Morgunblaðið - 16.07.2018, Síða 15

FRÉTTIR 15Erlent
MORGUNBLAÐIÐ MÁNUDAGUR 16. JÚLÍ 2018
Ég sleit krossbönd
og fór í fimm
liðþófaaðgerðir.
Samt hljóp ég
hálft maraþon
í sumar verkjalaust.
Jóhann Gunnarsson – sölustjóri hjá Pennanum
Aron Þórður Albertsson
aronthordur@mbl.is
Fundur Donalds Trumps Banda-
ríkjaforseta og Vladimirs Pútíns, for-
seta Rússlands, fer fram í Helsinki í
Finnlandi í dag. Með fundinum lýkur
tæplega vikulangri ferð Trumps um
Evrópu sem hófst á miðvikudag þeg-
ar hann mætti til fundar við leiðtoga
NATÓ-ríkjanna í Brussel í Belgíu. Þá
dvaldi hann einnig í fjóra daga á Eng-
landi þar sem hann hitti m.a. Elísa-
betu Englandsdrottningu áður en
hann hélt til Helsinki. Að sögn
Trumps áætlar hann að fundurinn
með Pútín verði „sá auðveldasti af
þeim öllum“.
Meðal þess sem stjórnmálaskýr-
endur búast við að rætt verði á fund-
inum eru meint afskipti Rússa af
bandarísku forsetakosningunum 2016
auk málefna Sýrlands og Úkraínu.
Þess utan muni fundurinn að mestu
ráðast af því hversu vel leiðtogunum
kemur saman og hvort þeim takist að
byggja upp persónulegt samband.
Ráðgert er að Trump og Pútín muni í
upphafi fundar ræða einir saman, ein-
ungis að túlkum viðstöddum. Að því
loknu muni þeir snæða hádegisverð
saman ásamt ráðamönnum.
Pútín mun hrósa Trump mikið
Í frétt AFP er bent á að fundurinn
komi að mörgu leyti á óþægilegum
tíma fyrir Trump, en ný sönnunar-
gögn er varða afskipti Rússa af for-
setakosningunum 2016 komu nýverið
fram. Pútín fer hins vegar með mik-
inn meðbyr til fundar við Trump eftir
vel heppnað heimsmeistaramót í
Rússlandi. Talið er að sameiginlegur
blaðamannafundur leiðtoganna í
finnsku forsetahöllinni síðar í dag
muni koma til með gefa innsýn í það
hvernig fundurinn gekk.
Í frétt AFP er jafnframt rætt við
Alinu Polyakovu, sérfræðing við
rannsóknarstofnun Brookings í
Washington í Bandaríkjunum. Hún
segir að búast megi við því að Pútín
reyni að smjaðra fyrir Trump á fund-
inum. „Pútín hefur sýnt að hann er
ótrúlega naskur á að greina persónu-
leika fólks,“ segir Alina og bendir á að
Pútín sé þjálfaður KGB-njósnari.
„Hann mun koma til með að hrósa
Trump í hástert enda hefur Trump
verið móttækilegur fyrir öllu hrósi
hingað til,“ segir Alina.
Leiðtogarnir afar umdeildir
Mikil mótmæli hafa verið í Helsinki
vegna leiðtogafundarins, en á þriðja
þúsund manns söfnuðust saman í
borginni í gær. Flestir mótmælend-
anna báru spjöld þar sem brot á
mannréttindum og takmarkað frelsi
fjölmiðla var fordæmt, en hvergi er
fleiri blaðamönnum haldið föngnum
en í Rússlandi. Þá hafa andstæðingar
Trumps gagnrýnt hann fyrir of harða
stefnu í innflytjendamálum.
Ekki voru þó eintóm mótmæli í
Helsinki en ungliðahreyfing stjórn-
málaflokksins Sannra Finna boðaði til
fundar í Helsinki í gær. Með því vildu
þeir fagna komu Trumps sem er í
miklum metum hjá hreyfingunni, en
tæplega hundrað manns mættu á
samkomuna.
Trump og Pútín funda í dag
 Lokahnykkur ferðar Trumps um Evrópu  Málefni Sýrlands og Úkraínu auk
afskipta Rússa af forsetakosningunum sett á oddinn  Mikil mótmæli í Helsinki
AFP
Mætt Donald Trump ásamt eiginkonu sinni, Melaniu Trump, við komuna á Vantaa-flugvöllinn í Helsinki í gær.
Settur hefur verið upp fjöldi aug-
lýsingaskilta á leið Pútíns og
Trumps frá flugvellinum í Helsinki
að fundarstað þeirra í dag. Á
skiltunum eru fyrirsagnir úr dag-
blöðum sem tengjast viðhorfum
leiðtoganna til frjálsrar fjölmiðla-
umfjöllunar. Yfirskrift þessa
gjörnings er: „Velkomnir til lands
frjálsra fjölmiðla“ en útbreidd-
asta áskriftarblað Norður-
landanna, finnska dagblaðið Hels-
ingin Sanomat, stendur fyrir
þessu.
Á leið leiðtoganna frá flugvell-
inum að fundarstað munu þeir
sjá tæplega 300 mismunandi
skilti. Á öllum skiltunum er að
finna fyrirsagnir eða aðrar fréttir,
jafnt gamlar sem nýjar, sem sýna
stormasamt samband forsetanna
tveggja og fjölmiðla allt frá alda-
mótum til dagsins í dag.
Minna á mikilvægi fjölmiðla
AUGLÝSINGASKILTI HAFA VERIÐ SETT UPP Á LEIÐ FORSETANNA
Skilti Minnt á mikilvægi fjölmiðla.
Thorvald Stolt-
enberg, fyrrver-
andi utanríkis-
ráðherra
Noregs, lést á
föstudag 87 ára
að aldri. Í til-
kynningu sem
fjölskylda Stolt-
enbergs sendi á
fjölmiðla kemur
fram að hann
hafi glímt við skammvinn veikindi
og látist í faðmi fjölskyldunnar.
Stoltenberg starfaði sem ráðherra í
þremur ríkisstjórnum Verka-
mannaflokksins í Noregi en stjórn-
málaferill hans spannaði um fjórtán
ár. Þess utan gegndi hann hlutverki
diplómata og samningamanns hjá
Sameinuðu þjóðunum auk embættis
forseta Rauða krossins um tíma.
Hann var faðir Jens Stoltenbergs,
fyrrverandi forsætisráðherra Nor-
egs og núverandi framkvæmda-
stjóra Atlantshafsbandalagsins.
Thorvald Stolten-
berg fallinn frá
Thorvald
Stoltenberg
NOREGUR
Ráðamenn Norð-
ur-Kóreu og
Bandaríkjanna
hittust í gær og
ræddu flutning
jarðneskra leifa
bandarískra her-
manna úr Kóreu-
stríðinu aftur til
Bandaríkjanna.
Þetta kom fram í
máli Mike Pom-
peo, utanríkisráðherra Bandaríkj-
anna, að fundi loknum í gær. Pomp-
eo sagði enn fremur að viðræður
hefðu gengið vel og þær myndu
halda áfram í dag.
Að því er fram kemur hjá AFP
fór fundurinn fram á hlutlausa
svæðinu milli Suður- og Norður-
Kóreu, Panmunjom. Viðræðurnar
koma í kjölfar leiðtogafundar
Donalds Trump Bandaríkjaforseta
og Kim Jong-un, leiðtoga Norður-
Kóreu, í síðasta mánuði en flutning-
urinn er hluti af samningi þeirra.
Viðræður um flutn-
ing jarðneskra leifa
Mike
Pompeo
NORÐUR-KÓREA, BANDARÍKIN
Theresa May, forsætisráðherra
Bretlands, varaði í gær samflokks-
menn sína í Íhaldsflokknum við því
að reyna að koma í veg fyrir tilraun
hennar til að mynda náið samband
milli Bretlands og Evrópusambands-
ins áður en Brexit gengur í gegn.
Verði þeir ekki við ósk hennar segir
hún að hætt sé við því að ekkert
verði af útgöngu Bretlands úr Evr-
ópusambandinu. „Skilaboð mín til
þjóðarinnar eru skýr, við verðum að
hafa augun á lokatakmarkinu. Ef við
gerum það ekki gæti það orðið til
þess að Brexit verði ekki að veru-
leika,“ skrifaði May á Facebook-síðu
sína í gær. Einungis níu mánuðir eru
þar til Bretland mun ganga úr Evr-
ópusambandinu, en ákvörðunin er
enn mjög umdeild ekki síst innan
Íhaldsflokksins.
Á vef Reuters kemur fram að með
færslunni nú um helgina sé Theresa
May að senda skýr skilaboð til fjölda
stuðningsmanna Brexit í flokknum.
Með því sé hún að koma í veg fyrir
að samflokksmenn hennar reyni að
bregða fyrir hana fæti á meðan
samningaviðræður við Evrópusam-
bandið eru í fullum gangi.
Talsverðar hræringar hafa verið í
ríkisstjórn hennar vegna Brexit en
Boris Johnson, fyrrverandi utan-
ríkisráðherra, og David Davis, ráð-
herra Brexit-mála, sögðu nýverið
upp vegna ágreinings um Brexit.
AFP
Theresa May Hún segir að muni samflokksmenn hennar reyna að bregða
fyrir hana fæti verði jafnvel ekkert af útgöngu Bretlands úr ESB.
Varar samflokks-
menn sína við