Gripla - 20.12.2018, Qupperneq 95

95
alltaf fyrirsögnum í handritinu, en svo er ekki hér: Það er engin fyrir-
sögn.54
Líklega er fyrirsagnarskorturinn á bl. 38r og hugsanlega 39r staðfesting
þess að það er skrifari DG 11 4to sem hér endurraðar efni. Því hann virðist
ekki skapa fyrirsagnir sjálfur. Þannig verða merkileg töl skálda, ættmenna
Sturlunga og lögsögumanna á bl. 23r og 25v að sæta því að vera fyrir-
sagnalaus og sama gildir um Aðra málfræðiritgerðina á bl. 45v og vísnaskrá
Háttatals á bl. 48r en allt er það eins og áður var getið greinilega komið úr
annarri átt en hinir efnishlutar handritsins.
Það sem út af stendur
Nú væri þægilegt ef það nægði til skýringar á mismun gerðanna að forrit
DG 11 4to hafi verið torlesið í upphafi Skáldskaparmála og að í frumrit
SnK hefði verið aukið ýmsu smálegu sem ekki hefði komið með í frumrit
SnU en að flestu hefðu hins vegar frumritin verið samhljóða.
En þrátt fyrir góða fylgni virðist nokkuð ljóst að textinn í DG 11 4to
er ekki einungis skrifaður eftir samhljóða forriti og notað hefur verið í
SnK-gerðinni. Að minnsta kosti á einum stað hefur verið leitað til annarrar
heimildar í DG 11 4to en í SnK-gerðinni og á einum stað sýnist texti hafa
lifað af allar breytingar frá fyrstu tíð í SnU-gerðinni.
Fyrra dæmið er þess eðlis að óhætt virðist að fullyrða að forrit DG 11 4to
hafi annað hvort verið lagað eftir því sem orðið hefur meginregla í kenn-
ingatali eða þá að breyting hefur verið gerð í frumriti SnK-gerðarinnar.
Strax á eftir sögunni um skáldamjöðinn hefst í báðum gerðum sér-
kennileg skáldskaparumræða og er sama á hvora gerðina er horft:
Byrjunarörðugleikarnir í skilgreiningum og hugtakanotkun eru augljósir.
Hugsanlega má draga af þeim einhverjar ályktanir um kennsluna eða
tilsögnina á bókarlausa stiginu. Ungmenni hafa lært af eigin tilraunum og
tVÆr GErÐIr SKÁLDSKaParMÁLa
54 reyndar er það svo að einu dæmin sem fundin verða í Skáldskaparmálum um rauðan upp-
hafsstaf án fyrirsagnar eru á þessari síðu og á bl. 39r þar sem vantar fyrirsögn í fyrstu línu,
22. línu og 25. línu. annars fylgir fyrirsögn öllum upphafsstöfum (eða öfugt, upphafsstafir
fyrirsögnum) í öllum dæmum í Skáldskaparmálum nema á bl. 31r, þar sem rauðlitu fyrir-
sögnunum vetrinn og kent sumar sem báðar standa í miðri línu fylgir enginn upphafsstafur,
og sama er að segja á bl. 38r þar sem rauðlitaða fyrirsögnin capitvlum stendur í 24. línu án
upphafsstafs og á bl. 41r þar sem kendr bjǫrn og frá hestum standa í miðri þriðju og þrettándu
línu. Fleiri eru þau dæmi ekki.