Fréttabréf Ættfræðifélagsins - 01.04.2017, Síða 11

Fréttabréf Ættfræðifélagsins í apríl 2017
http://www.ætt.is aett@aett.is11
Sjúkrasjóður
Störfin voru mörg og margbreytileg. Auk þess að
annast sjúklingana þvoði hún þvottana, sléttaði línið
og þvoði gólfin. Oft annaðist hún einnig matargerð-
ina. Það var ótrúlegt hvað hún gat komið miklu í verk.
Líkamsþrek hennar var mikið, hún vann margfalt
dagsverk, þó átti hún enn meira sálarþrek.
Margrét lifði sig inn í starfið og var hjúkrunarkona
af guðs náð. Hún þótti hafa einstaklega heilsteypta og
trausta skapgerð.
Margrét bætti einnig um betur og stofnaði styrkt-
arsjóð sjúklinga árið 1933 og gaf sjóðnum 6000 kr.
Á þeim tíma var ekki til neitt sjúkrasamlag. Árið
1956 lét Margrét loks af störfum við sjúkrahúsið á
Hvammstanga. Þá var hún 68 ára. Eftir nokkurra ára
dvöl hjá undirrituðum og konu hans á Litla-Fljóti,
þarfnaðist hún sjúkrahúsvistar. Hún dvaldi sín síð-
ustu ár á Sjúkrahúsinu á Hvammstanga, sem hún
hafði helgað krafta sína áratugum saman. Þar hlaut
hún ljúfa og góða umönnun og hjúkrun. Margrét lést
1979 nær 91 árs. Hún hlaut hinstu hvílu í sveitinni
sinni og var jörðuð í kirkjugarðinum á Torfastöðum
í Biskupstungunum, þar sem systir hennar og nafna,
bóndi í Hrosshaga, hlaut einnig sína hinstu gröf.
Guðrún María Benónýsdóttir á Hvammstanga orti
eftir hana lítið ljóð þar sem segir m.a.
Sem verndardís hún sat hjá sjúkrarbeði,
og sá hvað ætíð henta mundi best.
Hjá hverjum einum vakti von og gleði
og veitti allt er sjúkan getur hresst.
Kauplaust oft við veikra hvílu vakti,
hún vann þá stundum bæði dag og nótt.
Og hverjum þeim er raunir henni rakti,
hún rétti hjálp svo batinn gengi fljótt.
NýIR FéLAGAR
Guðjón Hólm Guðjónsson
kt. 080359-3579
Hrísarimi 29, 112 Reykjavík
Helga Margrét Reinhardsdóttir
salvörður og móttökuritari á Þjóðskjalasafni
kt. 240349-3969
Sæbólsbraut 59, 200 Kópavogi
Sigrún Magnúsdóttir
þjóðfræðingur
kt. 150644-2409
Efstaleiti 14, 103 Reykjavík
Stefán Halldórsson
rekstrarhagfræðingur
kt. 211249-4049
Skaftahlíð 1, 105 Reykjavík
Vissir þú?
☛ Vissir þú að Þorbjörg Halldórsdóttir, móð-
ir Friðriks, morðingja Natans Ketilssonar, og
móðursystir Ólafar skáldkonu frá Hlöðum,
var dæmd í Natansmálinu til fimm ára þrælk-
unar í Betrunarhúsinu í Kaupmannahöfn?
Hún afplánaði allan sinn dóm og kom aftur til
Íslands að lokinni fangavistinni.
☛ Vissir þú að fjórum árum eftir aftökuna í
Vatnsdalshólum var síðasti Íslendingurinn tek-
inn af lífi í Kaupmannahöfn? Það var Sigurður
Gottsveinsson, sem hafði verið dæmdur til
ævilangrar þrælkunar í Kaupmannahöfn fyrir
húsbrot og rán á Kambi í Flóa. Í fangavistinni
réðst hann á fangavörð með hnífi og var líflát-
inn fyrir.
☛ Vissir þú að næstsíðasta aftaka á Íslandi fór
fram í Skagafirði sumarið 1790, í Helluhólma
í Héraðsvötnum? Þar var Ingibjörg Jónsdóttir
hálshöggvin vegna þess að hún hafði fætt
barn á laun.
☛ Vissir þú að 1805 átti að taka Steinunni og
Bjarna frá Sjöundá af lífi en enginn hæf-
ur böðull er sagður hafa fundist til verksins?
Steinunn andaðist í fangelsinu í Reykjavík
áður en til aftöku kom, en Bjarni var tekinn af
lífi í Noregi.
☛ Vissir þú að eftir 1830 var tugur Íslendinga
dæmdur til dauða í Hæstarétti? Helstu glæp-
ir voru sifjaspell, morð á nýfæddum börnum
eða barnsmæðrum. Konungur mildaði refs-
ingu allra og enginn var tekinn af lífi.
☛ Vissir þú að það var ekki fyrr en árið 1928 sem
dauðarefsing á Íslandi var afnumin með öllu?
☛ Vissir þú að Skúli fógeti var móðurbróð-
ir Magnúsar Ketilssonar sýslumanns og
Oddnýjar Ketilsdóttur, formóður Hólm­
fríðar Gísladóttur, fyrrverandi formanns
Ættfræðifélagsins?
☛ Vissir þú að Hallgrímur Pétursson, prestur og
sálmaskáld, var á ferð í Hraununum og kom á
bæi og baðst ásjár, þreyttur og svangur, en var
úthýst? Þá kvað hann:
Úti stend ég ekki glaður
illa hlaðinn kaununum.
Þraut er að vera þurfamaður
þrælanna í Hraununum.