Morgunblaðið - 13.09.2018, Blaðsíða 66
66 MENNING
MORGUNBLAÐIÐ FIMMTUDAGUR 13. SEPTEMBER 2018
Forlagið er umsvifamesti útgefandi
bóka fyrir þessi jól, líkt og jafnan áð-
ur, og hefur að auki gefið út all-
margar bækur á árinu til þessa. Ís-
lenskur skáldskapur er áberandi á
útgáfulista ársins, þegar eru komnar
út fimm skáldsögur og tvær ljóða-
bækur, aukinheldur sem út hafa
komið barnabækur, þýddar skáld-
sögur, ýmiskonar bækur almenns
eðlis, eins og Þjáningarfrelsi Auðar
Jónsdóttur, Báru Huldar Beck, og
Steinunnar Stefánsdóttur, og að-
skiljanlegar endurútgáfur.
Fyrr á árinu kom út bókin Storm-
fuglar eftir Einar Kárason sem segir
frá því er síðutogarinn Máfurinn
lendir í aftakaveðri þar sem hann er
á veiðum vestur undir Nýfundna-
landi og við tekur barátta upp á líf
og dauða.
60 kíló af sólskini heitir væntanleg
skáldsaga Hallgríms Helgasonar.
Hún segir frá Eilífi bónda, syni hans
Gesti og fólkinu í Segulfirði og gerist
á þeim tíma þegar síldin kom, nútím-
inn sigldi til hafnar á Norðurlandi og
Norðmenn námu land hér öðru
sinni.
Rithöfundurinn Ólafur Gunn-
arsson var góðvinur listamannanna
Alfreðs Flóka, Dags Sigurðarsonar
og Steinars Sigurjónssonar og í bók-
inni Listamannalaun fer hann í
gúmsí-lúms-túr — eins og Flóki
hefði sagt — um Reykjavík og
Kaupmannahöfn áttunda og níunda
áratugarins og lýsir kynnum sínum
af þeim og fjölmörgum öðrum per-
sónum af því sögusviði.
Heklugjá Ófeigs Sigurðssonar er
ferðasaga í tíma og rúmi. Rithöf-
undur gengur daglega yfir Skóla-
vörðuholtið með hundinn sinn, á leið
á Þjóðskjalasafnið þar sem hann les
sér til um skáldið og sérvitringinn
Karl Dunganon. Á safninu vinnur
stúlka sem vekur ekki minni áhuga
en gömul skjöl — en hvernig kynnist
maður lifandi manneskju?
Í skáldsögunni Hans Blær skoðar
Eiríkur Örn Norðdahl samtíma okk-
ar með augum nettröllsins Hans
Blævar, hán sem allt sér og engum
hlífir.
Í Heiðri rekur Sólveig Jónsdóttir
sögu um togstreituna á milli þess að
berjast fyrir réttindum heillar þjóð-
ar eða hamingju eigin fjölskyldu.
Þetta er önnur skáldsaga Sólveigar,
sem er stjórnmálafræðingur með
meistaragráðu í þjóðernishyggju og
þjóðernisátökum með áherslu á
átökin á Norður-Írlandi.
Í væntanlegri glæpasögu Lilju
Sigurðardóttur, Svikum, segir frá
Úrsúlu sem er nýlega flutt til Ís-
lands eftir áralöng störf á hættu-
svæðum heimsins. Hún er talin á að
taka sæti í utanþingsstjórn og kemst
að því að stjórnmálin eru refskák og
fjölmiðlar vaka yfir hverju fótmáli
nýja ráðherrans.
Í ævisögu Skúla Magnússonar,
sem ber heitið Skúli fógeti, segir
Þórunn Valdimarsdóttir frá Skúla
sem óx upp við þrældóm en náði
þeim sess að verða valdamesti mað-
ur landsins um tíma og fékk við-
urnefnið faðir Reykjavíkur.
Hassim – íslenski Indverjinn, sem
Þóra Kristín Ásgeirsdóttir skrifar,
segir frá dreng sem var ættleiddur
frá Indlandi til Íslands en íslenskt
samfélag var þess ekki megnugt að
tala við honum, styðja og hjálpa.
Forlagið gefur út fimm ljóðabæk-
ur á næstu vikum og eitt ljóðasafn.
Þar er fyrst að nefna áttundu ljóða-
bók Lindu Vilhjálmsdóttur sem ber
heitið smáa letrið og geymir ljóð-
myndir sem spegla samfélag og
samtíma. Yrkisefnið í þriðju ljóða-
bók Bubba Morthens, Rof, er æskan
og Bubbi yrkir meðal annars yrkir
um atburð sem hafði ómæld áhrif á
unga sál og lýsir sálrænum afleið-
ingum misnotkunar og leit að friði
og sátt. Vammfirring heitir vísna-
safn Þórarinn Eldjárn og í því er ort
um stórt og smátt. Ellefti snertur af
yfirsýn heitir ljóðabók Ísaks Harð-
arsonar, ellefta bók hans, eins og
nafnið ber með sér, en níu ár eru lið-
in frá síðustu ljóðabók Ísaks. Sig-
urbjörg Þrastardóttir sendir einnig
frá sér ljóðabók og nefnir hana
Hryggdýr. Í Sálumessu syngur
Gerður Kristný messu yfir konu sem
féll fyrir eigin hendi svo þjáning
hennar og líf fái ekki að gleymast.
Ljóðasafnið er svo Ljóð muna ferð
sem geymir úrval úr öllum sextán
ljóðabókum Sigurðar Pálssonar,
sem lést á síðasta ári. Kristján Þórð-
ur Hrafnsson valdi ljóðin og ritar
jafnframt formála um skáldið og
ljóðin. Eftirmála ritar Ragnar Helgi
Ólafsson.
Forlagið gefur einnig úr heild-
arsafn verka Dags Sigurðarsonar
sem heitir einfaldlega Ritsafn 1957-
1994. Í safninu eru allar útgefnar
ljóðabækur Dags frá Hlutabréfum í
sólarlaginu (1958) að Glímuskjálfta
(1989) og einnig efni sem aðeins birt-
ist í tímaritum, m.a. löng smásaga úr
Forspili sem kom út 1958. Einnig er
prentaður í fyrsta sinn óperutextinn
Reköldin sem Dagur hafði nýlokið
við þegar hann lést. Formála ritar
Einar Ólafsson skáld.
Skiptidagar Guðrúnar Nordal er
persónulegt ferðalag um sögu Ís-
lands og bókmenntir allt frá land-
námi til okkar daga. Þar er spurt
hvaða lærdóm við getum dregið af
frásögnum aldanna um okkur sjálf
og hvernig við getum miðlað þeim á
nýrri öld.
Forlagið gefur einnig út talsvert
af bókum fyrir börn og ungmenni,
þýddum og frumsömdum. Af frum-
sömdum bókum má nefna Leika eft-
ir Lindu Ólafsdóttur, sem teiknar
einnig myndir í bókina, En við erum
vinir eftir þá Hafstein Hafsteinsson
og Bjarka Karlsson, en Hafsteinn
var tilnefndur til Barnabókaverð-
launa Reykjavíkur og Barna- og
unglingabókaverðlauna Norð-
urlandaráðs fyrir bókina Enginn sá
hundinn, Maxímús Músíkús fer á
fjöll eftir þau Hallfríði Ólafsdóttur
og Þórarin Má Baldursson, sem seg-
ir frá nýjum ævintýrum músarinnar
músíkölsku, og nýja bók um Fíusól
og Ingólf Gauk, Fíasól gefst aldrei
upp, eftir Kristínu Helgu Gunn-
arsdóttir, en bókaröðin um Fíusól er
margverðlaunuð.
Þau systkini Þórarinn Eldjárn og
Sigrún Eldjárn semja saman bókina
Ljóðpundara og eiga líka bækur
hvort í sínu lagi. Áður er getið vísna-
safns Þórarins, en bók Sigrúnar
heitir Silfurlykillinn og segir frá
systkinum sem nýflutt er með pabba
sínum í skrítið og skemmtilegt hús
sem heitir Strætó númer sjö.
Í Nærbuxnaverksmiðjunni segir
Arndís Þórarinsdóttir frá Gutta og
Ólínu sem lenda í ævintýri í Brók-
arenda þar sem lífið snýst um nær-
buxur. Sigmundur Breiðfjörð Þor-
geirsson myndskreytti. Lukkudýr
íslenska landsliðsins, Henri, kemst í
hann krappan í bókinni Henri rænt í
Rússlandi eftir Þorgrím Þráinsson.
Á árinu hafa komið út þrjár bæk-
ur Ævars Þórs Benediktssonar og
sú fjórða, Þitt eigið tímaferðalag,
kemur út á næstu vikum. Þá kemur
líka út ný bók Gunnars Helgasonar,
fjórða Stellubókin sem heitir Siggi
sítróna og fylgir í kjölfar Mömmu
klikk, Pabba prófessors og Ömmu
best. Einnig eru væntanlegar vís-
indabækurnar Tilraunabók Vísinda-
Villa eftir Vilhelm Anton Jónsson og
Svarthol eftir Sævar Helga Braga-
son.
Rotturnar heitir bók Ragnheiðar
Eyjólfsdóttur sem segir frá ung-
mennum sem enda í sumarvinnu úti
á landi, sumpart gegn vilja sínum, og
fyrir röð tilviljana, að því er virðist,
eru nokkur þeirra valin til að sinna
verkefni við niðurníddan hálend-
isskála sem á sér ískyggilegt leynd-
armál.
Í Ljóni Hildar Knútsdóttur segir
frá Kríu, nýnema í MR. Þar þekkir
hún engan en kynnist Elísabetu og
þær verða miklar vinkonur. Þegar
Elísabet finnur gamalt skrín í föld-
um skáp fara þær að rannsaka und-
arlegt mál stúlku sem hvarf spor-
laust fyrir 79 árum, en fljótlega
kemur í ljós að hvarf stúlkunnar
gæti haft óvænta tengingu við líf
Kríu. Ljónið er fyrsta bók í nýjum
þríleik.
Einnig gefur Forlagið út tvær
matreiðslubækur: Beint í ofninn eft-
ir Nönnu Rögnvaldsdóttur birtir
uppskriftir af réttum sem stungið er
í ofninn og sjá um sig sjálfir. Hvað er
í matinn í kvöld? eftir Jóhönnu Vig-
dísi Hjaltadóttur svarar þessari
spurningu sem allir standa frammi
fyrir á hverjum degi og gerir tillögu
að kvöldmat fyrir öll kvöld vikunnar.
Nokkrar bækur koma út sem
flokkaðar eru sem bækur almenns
efni, þar einna helst efnis bókin
Flóra Íslands, blómplöntur og
byrkningar, eftir þau Hörð Krist-
insson, Jón Baldur Hlíðberg og Þóru
Ellen Þórhallsdóttur. Í bókinni er
öllum 466 tegundum flóru Íslands
lýst en að auki er almennur hluti um
plöntur. Myndir í bókinni eru eftir
Jón Baldur Hlíðberg. arnim@mbl.is
Frumsamin skáldverk og ljóð í úrvali
Arnaldur
Indriðason
Hallgrímur
Helgason
Ragnheiður
Eyjólfsdóttir
Einar
Kárason
Linda
Ólafsdóttir
Auður
Jónsdóttir
Bubbi
Morthens
Eiríkur Örn
Norðdahl
Lilja
Sigurðardóttir
Linda
Vilhjálmsdóttir
Guðrún
Nordal
Sigrún
Eldjárn
Gerður
Kristný
Ísak
Harðarson
Sigurbjörg
Þrastardóttir
Ævar Þór
Benediktsson
Þorgrímur
Þráinsson
Þóra Kristín
Ásgeirsdóttir
Þórunn
Valdimarsdóttir
Þórarinn
Eldjárn
Nanna
Rögnvaldsdóttir
Forlagið gefur út á þriðja tug nýrra skáldverka á árinu Á annan tug íslenskra barnabóka vænt-
anlegt Heildarsafn skáldverka Dags Sigurðarsonar gefið út og ljóðasafn Sigurðar Pálssonar
Kristín Helga
Gunnarsdóttir
Dagur
Sigurðarson
Hildur
Knútsdóttir
Leitar þú að traustu
BÍLAVERKSTÆÐI
Smiðjuvegur 30 (GUL GATA) | 200 Kópavogi
Sími 587 1400 |www. motorstilling.is
SMURÞJÓNUSTA < HJÓLBARÐAÞJÓNUSTA
TÍMAPANTANIR
587 1400
Við erum sérhæfðir í viðgerðum
á amerískum bílum.
Mótorstilling býður almennar
bílaviðgerðir fyrir allar tegundir bíla.