Morgunblaðið - 31.01.2019, Page 12

12 DAGLEGT LÍF
MORGUNBLAÐIÐ FIMMTUDAGUR 31. JANÚAR 2019
TJARNARBÍÓ|LAUGARDAG 9. FEB.|12-16
Fulltrúar frá eftirtöldum skólum verða til viðtals:
ARTS UNIVERSITY BOURNEMOUTH • BOURNEMOUTH UNIVERSITY
CAMBERWELL COLLEGE OF ARTS • CENTRAL SAINT MARTINS • CHELSEA
COLLEGE OF ARTS • LONDON COLLEGE OF FASHION • LONDON COLLEGE
OF COMMUNICATIONS • WIMBLEDON COLLEGE OF ARTS • ISTITUTO
EUROPEO DI DESIGN (ITALIA & SPAIN) • LEEDS ARTS UNIVERSITY • MET
FILM SCHOOL (LONDON & BERLIN) • EU BUSINESS SCHOOL BARCELONA
12:00-12:45 Örnámskeið “Portfolio Preparation”.
13:00-15:00 Reynslusögur; Fyrrverandi nemar segja frá.
13:00-16:00 Viðtöl „maður á mann” við fulltrúa skóla.
Sjá nánar dagskrá: lingo.is/frettir
Aðgangur
ÓKEYPIS
Magnús Heimir Jónasson
mhj@mbl.is
Afar sérstök leiksýning fórfram í Parísarborg fyrr ímánuðinum þar sem allirgestir sýningarinnar voru
naktir. Oft kemur það fyrir að leik-
arar á hvíta tjaldinu eða á stóra
sviðinu eru án klæða en á þessari
sýningu voru áhorfendur það líka.
„Það er engin betri leið til að
hlæja en að hlæja nakinn,“ segir
Cedric Amato, formaður Samtaka
strípalinga í París.
Um einstakan viðburð var að
ræða. Mun þetta hafa verið fyrsta
nektarleiksýningin í stóru leikhúsi í
frönsku höfuðborginni. Sýningin
fjallaði um systkini sem eru á önd-
verðum meiði í þjóðfélagsmálum.
Framleiðendur sýningarinnar
kröfðust þess að til að sjá sýn-
inguna yrðu áhorfendur að fara úr
öllum fötum. Þá var þess einnig
krafist að allir gestir kæmu með
eigið handklæði af hreinlæt-
isástæðum. Gestir gátu þó borgað
aukalega fyrir sérstaklega klædd
sæti.
Nakin og samþykkt
Sýningin bar heitið „Nu et app-
rouvé“ sem útleggst nakin og sam-
þykkt á íslensku. Mun þetta vera
orðaleikur með franskan frasa sem
algengt er að Frakkar noti til að
skrifa undir opinber skjöl; „lesið og
samþykkt“.
Að losa eigin grímu og klæði
Systkinin í leikritinu sjá hvort um
sig hitt ekki í réttu ljósi og skilja
ekki afstöðu hvort annars til ýmissa
málefna. Þau þurfa að losa sig við
eigin grímu til að skilja hvort annað
betur. Ein leið sem aðstoðar þau í
þessu er að fara úr öllum fötum.
Þrátt fyrir að það sé afar kalt í
París í janúarmánuði, og leikhúsið
heiti því kaldhæðnislega nafni Ís-
höllin, voru naktir gestir sýning-
arinnar yfir sig hrifnir. „Ég virki-
lega naut mín,“ segir miðaldra kona
í samtali við fréttaveituna AFP.
Amato segir sýninguna afar
merkilega þar sem hún gefi okkur
tækifæri til að ræða lífsstíl okkar og
þarfir.
„Við þurfum að brjóta samfélags-
leg viðmið til að vera við sjálf á
stöðum sem þessum og hafa gam-
an,“ segir hann.
Samtök strípalinga í París hafa
þrýst á um að lífsstíll þeirra verði
samfélagslega viðurkenndur. Ýmsir
viðburðir hafa verið haldnir fyrir
nakta gesti; m.a. uppistandskvöld og
heimsóknir á söfn. Þá hefur einnig
verið opnað „nakið“ svæði í stærsta
almenningsgarði Parísarborgar. Þar
geta allir sem vilja spókað sig á
adams- og evuklæðunum. Þó má
ætla að fáir klæði sig úr öllum föt-
unum í garðinum í janúar.
„Nakta“ veitingastaðnum lokað
Strípalingar í Parísarborg hafa
hins vegar ekki átt sjö dagana sæla
þar sem eini veitingastaðurinn fyrir
nakta í borginni, O’Naturel, tilkynnti
að hann myndi loka í næsta mánuði.
Matargestir voru einfaldlega ekki
nógu margir til að halda staðnum
gangandi.
Staðurinn var starfræktur í rúmt
ár og fékk gríðarmikla athygli þegar
hann var opnaður. Öll föt voru skilin
eftir í fatahenginu í anddyrinu áður
en gengið var inn. Þá voru allir sím-
ar bannaðir á staðnum til að koma í
veg fyrir að gestir gætu laumast til
að taka myndir af öðrum gestum.
Gestir fengu inniskó við komuna á
staðinn en konur, sem voru um 40%
viðskiptavina, máttu vera í hæla-
skóm. Ólíkt nektarstaðnum The
Bunyadi í London var þjónustufólk í
fötum. „Hlutverk okkar er að leyfa
fólki að njóta sín,“ segir Stephane í
samtali við AFP og benti jafnframt á
að lög í Frakklandi krefðust þess að
þjónustufólk væri í fötum.
Gestum staðarins er alltaf vísað
beint til sætis til að koma í veg fyrir
að fólki líði óþægilega með að ganga
um fyrir framan aðra gesti. Þá er
sett nýtt áklæði á alla stóla veitinga-
staðarins fyrir nýja gesti.
„Það er nú eða aldrei“
Þeir sem klæddu sig úr og gæddu
sér á mat O’Naturel gáfu staðnum
góð meðmæli. Um er að ræða fínan
franskan veitingastað þar sem gestir
gátu fengið sér ostrur, snigla og foie
gras. Tvíburarnir Mike og Stephane
Saada sögðust tilneyddir til að loka
staðnum áður en kæmi til fjárhags-
legra vandræða.
„Það er nú eða aldrei,“ segir í
auglýsingu staðarins um þessar
mundir, í von um að hvetja forvitna
gesti til að prófa „nakta“ matarupp-
lifun. „Við treystum á þig til að
styðja okkur,“ rita tvíburarnir á Fa-
cebook ásamt því að þakka öllum
sem tóku þátt í ævintýrinu með
þeim.
„Við munum einungis muna eftir
góðum stundum og því frábæra fólki
sem við kynntumst,“ segja þeir.
Staðnum verður lokað fyrir fullt
og allt 16. febrúar næstkomandi.
Þrátt fyrir að strípalingar í París
séu afar leiðir yfir lokuninni segir
Amato, formaður Samtaka strípa-
linga, að staðurinn hafi einfaldlega
verið á undan sinni samtíð.
Naktir Frakkar njóta sín í París
Nakin og samþykkt Um einstaka leiksýningu var að ræða. Leikritið fjallaði um tvö systkini
sem þurfa að afklæðast til þess að skilja hvort annað og ná saman um samfélagsleg málefni.
Fullt hús Leikhúsið, sem ber hið kaldhæðnislega heiti Íshöllin, fylltist á sýningunni. Þrátt fyrir
kaldan janúarmánuð í París kvartaði enginn gestanna yfir kulda meðan á sýningunni stóð.
AFP
Ánægðir naktir gestir Leikhúsið fylltist af nöktum áhorfendum. Hér má sjá nokkra berrassaða menn gægjast niður
á aðra áhorfendur áður en leiksýningin hefst. Þeir gestir sem AFP ræddi við voru afar ánægðir með sýninguna.
Samtök strípalinga í Par-
ís hafa staðið fyrir ýms-
um viðburðum á síðustu
misserum. Í janúarmán-
uði var boðið upp á ein-
staka leiksýningu þar
sem allir áhorfendur
voru án klæða.