Morgunblaðið - 13.10.2018, Blaðsíða 14

14 FRÉTTIRInnlent
MORGUNBLAÐIÐ LAUGARDAGUR 13. OKTÓBER 2018
Helgi Bjarnason
helgi@mbl.is
„Ég tók við embætti 1. júní og þetta
hefur gengið mjög vel. Það var tekið
vel á móti okkur hér,“ segir Kristján
Arason sem settur var í embætti
sóknarprests í Patreksfjarðar-
prestakalli sl. sunnudag. Hann er 27
ára gamall; yngsti prestur sem sett-
ur hefur verið í embætti í prestakall-
inu og jafnframt yngsti starfandi
prestur landsins.
„Við höfum engar tengingar hing-
að. Við hjónin erum bæði fædd og
uppalin í sveit og langaði að fara út á
land. Þegar auglýst var sóknar-
prestsembætti hér sótti ég um og
fékk starfið,“ segir Kristján. Hann
er frá Helluvaði sem er bær skammt
frá Hellu á Rangárvöllum og kona
hans, Eva Sóley Þorkelsdóttir, er frá
bænum Mel á Mýrum. Þau eiga tvö
börn.
Kristján var settur inn í embætti
af prófasti Vestfjarða, séra Magnúsi
Erlingssyni, á erfiðleikatímum í
samfélaginu vegna óvissu um stöðu
fiskeldisfyrirtækja. Kristján segir
að þau mál hafi ekki komið til kasta
sóknarprestsins. Hins vegar hafi
hann vel fundið fyrir þeirri óvissu
stöðu sem margir hafi verið settir í.
Fátt annað hafi verið rætt á kaffi-
stofunum í nágrenni kirkjunnar
undanfarna daga.
Þjónar 10 kirkjum
Tíu kirkjur eru í prestakallinu, í
Vesturbyggð og Tálknafirði, margar
hverjar sögulegar byggingar sem
geyma enn merkari sögu mannlífs á
Íslandi. Þær eru Bíldudalskirkja,
Selárdalskirkja, Tálknafjarðar-
kirkja, Stóra-Laugardalskirkja, Pat-
reksfjarðarkirkja, Sauðlauksdals-
kirkja, Breiðavíkurkirkja,
Saurbæjarkirkja á Rauðasandi,
Hagakirkja á Barðaströnd og
Brjánslækjarkirkja.
Morgunblaðið/Guðlaugur Albertsson
Athöfn Magnús Erlingsson, prófastur Vestfirðinga, setti séra Kristján Ara-
son í embætti sóknarprests við athöfn í Patreksfjarðarkirkju.
Yngsti starfandi
prestur landsins
 Settur í embætti á Patreksfirði
Hamraborg 10, Kópavogi
Sími: 554 3200 Opið: Virka daga 9.30–18
VERIÐ VELKOMIN
Í SJÓNMÆLINGU
———
Sigtryggur Sigtryggsson
sisi@mbl.is
Eimskip hefur gert samning við fyr-
irtækið Liebherr um að smíða nýjan
gámakrana sem settur verður upp á
nýjum hafnarbakka í Sundahöfn á
næsta ári.
Faxaflóahafnir vinna að gerð nýja
hafnarbakkans og er gert ráð fyrir
að hann verði tilbúinn til notkunar á
næsta ári. „Nýi hafnarbakkinn er
liður í þróun Sundahafnar og er
nauðsynlegur til að mæta þörfum
um stærri og djúpristari skip til
langrar framtíðar,“ segir Ólafur
William Hand, upplýsingafulltrúi
Eimskips.
Jakinn í notkun í 34 ár
Nýr gámakrani Eimskips kemur í
stað eldri krana, Jakans, sem verið
hefur lykiltæki í losun og lestun
gámaskipa félagsins í Sundahöfn allt
frá árinu 1984, eða í rúm 34 ár. Með
tilkomu hans varð bylting í lestun og
losun kaupskipa.
Nýi kraninn verður framleiddur í
verksmiðju Liebherr í Killarney á
Írlandi og þessa dagana er verið að
leggja lokahönd á hönnun og fram-
leiðsla á tækinu fer í gang á næstu
vikum. Kraninn verður síðan fluttur
ósamsettur með skipi til landsins og
settur saman á nýjum kranasporum
á hafnarbakka utan Klepps á næsta
ári.
Verið er að smíða tvö gámaskip í
Kína fyrir Eimskip og verða þau
tekin í notkun 2019. Nýju skipin eru
talsvert stærri en stærstu skip sem
Eimskip er með í rekstri í dag og
þess vegna þarf félagið nú að fjár-
festa í nýjum gámakrana sem ræður
við stærri skip, að sögn Ólafs.
Kraninn verður umhverfisvænn
þar sem hann er rafknúinn eins og
forveri hans, en með getu til að
vinna út í 15. gámaröð í skipi sam-
anborið við að gamli kraninn nær að-
eins út í 10. gámaröð. Kraninn er
einnig mun hraðvirkari og getur lyft
allt að 40 gámum á klukkustund.
Jaki gat lyft 20-30 gámeiningum á
klukkustund. Gert er ráð fyrir því að
Liebherr-kraninn verði tilbúinn til
notkunar um mitt næsta ár og muni
nýtast vel í vinnu í skipum Eimskips
næstu áratugina, segir Ólafur.
eimskip er á fullu að undirbúa það
að félagið taki í notkun hinn nýja
hafnarbakka utan Klepps. Í fundi
Faxaflóahafna í haust var tekið fyrir
erindi fyrirtækisins, það þar sem
sótt er um úthlutun 8.200 fermetra
viðbótarlóðar til stækkunar á farm-
stöð félagsins í Sundahöfn. Umsókn
félagsins er vegna færslu gámavalla
með tilkomu nýs viðlegubakka utan
Klepps, nýrrar aðkeyrslu að svæð-
inu, starfsmannaaðstöðu á nýju
svæði og veitutenginga.
Varðandi lóðaumsókn Eimskip er
verið að vinna útfærslu á skipulags-
tillögu, að sögn Gísla Gíslasonar
hafnarstjóra. Lóðin er aðallega
hugsuð sem ný innkeyrsla á breytt
farmsvæði Eimskipa auk þess sem
skipuleggja þarf hvar spennistöðvar
og ljósamastur koma.
Að sögn Gísla er stefnt að því að
leggja tillöguna fyrir næsta stjórn-
arfund Faxaflóahafna.
Nýr krani mun leysa
Jakann af hólmi
Sundahöfn Það var mikið um dýrðir þegar Jakinn var formlega tekinn í
notkun 17. nóvember 1984. Viðstaddir voru flestir starfsmenn Eimskips.
Morgunblaðið/Ól.K. Mag.
„Nýja gámakrananum í Sunda-
höfn var í gær gefið nafnið Jaki.
Hlýtur það að teljast réttnefni
því með krananum er hægt að
lyfta 32,5 tonnum í einu,“ sagði
í frétt í Morgunblaðinu 1984.
Kraninn setur svip á hafnar-
svæðið í Sundahöfn, sagði í
fréttinni, þar sem hann skagar
að minnsta kosti 26 metra yfir
hafnarbakkann en þegar bóman
er reist getur hún farið í 61
metra hæð. Svona öflugur krani
hafði ekki verið í notkun í
Reykjavík frá því Kolakraninn
Hegri mokaði upp kolum úr
skipum. Hegri var í notkun í lið-
lega 40 ár, frá 27. febrúar 1927
til 16. febrúar 1968.
Jaki tók við
af Hegra
ÖFLUGIR KRANAR
Ekki hefur verið tekin ákvörðun um
að hætta akstri næturstrætó um ára-
mót en fjallað var um málið í Facebo-
ok-hópnum „Samtök um bíllausan
lífsstíl“. Jóhannes Rúnarsson, fram-
kvæmdastjóri Strætó, segir málið til
skoðunar en að hann hefði viljað sjá
fleiri nota vagnana.
„Þetta var tilraunaverkefni til eins
árs og það er því mjög auðvelt að
fullyrða að hann hætti um næstu
áramót þegar ekkert annað hefur
verið tilkynnt. Núna er verið að meta
reynsluna af þessu,“ segir Jóhannes
í samtali við mbl.is.
Hann segir þrjá kosti í stöðunni.
„Halda áfram, gera einhverjar
breytingar eða hætta.“
Tölur vegna næturstrætó verða
lagðar fyrir stjórn á næstunni, sem
síðan mun taka ákvörðun um fram-
haldið.
Sex leiðir eru í næturakstri, þ.e.
leið 101, 102, 103, 105, 106 og 111.
Jóhannes segir að miðað við
spennuna þegar vagnarnir hófu
akstur í janúar síðastliðnum hefði
hann viljað sjá fleiri í vögnunum.
„Ég hefði viljað sjá fleiri nota þetta,“
segir hann.
Hefði viljað sjá fleiri
nota næturvagna
Morgunblaðið/Hari
Strætó Enn á eftir að taka ákvörð-
un um næturakstur strætisvagna.