Litli Bergþór - 01.12.2015, Side 10

10 Litli-Bergþór
Ég var beðin um að segja frá starfi Unglingadeildarinnar
Greips, en þar er um að ræða ungliðadeild innan
Björgunarsveitar Biskupstungna. Sjálf byrjaði ég
í því starfi um leið og ég mátti eða þegar ég byrjaði
í 8. bekk, síðan hef ég verið föst í því, því þetta er
svo ótrúlega gaman. Allt sem maður lærir, allir þessir
frábæru unglingar sem ég hef fengið að kynnast.
Margt hefur verið brallað á þessum tíma og ætla ég
aðeins að stikla á stóru.
Við hittumst annanhvern miðvikudag til að æfa okkur í
hinum ýmsu grunnatriðum sem björgunarsveitarmaður
þarf að kunna, einnig förum við í æfingaferðir og svo
líka skemmtiferðir.
Unglingadeildin Vindur á Flúðum bauð okkur í
helgarferð til sín í mars á þessu ári. Þá var hópnum
skipt upp og æft, t.d. að nota snjóflóðaýla, grunnatriði
á bátum og það sem er mjög mikilvægt, að vinna
með öðrum ekki bara vinum sínum. Einnig fórum
við í dagsferð inn í Mosaskarð í enda maí og þar
nýttist margt sem við höfðum farið yfir á Flúðum. Við
komumst þar í mikinn snjó og lentum í ýmsu: fastir
bílar, bílaviðgerðir, kveikjarinn sem átti að nota til að
Unglingadeildin Greipur
Brynhildur Hrönn Sigurjónsdóttir
Starf okkar, sem leiða Unglingadeildina Greip, er ansi
margþætt, því jú, starfið er fjölbreytt. Við vinnum
markvisst að því að kenna unglingunum okkar að
takast á við hinar ýmsu aðstæður sem geta komið upp
í framtíðinni hvort sem það er í daglegu lífi eða í starfi
björgunarsveitarinnar. Við vinnum útfrá því að allir
séu jafnir og allir fái sama tækifærið hvort sem þú ert
góð/ur í viðfangsefninu eða ekki. Reynt er að finna
styrkleika hvers og eins til að nýta hann í hin ýmsu
verkefni, því nóg er af þeim í björgunarsveitunum.
Eins og flest önnur félagsstarfsemi hér í sveit
byrjum við strax eftir réttir eða um miðjan september.
Þá byrjum við á því að setja saman dagskrá fyrir
veturinn og bjóða nýja unglinga velkomna til okkar.
kveikja upp í grillinu
gleymdist, þannig
að krakkarnir þurftu
aðeins að spreyta sig
á náttúrufræðinni
þangað til eldspýt-
urnar fundust, en
mörg virtust ekki vita
hvað eldspýta væri.
Meðan verið var að
grilla ákváðu þau
að grafa holu til að
athuga hversu djúpur
snjórinn væri, en gáf-
ust upp þegar þau
voru komin u.þ.b. 2
metra niður og ennþá
sást ekki til jarðar.
Hápunktur starfsins er nú samt lands-
mótið, en það var haldið í Grindavík
núna í sumar. Það er mót sem haldið
er annað hvert ár og þar hittast allar
unglingadeildirnar af landinu til þess
að fara í svokallaða póstavinnu og
björgunarleika, en þar reynir svo
sannarlega á allt sem við höfum verið
að æfa okkur í, bæði öllum þeim þáttum
sem fylgja björgunarsveitarstarfinu og
líka þeim mannlega þætti að vinna með
fólki sem þú hefur aldrei áður hitt.
Í lokin langar mig að þakka fyrir allan
þann stuðning sem við höfum fengið frá
samfélaginu, hann hefur verið mikill.
Dæmi er hægt að taka af því þegar
við löbbuðum frá Laugarvatni niður í
Reykholt og margir styrktu okkur vel.Þórhildur Lilja Þórarinsdóttir, Þorfinnur Freyr Þórarinsson, Tryggvi Kolbeinsson, Anthony
Karl Flores og Arnar Páll Pétursson.
Andrés Pálmason, Guðmundur Helgi Eyjólfsson, Laufey Ósk Jónsdóttir,
Glódís Pálmadóttir. Sjúklingur: Gretar Bíldsfells Guðmundsson.
Grímur Kristinsson í holunni sem grafin
var í Mosaskarði.