Mosfellingur - 10.01.2019, Qupperneq 34

matur í mos
Það er að koma nýr matsölustaður í Mosfellsbæ. Leysir Hvíta
Riddarann af hólmi. Hvernig staður?
Pizzustaður. Skemmtileg nýjung.
Akkúrat það sem við þurftum,
Mosfellingar. Staður sem afgreiðir
pizzur og það mjög hratt. Ég er
hrikalega spenntur fyrir þessu. Það
hefði alls ekki passað að fá í miðbæ
Mosfellsbæjar stað sem ekki leggur
áherslu á skyndibita. Stað sem byði
upp á nýmóðins hollustu. Það yrði
líklega of mikið rót fyrir okkur. Blik
Bistro & Grill er reyndar að hrista
aðeins upp í okkur með því að bjóða
upp á fjölbreyttari mat og það er vel,
en miðbær Mosfellsbæjar hleypir
engum nær sem ekki heldur sig við
grunnatriðin í matarmenningu okk-
ar. Pizzabær eins og skáldið orti. Sem
rímar kannski ekkert sérstaklega vel
við það heilsueflandi samfélag sem
við segjumst vera. Pælum í þessu
íbúar og látum í okkur heyra ef við
viljum fá öðruvísi staði og starfsemi í
bæinn. Þetta gerist ekki af sjálfu sér.
Nóg um mat. Minn draumur er að árið 2019 verði árið sem Mos-
fellsbær tekur risaskref í uppbygg-
ingu á íþróttafélaginu sem sameinar
okkur. Aftureldingu. Iðkendum
félagsins fjölgar eins og kanínum í
Reykjalundarskógi, sem er frábært,
enda fátt eins gott og skipulagðar
íþróttir þegar kemur að forvörnum.
Afturelding með sínar ellefu deildir
er vettvangurinn sem bæjaryfirvöld
ættu leggja allt sitt stolt í að hlúa að
og gera allt sem í þeirra valdi stendur
til þess að félagið geti haldið áfram
að vaxa og dafna. Það er ekki nóg að
setja nokkra plástra á sár öðru hvoru.
Það þarf að hugsa miklu stærra og
bjóða í okkar ört vaxandi bæjarfélagi
upp á fyrsta flokks íþróttaðstöðu
– aðstöðu þar sem iðkendur geta
skipt um föt, farið í
sturtu eftir æfingar
og tengst hver
öðrum í notalegri
félagsaðstöðu. All-
ar deildir félagsins
vilja þetta, félagið
vill þetta, bæjarbú-
ar vilja þetta. Áfram
veginn!
Heilsumolar Gaua
www.fastmos.is
Sími: 586 8080
Þverholti 2
- Heilsa og fullveldi34
Guðjón
Svansson
gudjon@kettlebells.is
HÓPEFLI
HÓPEFLIÐ HEFST OG ENDAR Á EINUM OG SAMA STAÐNUM
Við höfum endurbætt alla aðstöðuna á keilu-
brautum, stærri og betri borð, þægilegra
aðgengi og hraðari afgreiðsla.
Hvar er betra að þjappa hópnum saman en í
góðu veðri innandyra hjá okkur þar sem allt
er á einum stað.
Fáðu tilboð frá okkur í þinn hóp á
keiluhollin@keiluhollin.is
eða í síma 511-5300
KEILA, MATUR, DRYKKUR OG ALLTAF GOTT VEÐUR
STARFSMANNADJAMM
Verkefnið 1918 er samfélagsfræðiverkefni
sem allur 4. árgangur Varmárskóla tók þátt
í. Nemendur fóru 100 ár aftur í tímann til að
kanna þá merku atburði sem áttu sér stað.
Markmið verkefnisins er þríþætt: Að
fræðast um íslenska þjóðhætti, læra um
fullveldi Íslands sem á 100 ára afmæli og
kenna nemendum að nota tímalínu til að
setja röð atburða í sögulegt samhengi. Farið
var á Árbæjarsafn til að kynnast hvernig fólk
bjó um aldamótin 1900. Þjóðminjasafnið
var einnig heimsótt og tímalína skoðuð.
Í skólastofunni var tímalínan 1918 sett
upp á vegg og atburðum raðað þar á:
Frostaveturinn mikli í janúar; Kötlugos og
Spánskaveikin í október; lok fyrri heims-
styrjaldar í nóvember; fullveldi Íslands
1. desember en þá varð landið sjálfstætt
konungsríki.
Í lokin var haldin Fullveldishátíð á sal
Varmárskóla. Boðið var upp á kakó og þjóð-
legt meðlæti. Með dyggri aðstoð foreldra
varð þetta frábær endir á verkefninu.
1918 - Árið sem Ísland varð fullvalda konungsríki • 4. bekkingar í Varmárskóla
Nemendur fóru 100 ára aftur í tímann
á þjóðminjasafninu