufélagið Val, starf
þess og tilgang. Ég sem stofnandi
Kára held því hiklaust fram að
þessi samkoma séra Friðriks og sá
eldmóður og skilningur á barnssál-
inni sem fram kom hjá honum eins
og alltaf hefur verið hans einkenni,
sé forsagan að stofnun Kára.“
Heiðursborgarakjör
Hinn 1. mars árið 1947 voru tveir
af bestu sonum Akraness, þeir
Ólafur Finsen, fyrrverandi héraðs-
læknir, og séra Friðrik Friðriksson
æskulýðsleiðtogi, kjörnir heiðurs-
borgarar bæjarins. Hafði aðeins
einum manni hlotnast sá heiður, en
það var árið 1939 að hinn kunni sjó-
sóknari Einar Ingjaldsson á Bakka
var kjörinn heiðursborgari. Forseti
bæjarstjórnar, Ólafur B. Björnsson
ritstjóri, hafði orð fyrir bæjarstjórn
Akraness, og eftir að hafa ávarpað
Ólaf Finsen beindi hann orðum sín-
um til séra Friðriks og sagði m.a.:
„Í tilefni af 35 ára starfsafmæli
KFUM á Akranesi, fyrir bein og
óbein áhrif þín og handleiðslu æsk-
unnar hér á þessu tímabili, vill
bæjarstjórnin sýna þér vott virð-
ingar og þakklætis, með því að
sæma þig þeim mesta heiðri sem
hún á yfir að ráða, og kýs þig hér
með sem heiðursborgara bæjarins.
Af sama tilefni hefur bæjarstjórnin
og ákveðið að skíra barnaleikvöll í
miðbænum „Séra Friðriks völl“.
Um leið og ég þakka þér fyrir
hönd bæjarstjórnarinnar og bæjar-
félagsins, þitt mikilvæga starf á
þessum liðnu 35 árum, óska ég þér
innilega til hamingju með þann
heiður og sæmd sem þér hefur
hlotnast í þessu kjöri.“
Séra Friðrik markaði djúp og
varanleg spor í sálarlíf unga fólks-
ins á Akranesi. Þá hafði hann einn-
ig mikil áhrif á þróun íþrótta í
bænum, og þá sérstaklega fótbolt-
ans, eins og áður hefur komið fram.
Á þessum árum komu fram drengir
séra Friðriks, sem áttu eftir að
gera garðinn frægan, og skal fyrst-
an telja Ríkharð Jónsson, frægasta
knattspyrnumann þjóðarinnar, en
hann ólst upp í næsta húsi við
Frón, þar sem höfuðstöðvar
KFUM voru. Séra Friðrik gerði
sér fljótt grein fyrir fjölbreyttum
hæfileikum Ríkharðs og taldi lík-
legt að hann yrði prestur, en hann
orti:
Ríkharður á Reynistað
reynist drengja bestur.
Undra mig eigi þyrfti það
þótt’ann yrði prestur.
Eftir Ásmund
Ólafsson » Séra Friðrik leit
jafnan á Akranes
sem sinn heimabæ,
enda dvaldi hann hér
löngum stundum við
að byggja upp sitt
áhrifamikla starf.
Ásmundur Ólafsson
Höfundur er fv. framkvæmdastjóri
Dvalarheimilisins Höfða á Akranesi
og Skógarmaður KFUM.
Myndin/Bjarni Árnason
Fjölbreytt starf KFUM og K fór fram í Frón, Vesturgötu 35. Hér eru um 70 sunnu-
dagaskólabörn með séra Friðriki. Fullorðna fólkið á myndinni frá vinstri: Geir-
laugur Árnason söngstjóri, Ingvi Guðmundsson leiðbeinandi, Sverrir Sverrisson
kennari, séra Friðrik, Kristrún Ólafsdóttir í Frón og Jóna Bjarnadóttir á Ólafs-
völlum. Myndin er tekin árið 1947
Mynd/Árni Böðvarsson.
Strákaskari á Vesturgötu á Akranesi. Fremstur á myndinni til vinstri er séra Friðrik. Hér er á ferð árviss at-
burður. Séra Friðrik safnaði drengjum í skrúðgöngu á vorin, gengið var um bæinn og drengirnir bættust
smám saman í hópinn með skóflurnar sínar. Göngunni lauk við Reynistað, Vesturgötu 37, þar sem KFUM
leigði kartöflugarð til að standa straum af kostnaði við rekstur trúfélagsins. Þetta „hópefli“ var þannig hugs-
að til þess að efla andann í kristilega félagsskapnum og fá drengina til þess að stinga upp garðana.
Mynd/Árni Böðvarsson
Heiðursborgarinn séra Friðrik
Friðriksson heldur ræðu í Akra-
neskirkju 1. mars 1947.
150 ára fæðingarafmæli
séra Friðriks Friðrikssonar
Það eru nú 48 ár síð-
an heimamenn í Þing-
eyjarsýslu stöðvuðu
virkjunarframkvæmdir
í Laxá II með því að
sprengja stíflu þar sem
sökkva átti blómlegum
dal. Þarna stóðu heima-
menn saman um að
stöðva framkvæmd sem
þeim var í óþökk og
þvinga átti í gegn með
offorsi. En sveitungar tóku til sinna
ráða og hrundu framkvæmdum af
höndum sér. En þeir stóðu ekki einir
því að náttúruverndarsinnar landsins
stóðu með þeim. Meðal annars var
haldinn gríðarlega fjölmennur og
heitur fundur í Háskólabíói til stuðn-
ings heimamönnum og virkjun mót-
mælt. Skemmst er frá því að segja að
heimamenn og náttúruverndarsinnar
höfðu betur í það skiptið og fallið var
frá framkvæmdum í Laxá.
Óþörf virkjun
En nú, 48 árum síðar, er annað
sveitarfélag á landinu í þeirri stöðu að
leggja ofurkapp á að fá til sín raf-
orkuver sem kemur til með að eyði-
leggja stóran hluta af náttúruperlum
svæðisins. Með því
fórna þeir gríðarlegu
víðerni og eyðileggja
ósnortna náttúru með
virkjunarfram-
kvæmdum til að fram-
leiða snefil af raforku
sem engin þörf er á.
Ekki einu sinni fyrir
heimabyggð og kosta
mun gríðarlegar fjár-
hæðir. Það er staðreynd
að í pípunum eru tvær
virkjanir sem þokkaleg
sátt er um og eykur
orkuframleiðslu landsins um hátt í
300 MW, Búrfellsvirkjun og Þeista-
reykjavirkjun.
Erlendir eignaraðilar
Nú þurfa náttúruverndarsinnar
allir sem einn að koma heimamönn-
um til aðstoðar með upplýsingum og
vísindalegum rökum því þarna er ver-
ið að fremja algerlega óþarfan hernað
gegn landinu fyrir skammtímaágóða.
Í þessu tilfelli er ekki metið til verð-
mæta fagurt landslag og víðerni sem
eyðilögð verða. Þarna er að frum-
kvæði erlendra eignaraðila verið að
ráðast í óafturkræfar aðgerðir sem
valda munu mikilli röskun og gífur-
legum kostnaði. Eingöngu til að
pressa peninga út úr landeignum
sínum en er greinilega nákvæmlega
sama um náttúru Íslands.
Náttúruperlur
Mér finnst að Vestfirðingar og
heimamenn ættu að standa saman
sem einn maður á móti þessum að-
gerðum og vernda sínar náttúru-
perlur gegn yfirgangi peninga-
valdsins. Stór hópur landsmanna
myndi styðja það dyggilega. Það væri
fróðlegt að fá skoðanakönnun á
landsvísu um hvort þjóðin er með eða
á móti þessari virkjun.
Ég fagna því að þungavigtarmenn
eins og Tómas Guðbjartsson, Snorri
Baldursson og Pétur Húni Björnsson
og fleiri standi vaktina og bendi á að
þetta er allt of mikil fórn fyrir lítinn
ávinning.
Hvalárvirkjun
Eftir Kristján
Baldursson »Heimamenn ættu að
standa saman sem
einn maður á móti þess-
um aðgerðum og vernda
sínar náttúruperlur
gegn yfirgangi peninga-
valdsins.
Kristján Baldursson
Höfundur er tæknifræðingur
og náttúruverndarsinni.