Gripla - 20.12.2018, Page 92

GRIPLA92
SnK Edda 1998, 105–106
Skáld heita greppar ok rétt er í skáld-
skap at kenna svá hvern mann ef vill.
Rekkar váru kallaðir þeir menn er
fylgðu Hálfi konungi ok af þeira nafni
eru rekkar kallaðir hermenn ok er rétt
at kenna svá alla menn. Lofðar heita
ok menn í skáldskap sem fyrr er ritat,
Skatnar váru þeir menn kallaðir er
fylgðu þeim konungi er Skati mildi var
kallaðr. Af hans nafni er skati kallaðr
hverr er mildr er. Bragnar heita þeir
er fylgðu Braga konungi inum gamla.
Virðar heita þeir menn er meta mál
manna. fyrðar ok firar ok verar heita
landvarnarmenn. Víkingar ok flotnar,
þat er skipa herr. Beimar: svá hétu þeir
er fylgðu Beimuna konungi. Gumnar
eða gumar heita flokkstjórar svá sem
gumi er kallaðr í brúðfǫr. Gotnar eru
kallaðir af heiti konungs þess er Goti
er nefndr er Gotland er við kent. Hann
var kallaðr af nafni óðins ok dregit
af Gauts nafni, þvíat Gautland eða
Gotland var kallat af nafni óðins, en
Svíþjóð af nafni Sviðurs – þat er ok
heiti óðins. í þann tíma var kallat alt
meginland þat er hann átti Reiðgota-
land, en eyjar allar Eygotaland. Þat
er nú kallat Danaveldi ok Svíaveldi.
Drengir heita ungir menn búlausir
meðan þeir afla sér fjár eða orðstír, þeir
fardrengir er milli landa fara, þeir kon-
SnU (Edda 2012, 214 og 216)
Skáld heita greppar ok er rétt í skáld-
skap at kenna svá hvern mann er vill.
Rekkar voru kallaðir þeir menn er
fylgðu Hálfi konungi. af þeirra nafni
eru rekkar kallaðir hermenn, ok er
rétt at kenna svá alla menn. Lofðar
heita þeir menn í skáldskap. Skatnar
heita þeir menn er fylgðu Skata kon-
ungi ok af hans nafni er hverr skati
kallaðr er mildr er. Bragnar hétu þeir
menn er fylgðu Braga konungi inum
gamla. Virðar heita þeir menn er meta
mál manna, fyrðar ok firar. Verar
heita landvarnarmenn. Víkingar ok
flotnar, þat eru skipaherr. Beimar hétu
þeir menn er fylgðu Beima konungi.
Gumnar ok gumar heita fólkstjórar,
sem gumi heitir í brúðfǫr. Gotnar hétu
þeir menn er fylgðu Gota konungi, er
Gotland er við kent. Hann heitir af
nafni óðins ok dregit af Gauts nafni.
Þeir heita drengir er millum landa fara,
þeir konungsdrengir er þeim þjóna
eða ríkum mǫnnum. Þeir heita vaskir
menn er batnandi eru. Seggir heita
ok kníar. Liðar, þat eru fylgdarmenn.
Oftast eru textar gerðanna svo líkir að vel má hugsa sér sama eða mjög
áþekkt forrit, en stundum hefur Konungsbókargerð talsverðu við að bæta
eins og þetta dæmi sýnir: