Morgunblaðið - 14.02.2019, Síða 57

DÆGRADVÖL 57
MORGUNBLAÐIÐ FIMMTUDAGUR 14. FEBRÚAR 2019
Stjörnuspá
21. mars - 19. apríl 
Hrútur Þú ert að glíma við verkefni sem
krefst mikils af þér. Reyndu að gefa nán-
ustu samböndum þínum sérstakan gaum
þessar vikurnar.
20. apríl - 20. maí 
Naut Reiddu þig ekki um of á aðstoð ann-
arra. Einblíndu á aðalatriðin og þá mun
lausnin fljótlega liggja í augum uppi.
21. maí - 20. júní 
Tvíburar Það getur tekið í að kynnast sið-
um og venjum framandi þjóða en þá er að
mæta þeim opnum huga og láta ekkert
koma sér úr jafnvægi. Leggðu niður varnir
og einhver mun koma þér til hjálpar.
21. júní - 22. júlí 
Krabbi Hafðu augun hjá þér, ef þú skrifar
undir einhver skjöl. Gleðstu með öðrum af
heilum hug og þá mun þér líða og ganga
betur.
23. júlí - 22. ágúst 
Ljón Þú þarft að nota forystuhæfileika
þína til þess að safna vinnufélögum þínum
að viðamiklu verkefni. Veldu vel þá sem þú
umgengst.
23. ágúst - 22. sept. 
Meyja Þú ert í rétta skapinu til að prófa
alls kyns möguleika. Gleymdu ekki að
sinna þér í öllum hamaganginum.
23. sept. - 22. okt. 
Vog Þú hefur mikla löngun til þess að
víkka út sjóndeildarhringinn og læra eitt-
hvað nýtt. Þér hættir til að gera of miklar
kröfur til vissrar persónu.
23. okt. - 21. nóv.
Sporðdreki Láttu það ekki á þig fá þótt
þér finnist stundum smáatriðin gera þér
erfitt um vik. Vinur frá gamalli tíð mun
koma óvænt inn í líf þitt.
22. nóv. - 21. des.

Bogmaður Þú ert skýjum ofar því
draumar þínir eru orðnir að veruleika. Sum
sambönd eru dauðadæmd frá byrjun, opn-
aðu augun.
22. des. - 19. janúar 
Steingeit Þú þarft að gæta þess að láta
ekki tilfinningarnar hlaupa með þig í gön-
ur. Síðar á árinu færðu tækifæri til að
heimsækja stað sem þig hefur lengi
dreymt um.
20. jan. - 18. febr. 
Vatnsberi Þú kemst ekki lengur hjá því að
taka tillit til annarra þegar þú gerir ætlanir
um framtíðina. Makinn á eftir að koma þér
skemmtilega á óvart.
19. feb. - 20. mars

Fiskar Eitthvað verður til þess að setja allt
á annan endann hjá þér í dag. Gerðu þitt
besta og láttu það duga. Þú fréttir af fjölg-
un í stórfjölskyldunni.
Á dögunum skrifaði DavíðHjálmar Haraldsson í Leir-
inn: „Byggð í Grímsey hefur átt
undir högg að sækja og barna-
fjölskyldur þar eru orðnar svo fá-
ar að til vandræða horfir. Því hef-
ur ráðamönnum komið í hug að
hætta eltingaleik við að fá barna-
fólk til Grímseyjar en reyna þess í
stað að fá eldra fólk til að setjast
þar að. Grímsey gæti þannig orðið
fyrirmyndar gamalmennanýlenda
enda skortir ekki ákveðni og góð-
an hug ráðamanna“:
Breytt Grímsey vill gömlum hið besta,
þar góðvild mun ríkja og festa
og augljós er þörfin
fyrir öll nýju störfin
en einkum þó grafara og presta.
Þessi skrif Davíðs Hjálmars ýttu
við mér og rifjaðist upp smáljóð
um Grímsey sem ég orti meðan ég
enn var í pólitík en vinur minn
Atli Heimir Sveinsson samdi lag
við ljóðið og söng það fyrir mig.
Mér þótti það ljómandi fallegt eins
og ljóðið!
Langt í norðri er lítil ey,
þar lifir minning ein
um ungan pilt og yngismey
og á þau sólin skein.
Stúlkan hann við heimskautsbaug
að hjarta sínu dró.
Upp til himins fuglinn flaug
en fiskur sporði sló.
Paradís á eynni er
og opnast lífsins dyr.
Alsælan er alvöld hér
og ekki neins hún spyr.
Grýlukvæði Grímseyinga er
gamansamur bragur sem margir
þekkja eða þekktu. Hann átti sér
nokkurn aðdraganda. Séra Oddur
Gíslason prestaskólakandídat hafði
verið skikkaður „með harðri og
eindreginni skikkun“ til þess að
gegna prestþjónustu í Grímsey en
hann neitaði. Jón Hjaltalín land-
læknir studdi hann, sagði óbúandi
í eynni og rétt væri að flytja
eyjarskeggja í land.
Kvæðið byrjar svo:
Bóndinn á bænum er farinn í
kaupstaðarferð til lands. Konan
situr heima og kveður við son
sinn:
Einatt hef ég horft í land,
hrædd er ég um skipið,
að það sigli upp í sand
eða hreppi meira grand
og reki sig á Hjaltalín með hripið.
Og lýkur svo:
Farðu að sofa, Mangi minn,
á morgun kemur skipið.
Færir þér hann faðir þinn
fíkjurnar og sykurinn;
en aldrei kemur Hjaltalín með hripið.
Halldór Blöndal
halldorblondal@simnet.is
Vísnahorn
Hugsað til Grímseyjar
JÓNAS FANN ANDANN KOMA YFIR SIG. „GeturÐU sektaÐ mig seinna? Ég er aÐ flýta mér.”
Ferdinand
Hrólfur hræðilegi
Grettir
... að styðja hana með
ráðum og dáð.
Í klípu eftir Mike Baldwin eftir Jim UngerHermann
ANDVARP.
ERFIÐUR DAGUR
HVERSU ERFIÐUR ER
HANN, SPYRÐ ÞÚ?
MEIRA AÐ SEGJA BANGSINN
MINN ÞARF BANGSA
VIÐ RÆNDUM BÁÐIR KASTALANN
EN ÞÚ TÓKST NÆSTUM
ALLT GÓSSIÐ!
HVÍ ER ÞAÐ
SANNGJARNT?
GÓÐUR PUNKTUR. ÞÚ MÁTT BERA HLUTA AF ÞVÍ FYRIR MIG!
Víkverji stendur í flutningum þessadagana. Hann hefði aldrei grun-
að allt umstangið sem fylgir. Það þarf
að mála og það þarf að þrífa, jafnvel
þótt það sé búið að þrífa, og það þarf
helst að skipta út öllu og setja allt inn.
Miðað við framkvæmdaáætlun Vík-
verja og fjárráð stefnir hann á að
vera búinn að öllu fyrir pólskiptin, en
þau munu vera í nánd.
x x x
Þá er Víkverji að reka sig á það, aðhann hefur ávallt, líkt og Blanche
DuBois, treyst á gæsku ókunnugra
þegar kemur að því að eiga hluti sem
eiga að vera til á heimilum, eins og
borvélar og ryksugur. Víkverji hefur
nefnilega mjög sjaldan á lífsleiðinni
verið maður einsamall, og nú þegar
hann er svo sannarlega einsamall, á
hann barasta ekki neitt, nema fjóra
veggi, málningardót og Playstation-
tölvu, svona eins og fullorðnum
manni sæmir.
x x x
Sem betur fer býr Víkverji yfirvissum hæfileikum þegar kemur
að því að skrúfa saman IKEA-hillur
og mun hann vonandi eiga fyrir eins
og einni kommóðu og jafnvel sexkanti
til þess að setja hana saman. Víkverji
lætur sig dreyma um að vinna í lottó-
inu, svo hann geti smellt sér á eins og
eina NJÜRGEN-hillu eða jafnvel
FLÜRGEL-skrifboð sem færi svo
vel með JOKKMOKK-stólunum
hans. Alla vegana eitt af þessu er ekta
vöruheiti í IKEA, en Víkverji treystir
sér ekki að fullu til að segja hvert
þeirra.
x x x
Reyndar eru mestu vandræði Vík-verja þau að finna loftljós sem
honum þykja við hæfi. Svo er mál
með vexti að hann myndi vilja eitt-
hvað svona „normal“, sem væri bara
hangandi ljósakróna með eins og ein-
um skermi. Að finna slíka ljósakrónu
virðist hins vegar hægara sagt en
gert. Víkverji elur því með sér þann
draum að opna húsgagnaverslun,
sem myndi einfaldlega heita „Norm-
al“, sem seldi bara mjög staðlaðar út-
gáfur af helstu hlutum. Fyrir þá sem
eru jafn kassalaga í hugsun og Vík-
verji væri slík búð algjör draumur.
vikverji@mbl.is
Víkverji
Jesús mælti: Ég er upprisan og lífið.
Sá sem trúir á mig mun lifa þótt
hann deyi
(Jóh: 11.25)
Sölustaðir: Flest apótek, heilsuhús og heilsuhillur stórmarkaða Nánar á artasan.is
Aldrei haft jafn þykkt hár
„Eftir að hafa misst allt hár í krabbameinsmeðferð byrjaði ég að taka Hair Volume
frá New Nordic. Eftir 4-6 vikur fór hárið að vaxa aftur og ég hef aldrei haft jafnt löng
augnhár, þykkar augabrúnir og þykkt hár eins og núna og það hvarflar ekki að mér að
hætta að taka þetta bætiefni inn.“
Edda Dungal
Hair Volume inniheldur
jurtir og bætiefni sem sem
eru mikilvæg fyrir hárið og
getur gert það líflegra
og fallegra.
Er hárlos eða þunnt hár að plaga þig?