Morgunblaðið - 19.01.2019, Page 27

UMRÆÐAN 27
MORGUNBLAÐIÐ LAUGARDAGUR 19. JANÚAR 2019
Fagleg og persónuleg húsfélagaþjónusta
Eignarekstur leggur áherslu á að einfalda
og hagræða málin fyrir húsfélög
Traust - Samstaða - Hagkvæmni
eignarekstur@eignarekstur.is • www.eignarekstur.is • Sími 566 5005
Ráðgjöf
Veitum faglega ráðgjöf
til húsfélaga
Bókhald
Höfum umsjón með
bókhaldi fyrir húsfélög
Þjónusta
Veitum persónulega þjónustu
sem er sérsniðin að hverju
og einu húsfélagi
Móttaka aðsendra greina
Morgunblaðið er vettvangur lifandi umræðu í landinu og
birtir aðsendar greinar alla útgáfudaga.
Þeir sem vilja senda Morgunblaðinu greinar eru vinsam-
lega beðnir að nota innsendikerfi blaðsins. Kerfið er auð-
velt í notkun og tryggir öryggi í samskiptum milli starfs-
fólks Morgunblaðsins og höfunda. Morgunblaðið birtir ekki
greinar sem einnig eru sendar á aðra miðla.
Kerfið er aðgengilegt undir Morgunblaðslógóinu efst í
hægra horni forsíðu mbl.is. Þegar smellt er á lógóið birtist
felligluggi þar sem liðurinn „Senda inn grein“ er valinn.
Í fyrsta skipti sem innsendikerfið er notað þarf notand-
inn að nýskrá sig inn í kerfið. Ítarlegar leiðbeiningar fylgja
hverju þrepi í skráningarferlinu. Eftir að viðkomandi hefur
skráð sig sem notanda í kerfið er nóg að slá inn kennitölu
notanda og lykilorð til að opna svæðið. Hægt er að senda
greinar allan sólarhringinn.
Nánari upplýsingar veitir starfsfólk Morgunblaðsins alla
virka daga í síma 569-1100 frá kl. 8-18.
Sigurbjörn Björnsson er efst-ur með fullt hús vinningaeftir fjórar umferðir áSkákþingi Reykjavíkur.
Hann vann Lenku Ptacnikovu sl.
miðvikudagskvöld. Í 2.-5. sæti koma
Hjörvar Steinn Grétarsson, Jóhann
Ingvason, Davíð Kjartansson og
Vignir Vatnar Stefánsson, allir með
3½ vinning.
Í annarri umferð MótX-mótsins í
Stúkunni bar helst til tíðinda að
Guðmundur Kjartansson vann Jó-
hann Hjartarson og er efstur ásamt
Hjörvari Steini Grétarssyni og Jóni
L. Árnasyni. Þeir eru með tvo vinn-
inga.
Hjörvar og Jón L. tefla saman í 3.
umferð og Guðmundur mætir Braga
Þorfinnssyni.
Jóhanni Hjartarsyni hefur gengið
illa í viðureignum sínum við Guð-
mund Kjarrtansson undanfarið en í
skákum þeirra fer oft af stað sama
atburðarásin, þ.e.a.s. Guðmundur
situr í viðsjárverðri stöðu í miðtafli
en tekst einhverveginn að klóra sig
fram úr erfðleikunum. Dæmi um
þetta kom fram á þriðjudagskvöldið:
Jóhann – Guðmundur
Hvítur er skiptamun og peði yfir
en þyrfti að bæta kóngsstöðu sína.
Lítill tími var aflögu en vinnings-
leiðin sem „vélarnar“ bentu á er: 34.
Kf1! b4 35. Ba1! Rxa5 36. Db2! f6 37.
Be6+ – og síðan – Kg2 og vinnur.
En Jóhann lék ...
34. Bf1? b4 35. Bb2
Hann varð að reyna 35. Bxg7
Kxg7 36. Dg5+ Dxg5 37. hxg5 þó
svartur eigi betri færi eftir 37. ...
Rxa5.
35. ... Re5!
Ótrúlegt en satt, svarta staðan er
unnin!
36. Bxe5 dxe5 37. Db4 Dxg3+ 38.
Kd1 Dxf3+ 39. Kd2 Be3+
– og hvítur gafst upp.
20 jafntefli – 20 sigrar
Jafnteflisdauðinn virtist hafa hel-
tekið Magnús Carlsen í kappskákum
hans með venjulegum umhugsunar-
tíma. Í 4. umferð stórmótsins í Wijk
aan Zee gerði hann sitt fjórða jafn-
tefli þegar hann tefldi við Vladimir
Kramnik sl. þriðjudag og jafnaði þá
met Hollendingsins Giri sem fyrir
einhverjum misserum síðan gerði 20
jafntefli í röð. Þess metjöfnun
Magnúsar er rakin til síðustu fjög-
urra jafntefla á EM taflfélaga í
Porto Carras sl. haust, 12 jafntefla í
heimsmeistaraeinvíginu í London,
að viðbættum þessum skákum í
„Víkinni“.
Gamlir aðdáendur Bobby Fischer
gátu rifjað upp annað met – 20
sigurskákir í röð! Á tíu mánaða
tímabili 1970 –́71 vann Bobby sjö
sinnum á lokaspretti millisvæða-
mótsins í Palma á Mallorca og þar á
eftir 13 skákir í röð í einvígjunum við
Taimanov, Larsen og Petrosjan.
En Magnús lauk runu jafntefla
með því að sigra heimamanninn Jor-
den Van Foreest í fimmtu umferð og
er ½ vinningi á eftir Liren Ding og
Jan Nepomniachtchi þegar átta um-
ferðir eru eftir:
Wijk aan Zee 2019; 5. umferð:
Jorden Van Foreest – Magnús
Carlsen
Sikileyjarvörn
1. e4 c5 2. Rf3 Rc6 3. d4 cxd4 4.
Rxd4 Rf6 5. Rc3 e5 6. Rdb5 d6 7.
Rd5 Rxd5 8. exd5 Re7 9. c4 Rg6 10.
Da4 Bd7 11. Db4 Db8 12. h4 h5 13.
Be3 a6 14. Rc3 f5
Hann lék 14. ... a5 í at-skák nr. 2
gegn Caruana – og vann!
15. O-O-O Be7 16. g3 O-O 17. Be2
e4 18. Bd4?
Hann hefði átt að taka peðið, 18.
bxh5 Re5 19. Be2 b5 gefur svartur
vissulega bætur en hugsanlega ekki
nægjanlegar.
18. ... Bf6 19. Bxf6 Hxf6 20. Db6
Re5 21. Kb1 Be8 22. Hd2 Rd7 23.
Dd4 Dc7 24. Rd1 Re5 25. Re3 f4 26.
gxf4 Hxf4 27. Hg1 Bg6! Eftir þenn-
an leik teflir svarta staðan sig sjálf.
Hvítur getur ekki varið peðin á f2 og
h4.
28. Ka1 Haf8 29. c5 Hxf2 30. Dc3
Dxc5 31. Dxc5 dxc5 32. d6 Kh7 33.
d7 Rf3
– og hvítur gafst upp.
Situr í viðsjárverðri stöðu
Skák
Helgi Ólafsson
helol@simnet.is
Morgunblaðið/Pálmi Pétursson
Kóngspeðið komið af stað Jón L. Árnason og Kristján Eðvarðsson við
taflið í Stúkunni á Kópavogsvelli.
Það mun vera á
stefnuskrá Flokks
fólksins að skattleysis-
mörk miðist við
300.000 á mánuði, þ.e.
að þeir sem eru með
300.000 krónur eða
minna á mánuði greiði
ekki tekjuskatt og út-
svar, sem þýðir 56.930
hækkun persónu-
afsláttar. Fjármála-
ráðherra bregst fljótt
við og segir að þetta yrði alltof dýrt,
það þýddi 149.000.000.000 króna
tekjutap hjá hinu opinbera á ári.
Þessi útreikningur hans virðist mér
miðast við að hækkun persónu-
afsláttar, 56.930 á mánuði, sé látin
ganga upp í gegnum allan tekjustig-
ann. Önnur aðferð og líklegri til að
skapa samfélagslega sátt væri að
breyta skattkerfinu með þeim hætti
að laun neðan við 300.000 á mánuði
yrðu skattlaus, laun á milli 300.000
og 390.000 yrðu skattlögð þannig að
einstaklingar á þessu bili væru með
300.000 í ráðstöfunartekjur og þeir
sem væru með meira en 390.000 í
tekjur á mánuði skattlegðust með
óbreyttum hætti, þ.e. óbreyttum
persónuafslætti (53.895), skatt-
þrepum og prósentum. Þetta þýddi
að þeir sem eru með laun ofan við
390.000 á mánuði greiddu sömu
skatta og þeir gera í núverandi kerfi.
Miðað við ofangreinda tilhögun og
tekjudreifingu einstaklinga árið
2017 þýddi þessi tillaga Flokks
fólksins gróft reiknað 23.543.748.000
tekjutap hins opinbera en ekki
149.000.000.000. Gróft reiknað væru
71.000 einstaklingar undir skattleys-
ismörkum, 20.800 með tekjur milli
300.000 og 390.000 og 97.000 yfir
390.00 og greiddu óbreytta skatta.
Skattalækkunin í fyrsta hópnum
yrði um 22 milljarðar, 1,5 milljarðar
í öðrum hópnum og engin lækkun í
þeim þriðja.
Það kann að vera áhugavert að
unnt væri að bæta tekjutap hins
opinbera með því að bæta við 4,8%
tekjuskatti á tekjur yfir milljón á
mánuði. Væru öllum undir 300 þús-
undum í yfirliti um dreifingu at-
vinnutekna 2017 greidd 300 þúsund
á mánuði en laun annarra óbreytt
þýddi það að beinn launakostnaður
launagreiðenda ykist
um 7% á ári. Þessi tala
felur í sér ofmat á
hækkuninni þar sem
margir þeir sem taldir
eru með minna en 300
þúsund á mánuði eru
annaðhvort í hlutastarfi
eða námsfólk sem er
með tekjur aðeins hluta
úr ári.
Svona til gamans má
bæta við eftirfarandi
dæmi. 7% launahækkun
á 500.00 króna
mánaðarlaun er 35.000 kr., af hækk-
uninni greiðir launþegi 12.411 í skatt
og heldur eftir 22.589 krónum. Af
35.000 króna launahækkuninni sem
launagreiðandi greiðir fær hann
7.000 til baka í formi lægri skatt-
greiðslu, það er nettókostnaðarauki
hans er 28.000 krónur á mánuði. Að
síðustu þá yrði útkoma hins opin-
bera vegna 7% launahækkunar 5.411
krónur í plús, þ.e. hærri skatt-
greiðsla frá launþega 12.411 og
lægri skattgreiðsla frá launagreið-
enda 7.000. Hér hefur verið litið
fram hjá orðlofsframlagi og trygg-
ingagjaldi greiddum af atvinnurek-
anda til að einfalda útlistun og æra
ekki óstöðugan.
Það er vel athugandi með hverjum
hætti bæta megi hag þeirra lægra
launuðu án þess að það gangi upp
allan tekjustigann með tilheyrandi
verðbólgu og sé sú leiðin valin að
fara í gegnum tekjuskattskerfið
hvernig bæta megi tekjutap hins
opinbera.
Ósagt skal látið hvort nokkur vilji
sé til að taka á þessum málum með
ofangreindum hætti, sem útheimtir
hóflegar aukaálögur á þá sem betra
hafa það. Viljinn einn er allt sem
þarf en oft vill verða að menn þrýtur
hugrekkið til góðra verka.
Flokkur fólksins
og skattleysi
lægri launa
Eftir Þorbjörn
Guðjónsson
Þorbjörn
Guðjónsson
» Það er vel athugandi
með hverjum hætti
bæta megi hag þeirra
lægra launuðu án þess
að það gangi upp allan
tekjustigann með til-
heyrandi verðbólgu.
Höfundur er cand. oecon.
Atvinna