Ljósmæðrablaðið - 01.12.2017, Blaðsíða 12

12 LJÓSMÆÐRABLAÐIÐ - DESEMBER 2017
Ýms önnur mál voru rædd á fundinum. Í Svíþjóð ber á skorti á
ljósmæðrum sérstaklega á stærri fæðingardeildum, á sama tíma hefur
tveimur stórum fæðingardeildum sem buðu uppá samfellu í þjónustu
verið lokað. Þessar aðstæður hafa leitt til þess að ljósmæður telja að
í þjónustunni sé verið að gera ,,too much too soon“ sem hefur áhrif á
fjölda eðlilegra fæðinga.
Í Noregi er enn samdráttur í fæðingarþjónustu og litlum fæðingar-
stöðum hefur verið lokað sem líka hefur orðið til þess að konur ferð-
ast um langan veg á fæðingarstað og þetta á við í öllum löndunum.
Formaður Ljósmæðrafélags Íslands, Áslaug Valsdóttir, kynnti
áform okkar um ráðstefnuna hér 2019 og benti á vefsíðu ráðstefn-
unnar: www.njfcongress.is.
Næsti stjórnarfundur verður haldinn í Þórshöfn í Færeyjum 2.-3.
maí 2018.
Alþjóðasamtök ljósmæðra (ICM)
Miðstjórnarfundur ICM (Council Meeting) var haldinn í Toronto
dagana 13.-15. júní og sóttu hann fulltrúar frá um 130 löndum
og almennt sækja fundinn tveir frá hverju aðildarlandi auk fram-
kvæmdastjórnar samtakanna. Þessi fundur hefur ákvörðunarvald
samtakanna og framkvæmdastjórn starfar í umboði hans (sjá mynd
um uppbyggingu samtakanna). Starfsskrá áranna 2014 - 2017 var
kynnt og má nálgast skýrsluna á ensku hér: http://international-
midwives.org/assets/uploads/documents/CoreDocuments/5.1%20
Triennial%20Report_EN.pdf
Meginefni fundarins voru breytingar/lagfæringar ýmissa mikil-
vægra skjala sem ICM gefur út eins og siðareglur, hvað felst í ljós-
mæðrastarfi, ályktanir um menntun ljósmæðra, rétt kvenna á aðstoð
frá ljósmóður og ýmislegt fleira má telja upp. Þessi skjöl (core
documents) má finna á heimasíðu samtakanna http://international-
midwives.org/ og eru í stöðugri endurskoðun. Flest meðlimalöndin
nota sér þessi skjöl við stefnumótun sinna félaga og til að styrkja
málstað sinn gagnvart stjórnvöldum þegar við á.
Francis Day Stirk formaður ICM gaf ekki kost á sér til formanns-
starfa lengur og var Franka Cadee frá Hollandi kosinn formaður
samtakanna til næsta fundar sem verður á Balí 2020.
Kosið var um hvar ætti að halda þarnæstu ráðstefnu samtakanna
(2023) og stóð valið um þrjú lönd sem buðu ljósmæðrum að koma
til sín. Löndin eru Chili, Þýskaland og Sameinuðu furstadæmin.
Kosið var milli landanna og Sameinuðu furstadæmin fengu flest
atkvæði og Þýskaland næstflest. Fundurinn fól framkvæmdastjórn
samtakanna að kanna fjárhagsgrundvöll ráðstefnunnar með tilliti til
kostnaðar eins og hótel, ráðstefnusala o.fl. en borið hefur á því að
þegar búið er að ákveða hvaða land fær ráðstefnuna að hótelgjöld,
ráðstefnugjöld o.fl. hækki ótæpilega með miklum kostnaði sem
samtökin ráða ekki við.
Evrópusamtök ljósmæðra (EMA)
Miðstjórnarfundur EMA var haldinn í Madrid í september. Fulltrúar
voru á fundinum frá 25 aðildarlöndum auk tveggja áheyrnarfulltrúa
og tveggja fulltrúa frá stjórn ICM. Helstu mál á dagskrá voru skýr-
slur síðasta árs, umræður um fjármál samtakanna og breytingar á EU
regluverki og viðbót (annex) V, sem fjallar um ljósmæður. Nokkrar
umræður urðu um þetta og mun EMA fylgjast vel með framvindu
málsins.
Annað mál sem miklar umræður urðu um var ofbeldi í fæðingar-
þjónustu eða Obstetric violence og rætt um skort á rannsóknum þar
að lútandi. Umræða spannst um geðheilsu nýju fjölskyldunnar og
einnig ljósmæðra. Rætt var um mikilvægi fræðslu til verðandi feðra
um fæðingarþunglyndi og að þeir geti fundið fyrir því eftir fæðingu
barns rétt eins og konan. Talið er að fæðingarþunglyndi karla sé
vangreint og nokkur fáfræði sé um efnið.
Skipst var á upplýsingum um fæðingarfjölda, mæðradauða og
ungbarnadauða og er gríðarlegur munur milli landanna þar sem við á
Norðurlöndum komum mjög vel út.
Að síðustu sköpuðust töluverðar umræður um viðbrögð ljósmæðra
sem sinna erfiðum fæðingum þar sem alvarleg atvik verða og hvort
þær fái stuðning frá vinnuumhverfinu, ljósmæðrafélaginu sínu og þá
hvernig stuðning þær fái og hversu lengi. Þetta er heitt umræðuefni
núna og rannsóknir standa yfir víða.
Forseti samtakanna, Mervi Jokinen, var einróma endurkjörin.
Næsti fundur verður fyrstu vikuna í október 2018 í Grikklandi.
Nóvember 2017
Áslaug Valsdóttir og
Hildur Kristjánsdóttir
- lægra verð

Óskum ykkur öllum gleðilegra jóla
og velfarnaðar á komandi ári.
Þökkum samskiptin
á árinu sem er að líða.
Á haustdögum tók ég á móti yndislegu litlu kríli, fæðingin gekk hratt og vel fyrir sig og fjöl-
skyldunni heilsast vel. Þegar ég var svo að taka fótspor, komu í ljós að þarna voru sannar-
lega skemmtilegar litlar hjartatásur, en það má sjá móta fyrir hjarta í sólar plexus á ilinni.
Eftir skemmtilegar umræður, fékk ég góðfúslegt leyfi foreldra til að deila þessu fótspori
með ykkur. Fótsporið minnir okkur á hversu einstök við öll erum og hvernig hvert okkar
markar sín fótspor á heiminn.
Kveðja
Inga Sigríður Árnadóttir, ljósmóðir
HJARTATÁSUR