Morgunblaðið - 06.12.2018, Qupperneq 8

8 MORGUNBLAÐIÐ FIMMTUDAGUR 6. DESEMBER 2018
GRAFÍSK HÖNNUN
Lógó
bréfsefni
bæklingar
myndskreytingar
merkingar ofl.
Sundaborg 3
104 Reykjavík
777 2700
xprent@xprent.is
Eltak sérhæfir sig í sölu
og þjónustu á vogum
Bjóðum MESTA úrval
á Íslandi af smáum
og stórum vogum
Héraðsdómur Reykjaness hefur
dæmt Sigurð Frey Árnason, lög-
giltan skipasala og eiganda skipa-
sölunnar S. Á. Firma ehf., til að
sæta fangelsi í átján mánuði fyrir
fjárdrátt.
Hefur Sigurður verið fundinn
sekur um að hafa dregið sér króka-
aflahlutdeild í þorski og selt án
heimildar fyrir 27.123.346 krónur,
að meðtöldum sölulaunum og
færslugjaldi. Einnig hefur hann
verið fundinn sekur um að hafa
misnotað sér aðstöðu sína þegar
hann leigði án heimildar samtals
sjö þúsund kg af krókaaflamarki og
dró sér endurgjald leigunnar,
1.234.789 krónur, að meðtöldum
sölulaunum og færslugjaldi.
Rakið er í dómnum, sem féll 20.
nóvember, að Sigurður hafi séð um
umsýslu með aflaheimildir fyrir fé-
lög fyrrverandi tengdaföður síns,
meðal annars á grundvelli tengsla
þeirra. Brot hans hafi komið í ljós
þegar tengdafaðirinn hugðist selja
krókaaflaheimildir í eigu félags
síns. Við söluna hafi ljóst orðið að
það magn aflaheimilda sem félagið
taldi sig eiga var ekki til staðar,
þar sem búið var að selja hluta
þeirra án vitneskju tengdaföðurins.
Í framburði hans hjá lögreglu
kom fram að Sigurður hefði haft
heimild til að leita tilboða eða finna
leigjendur að aflaheimildum, en
slíka ráðstöfun hefði hann sjálfur
þurft að samþykkja. Þá hefði Sig-
urður gengist við því að hafa selt
aflaheimildirnar.
Alvarleg refsiverð brot framin
Tengdafaðirinn mun hafa farið
þess á leit við sérstakan saksókn-
ara, með bréfi í júlí 2014, að hafin
yrði rannsókn á brotum Sigurðar.
Einsýnt væri að alvarleg refsiverð
brot hefðu verið framin, sem mikil-
vægt væri að upplýsa. Rakti hann í
kærubréfinu ýmis tilvik um til-
færslu krókaaflahlutdeildar milli
skipa, án vitundar eða vilja síns.
Fyrir dómi viðurkenndi Sigurður
að hafa ritað nöfn þáverandi
tengdaföður síns og, eftir atvikum,
eiginkonu sinnar, á umsóknir um
staðfestingu Fiskistofu á flutningi
aflaheimilda. Neitaði hann þó sök
og sagðist í skýrslu lögreglu hafa
stofnað fyrirtæki sitt, SAFÍR, og
séð um færslu kvóta fyrir tengda-
föður sinn, sem búsettur væri er-
lendis. Flutningur umræddra afla-
heimilda hefði verið innan þeirra
heimilda sem fyrirtæki hans, S.Á.
Firma, hefði haft frá tengdaföð-
urnum.
Lagði inn á eigin reikning
Í niðurstöðum dómsins segir að
þessi framburður Sigurðar sé ótrú-
verðugur og engum gögnum studd-
ur. Fyrir liggi að hann hafi ritað
nafn tengdaföður síns á umsóknir
til Fiskistofu, og að þeim síðar-
nefnda hafi verið ókunnugt um ráð-
stafanirnar og ekki samþykkt þær.
Sigurði hefði þá borið að ráðstafa
söluandvirði kvótans inn á reikning
félags tengdaföður síns. Það hefði
hann ekki gert, eins og hann hefði
sjálfur skýrt frá. Fram kemur að
andvirði kvótans var lagt inn á
reikning S. Á. Firma ehf. og því
ráðstafað í þágu reksturs félagsins
að hluta, en að hluta fjármunanna,
eða 5.950.000 krónur, hafi Sigurður
lagt inn á persónulegan banka-
reikning sinn. Sagði Sigurður að
félagið hefði staðið illa fjárhags-
lega á þeim tíma sem um ræðir.
„Engum gögnum studdar“
Fullyrðingar Sigurðar, um að
hann hafi ráðstafað krókaafla-
hlutdeildinni með vitund og sam-
þykki tengdaföður síns, og að upp-
gjör eigi eftir að fara fram á milli
félaga þeirra beggja, eru í dómnum
sagðar „með öllu haldlausar“ og að
þær geti ekki staðist, „enda engum
gögnum studdar“.
Bent er á að brot Sigurðar hafi
staðið yfir í átta mánuði, og er full-
yrt í dómnum að þau hafi verið
„einkar ófyrirleitin“. Ásetningur
hans við brotin þykir samkvæmt
dómnum hafa verið einbeittur og
brot hans stórfelld, en við ákvörð-
un refsingar var litið til þess
hversu yfirgripsmiklu tjóni brot
hans ollu, og hversu styrkur og ein-
beittur vilji hans var. Fangels-
isrefsing Sigurðar, samtals átján
mánuðir, er bundin skilorði til
tveggja ára.
Seldi aflaheimildir
án vitneskju eigandans
Skúli Halldórsson
sh@mbl.is
Löggiltur skipasali seldi
aflaheimildir úr félagi
tengdaföður síns og ráð-
stafaði andvirðinu til nota
fyrir eigið félag og inn á
sinn persónulega reikning.
Morgunblaðið/Arnþór Birkisson
Bent er á að brot Sigurðar hafi staðið yfir í átta mánuði, og er fullyrt í dómnum að þau hafi verið „einkar ófyrirleitin“.
Afurðaverð á markaði
6. des. 2018, meðalverð, kr./kg
Þorskur, óslægður 319,52
Þorskur, slægður 377,37
Ýsa, óslægð 288,72
Ýsa, slægð 286,63
Ufsi, óslægður 93,12
Ufsi, slægður 149,16
Gullkarfi 276,21
Blálanga, óslægð 188,00
Blálanga, slægð 228,17
Langa, óslægð 188,52
Langa, slægð 196,41
Keila, óslægð 121,62
Keila, slægð 114,07
Steinbítur, óslægður 316,49
Steinbítur, slægður 411,71
Skötuselur, slægður 624,17
Grálúða, slægð 454,51
Skarkoli, slægður 352,04
Þykkvalúra, slægð 747,50
Langlúra, óslægð 190,00
Sandkoli, óslægður 5,00
Bleikja, flök 1.571,47
Gellur 990,00
Grásleppa, óslægð 27,11
Hlýri, slægður 407,83
Hrogn/þorskur 44,00
Lúða, óslægð 356,00
Lúða, slægð 625,11
Lýsa, óslægð 79,85
Lýsa, slægð 93,60
Náskata, slægð 7,33
Rauðmagi, óslægður 106,00
Skata, slægð 92,67
Stórkjafta, slægð 195,00
Tindaskata, óslægð 9,52
Undirmálsýsa, óslægð 174,29
Undirmálsýsa, slægð 186,00
Undirmálsþorskur, óslægður 171,25
Undirmálsþorskur, slægður 180,16