Ljósmæðrablaðið - 01.12.2017, Blaðsíða 20

20 LJÓSMÆÐRABLAÐIÐ - DESEMBER 2017
Síðasta sumar héldu þær Edythe og Hulda, ljósmæðranemar á
öðru ári, í ævintýraför. Leiðin lá alla leið til Tennessee í Banda-
ríkjunum þar sem þær heimsóttu ljósmæðurnar á The Farm.
The Farm er samfélag eða kommúna sem var stofnuð snemma
á áttunda áratug síðustu aldar af nokkrum vinum sem vildu lifa
einfaldara lífi í tengslum við móður jörð og án alls ofbeldis. Það
sem samfélagið á The Farm er þó ekki síst þekkt fyrir er ljós-
mæðraþjónustan sem þar byggðist upp, en ljósmóðirin Ina May
Gaskin (og maður hennar) voru ein af stofnendum samfélagsins
á sínum tíma. Ina May hefur hlotið heimsathygli fyrir skrif sín
um störf ljósmæðranna á The Farm, náttúrulegar fæðingar og
reynslu kvenna af þeim.
Ljósmæðrablaðið bað Edythe og Huldu um að segja okkur
aðeins frá ferðalaginu og hvernig það kom til að þær ákváðu að
fara þessa ferð.
AÐDRAGANDINN
Fyrir átta árum þegar Edythe var barnshafandi af sínu fyrsta barni og
nýflutt til Íslands frá Bandaríkjunum leið ekki á löngu þar til hún var
byrjuð að lesa bækurnar eftir Inu May Gaskin ljósmóður. Eftir að hafa
lesið Spiritual Midwifery og Ina May’s Guide to Childbirth byrjaði hún
að líta með öðrum augum á fæðinguna og fór að sjá hana sem eðlilegt
ferli. Jákvæðu reynslusögurnar og upplýsingarnar í bókunum veittu
henni innblástur og kraft til þess að ganga í gegnum náttúrulega fæðingu.
Upplifun fæðingarinnar var mögnuð og fæðingin jók sjálfstraust hennar
til muna. Eftir þessa lífsreynslu átti hún sér þann draum að heimsækja
ljósmæðurnar á The Farm. Þegar Edythe byrjaði að nema ljósmóður-
fræði haustið 2016, fór hún að skoða námskeið sem voru í boði á The
Farm. Dag einn kom hún uppveðruð í tíma og sagði skólasystrum sínum
frá þessu magnaða námskeiði og að sjálfsögðu vissu þær allar hver Ina
May var. Mikill áhugi var hjá þeim öllum að slást með í för en vegna
ólíkra aðstæðna gátu einungis greinarhöfundar farið í umrædda ferð.
Hulda hafði verið að lesa bók eftir Inu May og heillaðist hún mjög af
sögunum í bókinni þar sem áhersla er lögð á kraftinn sem býr í okkur
konum, samkenndina og trúna sem konurnar höfðu á eigin líkama.
Hana hafði dreymt um frá því hún var lítil stúlka að verða ljósmóðir en
sökum annríkis við að ganga með, fæða og ala upp sín eigin börn dróst
það á langinn. Það má segja að Hulda hafi verið svo heilluð af þessu
kraftaverki sem við konur erum skapaðar til að gera, að hana langaði
alltaf í eitt barn í viðbót. Eftir að hafa verið svo lánsöm að eignast 5
börn var komið að ákveðnum tímamótum í hennar lífi. Hulda hafði
komist inn í draumanámið, eitthvað sem sem hafði einungis verið fjar-
lægur draumur fyrir nokkrum árum. Ákveðið var að með því að fara í
þessa ferð væri hún að leggja grunninn að því hvernig ljósmóðir hún
vildi vera.
The Farm samfélagið trúir því að fæðing sé heilög athöfn sem
tilheyrir fjölskyldunni og að hún sé eðlilegt ferli sem gengur best heima
í kringum fjölskyldu og hvetjandi ljósmæður. The Farm Midwifery
Center byrjaði að halda námskeið á árlegum ljósmæðraráðstefnum árið
1995, sem tók sjö daga. Síðan þá hafa yfir 1000 einstaklingar alls staðar
ÆVINTÝRAFERÐIN OKKAR
- ljósmæðranemar á slóðum Inu May -
Hulda Lind Eyjólfsdóttir og Edythe L. Mangindin,
2. árs nemar í ljósmóðurfræði
N E M AV E R K E F N I
Greinarhöfundar ásamt kennurum.