Morgunblaðið - 20.12.2018, Page 36

36 FRÉTTIRInnlent
MORGUNBLAÐIÐ FIMMTUDAGUR 20. DESEMBER 2018
HEYRNARSTÖ‹INKringlunni • Sími 568 7777 • heyra.is
Hlustaðu
á hjartað þitt
Beltone Trust™ heyrnartækin gera þér kleift að heyra jafnvel minnstu smáatriði
sem stundum reynast þau mikilvægustu. Við hjá Heyrnarstöðinni leggjum allan
kar metnað í að veita góða þjónustu og bjóða upp á hágæða heyrnartæki.
omdu í ókeypis heyrnarmælingu og fáðu heyrnartæki lánuð til reynslu.
Beltone Trust
™
–
ok
K
Höskuldur Daði Magnússon
hdm@mbl.is
„Ég gæti ekki verið sáttari við við-
tökurnar. Þær hafa verið framar öll-
um vonum. Ég hafði sveiflast á milli
bjartsýni og svartsýni, ég vissi ekki
hvort einhver hefði áhuga á þessu
sjóaravolki sem er þarna. Það virðist
vera einhver áhugi,“ segir Hall-
grímur Helgason rithöfundur.
Hallgrímur hefur farið mikinn í
jólabókaflóðinu í ár með bók sína,
Sextíu kíló af sólskini. Bókin hlaut til-
nefningu til Íslensku bókmennta-
verðlaunanna og hefur víða fengið
góða dóma, til að mynda fjórar og
hálfa stjörnu á síðum þessa blaðs. Þá
er hún í hópi söluhæstu bóka höfund-
arins og var endurprentuð með hraði
þegar útgefandi hans sá í hvað
stefndi.
Þessi tími ársins er vertíð hjá rit-
höfundum enda þarf að hamra járnið
meðan það er heitt, lesa upp sem víð-
ast, árita bækur og hvaðeina. Það er
því nokkuð skondið að Hallgrímur
skuli hafa brugðið sér til útlanda í
þrjár vikur á dögunum. Hann segir í
samtali við Morgunblaðið að hann
hafi fengið boð sem ekki var hægt að
hafna. „Það var svolítið erfitt að fara
á þessum tíma en þegar maður er
boðinn á bókmenntahátíð í Kalkútta
er erfitt að segja nei,“ segir rithöf-
undurinn.
Hallgrími var boðið til Seattle til
að flytja erindi um bók sína, Konuna
við 1000°, við háskólann þar í borg.
Við bættist síðan upplestur í hinni
frægu Elliott Bay Book Store um
kvöldið. „Þetta var á mánudagskvöldi
og maður hélt að rólegt væri yfir, en
nei, því sama kvöld lásu á vegum
bókabúðarinnar þeir Jonathan Fran-
zen, David Sedaris og Damien Ec-
hols, þannig að samkeppnin var ærin.
Mér var síðan boðið á tvær bók-
menntahátíðir á vegum Times of
India í Kalkútta og Delí á Indlandi
sem haldnar voru skömmu síðar,
þannig að úr varð hnattferð!“
Heimsótti heilaga borg
Hallgrímur flaug frá Seattle til
Sjanghæ og stoppaði þar í tvær næt-
ur áður en haldið var til Kalkútta í
gegnum Hong Kong.
„Það var fróðlegt að sjá Sjanghæ,
borg sem þýtur upp þessa dagana,
dýnamísk og full af lífi. Ég fílaði Kín-
verjana, loksins fann maður þjóð sem
er jafn ruddaleg og Íslendingar. En
þeir eru svakalegir sölumenn og allt-
af að reyna að græða á manni; þegar
hvíti maðurinn mætir á markaðinn er
honum tekið eins og herfangi.“
Indlandsheimsóknin var eftir-
minnileg að sögn Hallgríms. Hátíðin
í Kalkútta var haldin í Tollygunge
Club, gömlum breskum heldri-
mannaklúbbi með lítilli Buckingham-
höll, golfgrínum og sundlaugum, ansi
mikil andstæða við borgina sjálfa þar
sem tuk-tuk-arnir, vespurnar og gulu
leigubílarnir sveima um í einum
stórum flautukonserti, og fátæktin
eldar sér kvöldmat á hverju horni,
innan um geitur og kýr, segir skáldið.
Tímann á milli hátíðanna í Kal-
kútta og Delí notaði hann til að heim-
sækja Varanasi, hina heilögu borg á
bökkum Göngu, eða Ganges eins og
flestir þekkja hana. Þangað fór hann
að meðmælum Einars Fals Ingólfs-
sonar sem þekkir borgina vel, en í
Varanasi koma hindúar til að brenna
lík ættingja sinna og svo er öskunni
dreift í fljótið.
Hátíðin í Delí var svo haldin í gríð-
arstórri ráðstefnumiðstöð þar sem
dagskrá var allan daginn á sjö svið-
um í einu. „Loftgæðin í Delí voru ansi
lök, þetta var eins og íslenskt gaml-
árskvöld á hverjum degi og þótt heið-
skírt væri sá varla til sólar. Umfjöll-
un um hátíðirnar tvær var mikil og
birtust úrdrættir af öllum umræðum
í stórblaðinu Times of India alltaf
strax daginn eftir. Bókmenntaáhug-
inn þarna er mikill og stærstu stjörn-
ur heimamanna voru umkringdar
aðdáendum hvert sem þær fóru.“
Hallgrímur
í hnattferð á
miðri vertíð
 Rithöfundurinn heimsótti Seattle,
Sjanghæ og Indland á dögunum
Varanasi Á bökkum Göngu ásamt norska rithöfundinum Kjell Ola Dahl.
Sjanghæ Hallgrímur
segir að borgin sé
dýnamísk og full af lífi.