Morgunblaðið - 29.06.2018, Blaðsíða 11

FRÉTTIR 11Innlent
MORGUNBLAÐIÐ FÖSTUDAGUR 29. JÚNÍ 2018
fyrir heimilið
Sendum
um
land allt
Tjarnargötu 2 | 230 Reykjanesbæ | Sími 421 3377 | bustod@bustod.is | www.bustod.is
Fallegar vörur
Stóll á snúningsfæti
í ítölsku nautsleðri
75 cm á breidd
Verð frá 120.000 kr.
VIÐTAL
Teitur Gissurarson
teitur@mbl.is
„Ég hef verið að brugga vín í um
átta ár. Ég hef að mestu leyti verið
að brugga ávaxtavín og mjöð sem
áhugamál en langaði að prufa mig
áfram með nýja ávexti og jurtir. Ég
vissi að ég vildi stofna litla víngerð,
en ég vissi ekki hvar.“
Þetta segir hinn 27 ára gamli vín-
gerðarmaður Michael Delcau en
Michael er líklega eini atvinnu-
víngerðarmaður Íslands.
Michael stofnaði fyrirtæki sitt,
Westfjords Winery, í Súðavík í fyrra
en Michael framleiðir bláberja- og
krækiberjavín ásamt því að fram-
leiða hunangsmjöð sem er bragð-
bættur með íslenskum jurtum og
plöntum.
Michael útskrifaðist í vor með
doktorsgráðu í lífefnaverkfræði frá
Háskólanum í Iowa og framleiðir
einnig vín þar vestra, en einbeitir
sér að gerð hunangsmjaðar á meðan
beðið er eftir berjatíðinni.
Ástfanginn af Súðavík
Michael er frá Bandaríkjunum en
kom hingað til lands þegar hann
gerðist sjálfboðaliði í mánuð hjá
Melrakkasetrinu í Eyrardal sumarið
2015. Hann kom aftur til Íslands ári
síðar en auk þess að starfa hjá Mel-
rakkasetrinu gegndi hann starfs-
nemastöðu hjá Matís.
„Ég varð ástfanginn af Vestfjörð-
unum. Þá sérstaklega hvað þeir eru
einangraðir, fallegir og notalegir.
Mér fannst þetta fullkominn staður
fyrir litla víngerð,“ segir Michael.
Hann segir víngerð vera ástríðu sína
í lífinu og bætir við: „Mér fannst
spennandi að heyra að það væri lík-
lega enginn atvinnuvínframleiðandi
á landinu og vildi því athuga hvort
það væri möguleiki að setja hér á fót
víngerð. Ég elska víngerð og ég
elska Ísland.“
Hann segist hafa hugsað með sér,
eftir að hafa séð hversu vinsæl inn-
lendur bjór og íslensk brugghús
höfðu orðið á seinustu árum, að lítil
víngerð gæti verið skemmtileg við-
bót við íslenskan drykkjarmarkað.
Notar íslenskar jurtir
Eins og áður segir býr Michael í
Iowa í Bandaríkjunum en þar fram-
leiðir hann hunangsvín sem hann
bragðbætir meðal annars með blóð-
bergi, hvönn og birki.
Hann segir að vín úr íslenskum
bláberjum (e. bilberries) sé talsvert
frábrugðið hefðbundnu víni hvað
bragð varðar. „Bláberjavínið er
bragðmikið og hefur mikla fyllingu
og er örlítið sætt. Svo eru bláber
ákaflega rík að andoxunarefnum og
margfaldast því sá heilsuávinningur
sem fæst af því að drekka venjulegt
vín,“ segir Michael.
Næst á áætlun hjá Michael er að
prófa sig áfram með vín úr kræki-
berjum en hann gerir ráð fyrir að
það verði ekki eins sætt og aðeins
beiskara en bláberjavínið.
Ætlar að handtína berin
„Markmiðið er að tína öll ber
sjálfur. Því miður er það ekki raunin
eins og er. Ég er búinn að tína hér
og hvar en það er ekki nærri því nóg
til að framleiða það magn af víni sem
okkur langar að koma á markað á
næsta ári,“ segir Michael en hann
áætlar að geta framleitt um fimmtíu
flöskur af bláberjavíni og fimmtíu af
krækiberjavíni á næsta ári.
Michael hefur nú þegar framleitt
nokkrar flöskur af bláberjavíni hér-
lendis og fékk íbúa í Súðavík til að
smakka og leggja dóm á vöruna.
„Fólk í Súðavík kunni vel að meta
vínið og skrifaði undir að það myndi
styrkja vínframleiðslu á svæðinu.
Einn af þeim var sveitarstjórinn,“
segir Michael og hlakkar til að geta
haldið framleiðslunni hérlendis
áfram svo fleiri Íslendingar geti
smakkað ekta íslenskt vín.
Eini vínframleiðandi
landsins í Súðavík
 Bandarískur lífefnaverkfræðingur bruggar bláberjavín
Ljósmynd/Úr einkasafni
Bruggari Michael elskar bæði víngerð og Vestfirði af öllu hjarta.
Höskuldur Daði Magnússon
hdm@mbl.is
„Rannveig er gríðarlega öflugur
stjórnarmaður, með mikla reynslu og
félaginu var fengur að henni. Það er
því mikil eftirsjá að henni,“ segir Guð-
rún Hafsteinsdóttir, formaður stjórnar
Lífeyrissjóðs verslunarmanna, um
brotthvarf Rannveigar Rist úr stjórn
HB Granda. Lífeyrissjóðurinn er ann-
ar stærsti hluthafi fyrirtækisins með
13,66% hlut.
Rannveig tilkynnti úrsögn sína úr
stjórninni í fyrrakvöld. Í tilkynningu
sem hún sendi frá sér sagði Rannveig
að ástæða úrsagnarinnar væri sú að
hún hefði verið ósátt við uppsögn for-
stjóra félagsins og hvernig staðið var
að henni. Eins og Morgunblaðið hefur
greint frá var Vilhjálmi Vilhjálmssyni
forstjóra sagt upp störfum nýverið og
við starfi hans tók Guðmundur Krist-
jánsson, þáverandi stjórnarformaður
félagsins.
Guðrún segir í samtali við Morgun-
blaðið að stjórnarmenn séu sjálfstæðir
í sínum störfum og athöfnum.
„Ég ber virðingu fyrir því ef fólk
metur stöðuna þannig að það treysti
sér ekki til að vinna fyrir félagið eins
og það telur sig þurfa að gera,“ segir
hún.
„Hins vegar er það áhyggjuefni að
stjórnin er ekki löglega skipuð eins og
er og alveg ljóst að það þarf að skoða.
HB Grandi er skráð félag og verður að
fylgja lögum. Þar
á meðal eru lög
um kynjakvóta í
stjórnum,“ segir
Guðrún en lögin
kveða á um að
minnst 40%
stjórnarmanna
séu af hvoru kyni.
Í dag er Anna G.
Sverrisdóttir eina
konan í stjórninni.
Í dag rennur út yfirtökutilboð sem
Brim gerði hluthöfum HB Granda í
hluti þeirra í félaginu. Verðið hljóðaði
upp á 34,3 krónur á hlut. Brim gerði
hins vegar samkomulag við stærstu
hluthafa þar sem þeir staðfestu að þeir
gengju ekki að yfirtökutilboðinu. Guð-
rún sagði við Morgunblaðið í gærkvöld
að forstjóraskiptin og úrsögn Rann-
veigar úr stjórninni breyttu engu um
umrætt samkomulag. Það stæði.
Ekki náðist í Guðmund Kristjáns-
son, forstjóra HB Granda, í gærkvöld.
Morgunblaðið/Golli
HB Grandi Styr hefur staðið um félagið að undanförnu í kjölfar kaupa
Brims hf. á því. Guðmundur Kristjánsson settist í stól forstjóra á dögunum.
Stjórn HB Granda
ekki löglega skipuð
 Uppfyllir ekki lög um kynjakvóta
Guðrún
Hafsteinsdóttir
Rannveig
Rist
Guðmundur
Kristjánsson
Heildarlaunakostnaður starfsmanna
Stjórnarráðsins hækkaði um tæpa
2,3 milljarða króna á föstu verðlagi
milli áranna 2000 og 2016. Þetta sýna
nýjar tölur sem fram koma í svari
fjármála- og efnahagsráðherra við
fyrirspurn Þorgerðar Katrínar
Gunnarsdóttur, alþingismanns og
formanns Viðreisnar. Árið 2016 nam
launakostnaðurinn 6.206 milljónum
króna á verðlagi ársins 2017 en nam
hins vegar 3.980 milljónum króna ár-
ið 2000 á verðlagi fyrrnefnds viðmið-
unarárs.
Í sama svari er tilgreindur
heildarfjöldi ársverka á vettvangi
Stjórnarráðsins. Þar kemur fram að
fjöldi þeirra var 469 árið 2000 en árið
2016 hafði þeim fjölgað um 50 og
stóðu í 519. Er það fjölgun upp á tæp
10,7% yfir tímabilið.
Sé launakostnaðurinn skoðaður í
samhengi við fjölda ársverka sést að
ársverkið kostaði að meðaltali 8,5
milljónir króna árið 2000. Það hafði
hækkað um 41% fram til ársins 2016
og nam kostnaðurinn þá 11,96 millj-
ónum króna að meðaltali. Nokkra at-
hygli vekur í tölum þeim sem fylgja
svari ráðherra að þótt fjöldi ársverka
hafi farið upp á við hefur starfs-
mönnum á vettvangi Stjórnarráðsins
fækkað talsvert. Þannig sýna tölur,
sem taka saman fjölda kennitalna í
launakerfi ríkisins, að árið 2000 voru
692 kennitölur að baki ársverkunum
469. Árið 2016 voru kennitölurnar
hins vegar aðeins 548 að baki 519
ársverkum og hafði því fækkað um
ríflega 21% yfir tímabilið. ses@mbl.is
Launin hafa
hækkað um 41%
 Ársverkum
Stjórnarráðsins
fjölgað um 50 frá
árinu 2000
Morgunblaðið/Árni Sæberg
Þróun Á föstu verðlagi hafa launin
hækkað um 2,3 milljarða króna.