Morgunblaðið - 14.02.2019, Qupperneq 63

MENNING 63
MORGUNBLAÐIÐ FIMMTUDAGUR 14. FEBRÚAR 2019
Davíð Þór Jónsson tónskáld og
Benedikt Erlingsson leikstjóri
hlutu Hörpu, Norrænu kvikmynda-
tónskáldaverðlaunin 2019, fyrir
tónlistina í kvikmyndinni Kona fer í
stríð, þegar verðlaunin voru afhent
í níunda sinn í norrænu sendiráð-
unum í Berlín á þriðjudag.
Dómnefndir hvers lands tilnefna
sína fulltrúa, en lokavalið var í
höndum dómnefndar sem skipuð
var Christine Aufderhaar, George
Christopoulos og Florian Vollmers.
Í rökstuðningi þeirra er bent á að
notkunin á hljómsveitinni sem fylgi
titilpersónu myndarinnar setji ekki
aðeins tóninn fyrir sögu Höllu og
hrynjandi framvindunnar, heldur
einnig persónuna sjálfa. Einnig er
tekið fram að kvikmyndatónlist ein-
skorðist ekki aðeins við tónlistina
sjálfa heldur listrænt samstarf tón-
skálds og leikstjóra. „Af þeim sök-
um falla verðlaun ársins í skaut
bæði tónskáldsins Davíðs Þórs og
leikstjórans Benedikts fyrir skýra
og frumlega útkomu samvinnu
þeirra sem miðlað er jafnt í tónlist
og sjónrænt. Ósk okkar er að verð-
laun ársins hvetji kvikmyndagerð-
arfólk til að líta á tónlistina sem
mikilvægt grunnefni sögunnar sem
eykur áhrif hennar í stað þess að
nálgast tónlistina sem formúlu-
kennt efni sem hafi fyrst vægi við
eftirvinnslu myndar.“
Frá því Harpa var fyrst afhent
2010 hafa alls fjórir Íslendingar
verið verðlaunaðir. Í fyrra hlaut
Daníel Bjarnason verðlaun fyrir
tónlist sína við kvikmynd Hafsteins
Gunnars Sigurðssonar, Undir
trénu. Árið 2016 hlaut Atli Örvars-
son hlaut verðlaun árið 2016 fyrir
tónlist sína við kvikmynd Gríms Há-
konarsonar, Hrútar, en það sama
ár fékk Jóhann Jóhannsson sérstök
heiðursverðlaun.
Davíð Þór og Benedikt
fá Hörpu fyrir Konuna
 Harpa, Norrænu kvikmyndatón-
skáldaverðlaunin afhent í 9. sinn
Ljósmynd/Thomas Kolbein Bjørk Olsen
Glaðir Davíð Þór Jónsson og Bene-
dikt Erlingsson bregða á leik við
verðlaunaafhendinguna í Berlín.
Helgi Snær Sigurðsson
helgisnaer@mbl.is
Tónlistarkonan Steinunn Eldflaug
Harðardóttir, sem gengur undir
listamannsnafninu DJ Flugvél og
geimskip, gaf út nýja breiðskífu 18.
janúar síðastliðinn og nefnist sú Our
Atlantis! eða Okkar Atlantis! og er
gefin út af hollenska fyrirtækinu
Geertruida Records. Platan er að-
gengileg líka á Spotify, fyrir þá sem
vilja hlusta strax.
Steinunn hélt fáeinum dögum eftir
útgáfu plötunnar í ferðalag um Evr-
ópu þar sem hún kynnti hana með
tónleikahaldi. Hún hitaði upp fyrir
bandarísku hávaðarokkssveitina
Lightning Bolt fyrstu viku ferða-
lagsins en þeir sem ekki þekkja til
hennar ættu að kynna sér hana, til
dæmis á YouTube. Einstaklega
hress hljómsveit sem ætti að passa
vel við hina eldhressu Steinunni sem
heimatilbúna þrívíddarlistasýningu
á netinu samhliða plötuútgáfunni og
gaf út tölvuleik fyrir jól, leik sem
tengist einu lagi plötunnar. Lightn-
ing Bolt hefur einnig gefið út tölvu-
leik en á annars lítið sameiginlegt
með Steinunni í tónlist.
Inn í aðrar víddir
Steinunn er spurð að því hvers
vegna hollenskt útgáfufyrirtæki sé
að gefa út plötuna hennar og segist
hún hafa verið á tónleikaferð um
Evrópu og haft viðkomu í Amster-
dam. Í rauða hverfinu rambaði hún
á litla útvarpsstöð og þáttarstjórn-
andi sem þar var að störfum bauð
henni að spila. Að því loknu þurfti
hún að koma sér og öllu sínu haf-
urtaski á næsta stað en enginn
fannst leigubíllinn. Einn útvarps-
mannanna kom henni þá til að-
stoðar og spurði í framhaldi hvort
hún hefði áhuga á að gefa út tónlist
á vegum fyrirtækis sem hann ræki
með vini sínum. Steinunn sló auð-
vitað til og úr varð Our Atlantis!.
Fyrsta plata Steinunnar var
Glamúr í geimnum, svo kom Nótt á
hafsbotni og nú Our Atlantis! og
segist Steinunn nú vera búin að
sameina bæði geim og hafsbotn í
Atlantis. „Mér fannst fínt að sam-
eina þetta tvennt og vera með plötu
sem gerist eiginlega á báðum stöð-
um. Það er talað um að Atlantis hafi
verið hátæknileg borg með geim-
skip og alls konar hlið inn í aðrar
víddir, þú gast farið inn um einar
dyr og varst komin til annarrar
plánetu. Mér fannst þetta svo
skemmtilegt.“
Frekar fjörug
Steinunn segist hafa fengið þá
gagnrýni, þegar hún sagði fólki frá
hugmyndinni, að hún þyrfti nú að
fara að koma sér niður á jörðina,
fara að taka hlutina alvarlega og
hætta að hugsa um geimverur og
aðrar furður. Steinunn segist hafa
ákveðið að gefa skít í þessar athuga-
semdir. Hún hafi viljað gera plötu
sem henni þætti fyndin og skemmti-
leg, plötu sem fjallaði um Atlantis,
borgina týndu. „Að gefa smá skít í að
vera alvarleg, vera frekar fjörug,“
segir Steinunn og hlær.
– Er fólk virkilega að segja við þig
að þú sért ekki nógu alvarleg?
„Já, það hefur verið gert, sérstak-
lega í Hollandi,“ segir Steinunn og
hlær við. Einkum séu það myndlist-
armenn sem hafi gagnrýnt þetta
alvöruleysi hennar. „Þeir hafa spurt
hvort það sé nóg á Íslandi að allt sé
bara fyndið og hvort tónlist eigi ekki
að breyta heiminum. En þetta er nú
líka svolítið frá því að ég var í Lista-
háskóla Íslands, þá átti maður alltaf
að gera eitthvað sem breytti heim-
inum,“ segir Steinunn en hún nam
myndlist í skólanum.
Hún segist einfaldlega gefa skít í
kröfur annarra um alvarleika og
gera það sem hana langi til að gera.
Hún vilji bara fá að vera hún sjálf.
Bjánaleg hljóð
Steinunn segist nær alltaf nota
fyndin hljóð við tónlistarsköpunina
og hafa gaman af því að búa til
bjánaleg hljóð. „Ég hef tekið eftir
því að ef mörg bjánaleg hljóð koma
saman, til dæmis bjánaleg trommu-
hljóð og bjánaleg hljómborðshljóð,
þá verður það stundum alvarlegt. Ef
nógu mikið grín kemur saman, eins
og tveir mínusar verða plús.“
– Þú leyfir ímyndunaraflinu að
fara með þig á flug á Our Atlantis! er
það ekki?
„Jú, ég leyfi hugmyndafluginu að
fljúga þar og ég var búin að lesa mér
til um Atlantis en nennti svo ekkert
að spá í það á meðan ég var að gera
lögin, nema þegar mig vantaði hug-
myndir um hvað ég ætti að syngja.
Eitt lag heitir bara „Atlantis“ og er
um Atlantis en allir hinir textarnir
eru bara eitthvað sem ég var að
syngja um. Þegar maður er búinn að
segja að platan fjalli um Atlantis þá
tengja allir textana og lögin við Atl-
antis,“ svarar Steinunn.
Dýrkar „drum and bass“
– Ég tek eftir því að hljóðheim-
urinn er orðinn ríkari hjá þér, þú ert
farin að blanda inn í hann teknói og
fleiru. Hefurðu verið að leika þér
með strauma og stefnur?
„Já. Þegar ég byrjaði að taka plöt-
una upp fékk ég lungnabólgu og var
veik heima í tvo mánuði og hafði ekk-
ert annað að gera en að vera á netinu
að skoða hvernig ætti að gera tónlist.
Á hinum tveimur plötunum gerði ég
bara eitthvað og fyrir tilviljun kom
eitthvað skemmtilegt út og þá notaði
ég það. En á þessari plötu var ég bú-
in að læra að búa til bjánaleg hljóð á
syntha en áður notaði ég hljóð í
hjómborði,“ útskýrir Steinunn. Hún
segist dýrka „drum and bass“-tónlist
og hafa lært að búa til slíka takta
eins og heyra má á plötunni. „Ég vil
hafa sem mest fjör líka á tónleikum
og elska þegar fólk byrjar að dansa,“
bætir hún við, eldhress að vanda.
Gefur skít í alvarleikann
 Dj Flugvél og geimskip gefur út sína þriðju breiðskífu  Sameinar á henni óravíddir geimsins og
töfraheim hafsbotnsins  Segist hafa verið gagnrýnd fyrir að taka listina ekki nógu alvarlega
Ljósmynd/Art Bicnick
Ævintýraheimur Myndin sem fylgir nýjustu plötu Steinunnar, Our Atlantis!
Einstök Steinunn Eldflaug
Harðardóttir, DJ Flugvél
og geimskip.
DUXIANA Reykjavik | Ármuli 10 | Reykjavik | +354 5 68 99 50 | www.duxiana.is
GÆÐI OG ÞÆGINDI
SÍÐAN 1926
DUX 1001 - VÍÐÞEKKT ÞÆGINDI
Byggt á fyrsta DUX rúminu sem var framleitt árið 1926, þetta er sannarlega það sem draumar eru byggðir á.