Morgunblaðið - 29.06.2018, Blaðsíða 6

6 FRÉTTIRInnlent
MORGUNBLAÐIÐ FÖSTUDAGUR 29. JÚNÍ 2018
Deilt um ágæti nýju brúarinnar
 „Þurfum betri sátt um veglagninguna“  Vegagerðin telur brúna dýrari  Margt jákvætt
Teitur Gissurarson
teitur@mbl.is
„Það sem við þurfum fyrst og fremst
er betri sátt og friður um veglagn-
inguna,“ segir Haraldur Benedikts-
son, fyrsti þingmaður í Norðvestur-
kjördæmi, um nýjar tillögur um
úrbætur á Vestfjarðavegi. Eins og
greint var frá í Morgunblaðinu í gær
kynnti norska verkfræðistofan Multi-
consult nýjar leiðatillögur á svæðinu
þar sem Vestfjarðavegur myndi renna
vestur fyrir Reykjanes um Reykhóla
og brú væri lögð yfir mynni Þorska-
fjarðar. Átök um vegaumbætur á
svæðinu eiga sér margra ára sögu og
hefur náttúruverndarsvæðið Teigs-
skógur verið eitt helsta deiluefnið.
„Þessi nýja veglína hefur ákveðna
galla,“ segir Haraldur og nefnir þá
sérstaklega veginn sem myndi renna
um Reykjanesið. „Þetta þverar í
sundur bújarðir. Fyrst verða menn
að ná samkomulagi við þá bændur til
þess að þetta verði ekki til þess að
eyðileggja búskap þeirra,“ segir
Haraldur og segist vita til þess að
bændur hafi áhyggjur af þessu. „Mér
heyrist talsvert langt í land hvað
varðar samkomulag um þetta,“ segir
Haraldur en bætir við: „Ég ber virð-
ingu fyrir þessari viðleitni Reykhóla-
sveitar til að reyna að leita sátta. Ég
held að það sé það sem við þurfum.“
Framkvæmdir í fyrsta lagi eftir ár
Vegagerðin sendi í gærmorgun frá
sér fréttatilkynningu þar sem fram
koma athugasemdir stofnunarinnar
við hinar nýju hugmyndir. Þar segir
m.a.: „Vegagerðin telur að leið um
utanverðan Þorskafjörð sé líklega
dýrari kostur en reiknað er með í
skýrslu Multiconsult.“ Þá segir þar
einnig að leiðin kalli á frekari rann-
sóknir og endurbyggingu á Reyk-
hólasveitarvegi og benda á að Vega-
gerðin geti ekki verið tilbúin til
framkvæmda fyrr en að einu til
tveimur árum liðnum. „Mjög líklegt
verður að telja að sú gerð brúar sem
Multiconsult leggur til yfir Þorska-
fjörð sé mun dýrari lausn á lengd-
armetra en tillögur Vegagerðarinnar
um brúargerð gera ráð fyrir,“ segir í
athugasemdunum.
Skýrsla norsku verkfræðistofunn-
ar er einnig sérstaklega tekin fyrir
og segir Vegagerðin: „Það eru engar
nýjar leiðir sem koma þarna fram.
Leið um Reykhóla sem nefnd er R-
leið í skýrslu Multiconsult hét leið A í
matsáætlun Vegagerðarinnar og var
hafnað á grundvelli kostnaðar, um-
ferðaröryggis og lengingar aksturs-
vegalengda miðað við aðrar leiðir.“
Margt jákvætt segir ráðherra
Ljóst er að eitthvað er í að endan-
leg niðurstaða fáist í málið en að-
spurður segir Sigurður Ingi Jó-
hannsson, samgöngu- og sveitar-
stjórnarráðherra: „Hér er aftur
kominn fram valkostur sem var áður
til skoðunar, en á nýjum forsendum.
Það er margt jákvætt við hann, svo-
sem láglendisvegur og að leiðin ligg-
ur um Reykhóla. Vegagerðin þarf að
meta hann m.a. með tilliti til hvort
nýjar upplýsingar og rannsóknir gefi
tilefni til að endurskoða fyrri áform
og kostnað.“
Haraldur
Benediktsson
Sigurður Ingi
Jóhannsson
Axel Helgi Ívarsson
axel@mbl.is
Umhverfisáhrif vegna fyrirhugaðrar
uppbyggingar á hálendismiðstöðinni
í Kerlingarfjöllum eru að mestu
óveruleg þegar litið er á þá umhverf-
isþætti sem voru til umfjöllunar í
frummatsskýrslu Fannborgar ehf.,
sem á og rekur hálendismiðstöðina.
Er Fannborg jafnframt fram-
kæmdaraðili fyrirhugaðrar upp-
byggingar þar sem ráðgert er að
byggja nýjan og stærri gistiskála.
Í skýrslunni er gerð grein fyrir
áfangaskiptri framkvæmd og sam-
kvæmt fjórum valkostum, þ.m.t. svo-
kölluðum „núll-kosti“ sem þýðir að
ekki verði af frekari framkvæmdum
og núverandi húsum verði haldið við
„svo lengi sem hægt er,“ eins og seg-
ir í samantekt skýrslunnar.
Þeir umhverfisþættir sem teknir
voru til umfjöllunar í mati á um-
hverfisáhrifum voru: landslag og
ásýnd, gróður, fuglar, jarðfræði og
jarðminjar, vatnafar, ferðaþjónusta
og ferðamenn auk fornleifa. Er
óverulegur munur á umhverfisáhrif-
um þeirra fjögurra valkosta sem
standa til boða, „nema helst varðandi
áhrif á ferðaþjónustu og ferðamenn,
gróður og landslag og ásýnd,“ segir í
skýrslunni. Tekið er þó fram að ekki
er talin þörf á „sérstökum mótvæg-
isaðgerðum“ vegna áhrifa fram-
kvæmdarinnar.
Segir í skýrslunni að sýnileiki
mannvirkja sé afmarkaður og muni
ekki taka breytingum. Einhver nei-
kvæð áhrif verða á ásýnd staðarins,
en ekki er talið að það dragi úr komu
ferðamanna í fjöllin. Fjölgi ferða-
mönnum mikið verða nokkuð nei-
kvæð áhrif á gildi landslags í Kerl-
ingarfjöllum og jarðminja í
Hveradölum. Hefur efnistaka vegna
framkvæmdarinnar einnig neikvæð
áhrif á jarðminjar, sem hafa mjög
hátt verndargildi líkt og landslagið.
Óveruleg áhrif á umhverfið
 Ný frummatsskýrsla um uppbyggingu í Kerlingarfjöllum
Morgunblaðið/Sigurður Bogi
Skálar Hálendismiðstöðin býður
upp á gistiaðstöðu fyrir ferðamenn.
Þriðja og síðasta
hækkunin á mót-
framlagi launa-
greiðenda í lífeyr-
issjóði samkvæmt
samkomulagi SA
og aðildarfélaga
Alþýðusambands
Íslands fer í gegn
1. júlí. Um er að
ræða 1,5% hækk-
un en samið var
um það árið 2016 að mótframlagið
myndi hækka í þremur áföngum til
2018. Hefur mótframlagið nú hækkað
um 0,5% stig 1. júlí 2016, 1,5% stig 1.
júlí 2017 og svo 1,5% stig 1. júlí 2018.
Hækkunin nær til þeirra lífeyris-
sjóða sem starfa á grundvelli kjara-
samnings þessara aðila um lífeyris-
mál. Skylduiðgjald til lífeyrissjóðs
verður nú samtals 15,5% og skiptist í
4% iðgjald launamanns og 11,5%
mótframlag atvinnurekanda. At-
vinnurekendum er áfram skylt að
skila öllu skyldutryggingariðgjaldinu
til lífeyrissjóðs viðkomandi launa-
manns.
Þórey S. Þórðardóttir, fram-
kvæmdastjóri Landssamtaka lífeyr-
issjóða, segir sjóðfélaga geta valið um
hvernig þeir skipta hækkuninni.
„Sjóðfélagar geta valið um hvort
þetta fer í samtryggingu eða í til-
greinda séreign og geta sett þetta þá
í hvaða sjóð sem þeir kjósa,“ segir
Þórey. mhj@mbl.is
Mótfram-
lag hækkar
um 1,5%
Þórey S.
Þórðardóttir
 Tekur gildi um
næstu mánaðamót
Fjölmenni var viðstatt í gær þegar Guðni Th. Jó-
hannesson, forseti Íslands, lagði hornstein að
Búrfellsstöð II, 18. aflstöð Landsvirkjunar. Það
var svo Bjarni Benediktsson fjármálaráðherra
sem hafði samband við stjórnstöð Landsnets,
hvar fólk ræsti vélar virkjunarinnar og innan
stundar streymdi rafmagn inn á háspennulínur.
Með stöðinni, sem er 100 MW, eykst orkugeta
raforkukerfisins um allt að 300 GWst á ári en
gera má ráð fyrir að sú viðbótarorka sem nú fæst
verði fullnýtt á næsta ári. Verkefni þetta hefur
átt langan aðdraganda, en framkvæmdir hófust í
apríl 2016. Helgast skammur framkvæmdatími
af því að fyrir voru á svæðinu lón, vegir og veitur
og það hélt umhverfisáhrifum í lágmarki.
Bjarni gangsetti Búrfellsstöð II
Ljósmynd/Landsvirkjun
100 MW orka frá 18. aflstöð Landsvirkjunar verður fullnýtt á næsta ári