Morgunblaðið - 23.02.2019, Blaðsíða 18

18 FRÉTTIRInnlent
MORGUNBLAÐIÐ LAUGARDAGUR 23. FEBRÚAR 2019
5 herbergja efri hæð og ris ásamt bílskúr í raðhúsi í Keflavík.
Mjög vel staðsett og mikið endurnýjuð eign
Í göngufæri við skóla, íþróttamannvikri og þjónustu.
Stærð 113,5 m2
Verð kr. 35.000.000
Faxabraut 38, 230 Reykjanesbæ
Nánari upplýsingar á skrifstofu s. 420 6070 eða eignasala@eignasala.is
BAKSVIÐ
Baldur Arnarson
baldura@mbl.is
Vegna ákvæða í tvísköttunar-
samningi milli Íslands og Portúgals
geta íslenskir eftirlaunaþegar flutt
lögheimili sitt til Portúgals og fengið
greidd eftirlaun frá Íslandi án þess
að greiða af þeim skatta, hvorki á
Íslandi né í Portúgal.
Alexander G. Edvardsson, sér-
fræðingur á skatta- og lögfræðisviði
KPMG, segir að
eftirlaun, leigu-
tekjur af húsnæði
og arður séu ekki
skattlögð ef við-
komandi hefur
flutt lögheimili
sitt til Portúgals.
Alexander
bendir á að í
Portúgal sé
greiddur skattur
af iðgjöldum í líf-
eyrissjóði en ekki af eftirlauna-
greiðslum. Þessu sé öfugt farið á Ís-
landi þar sem greiðslur í lífeyrissjóði
hér eru ekki skattlagðar en greiddur
skattur af eftirlaunum.
Fara út úr velferðarkerfinu
Alexander segir aðspurður dæmi
um að íslenskir eftirlaunaþegar hafi
flutt lögheimili til landa á borð við
Portúgal og greiði þar skatta sam-
kvæmt reglum ytra.
„Á móti kemur að viðkomandi er
fluttur frá Íslandi, hefur ekki lengur
búsetu hér og er þar með ekki leng-
ur í velferðar- og heilbrigðiskerfinu
á Íslandi,“ segir Alexander.
Hann segir aðspurður að réttindi
hvað varðar velferðar- og heil-
brigðiskerfið á Íslandi endur-
heimtist á um sex mánuðum við
flutning lögheimilis aftur til Íslands.
„Það er í gildi gamall tví-
sköttunarsamningur við Portúgal.
Skattlagningarréttur á launum, eða
eftirlaunum, er í Portúgal. Ef menn
eru að hugsa um að flytja lögheimilið
og þar með skattskyldu sína til
Portúgals er að ýmsu að hyggja,“
segir hann og tekur dæmi um skatta
af eftirlaunum.
Eingreiðslur skattlagðar
„Ef viðkomandi á til dæmis 20
milljónir í lífeyrissjóði og lætur
flytja fjármunina til Portúgals í ein-
greiðslu en flytur svo aftur lögheim-
ili til Íslands, og fjármunina einnig,
gengur dæmið ekki upp. Slíkar ein-
greiðslur eru skattlagðar í Portúgal.
Mánaðarlegar lífeyrisgreiðslur eru
hins vegar ekki skattlagðar. Menn
þurfa að gæta þess að gera þetta
rétt. Ef menn eiga töluverð upp-
söfnuð lífeyrisréttindi á Íslandi get-
ur skattspörun við flutning þó verið
umtalsverð,“ segir Alexander.
130 þúsund af 500 þúsund
Hann stillir upp dæmi.
„Ef viðkomandi fær 500 þúsund
krónur í eftirlaun á mánuði myndi
hann þurfa að greiða því sem næst
130 þús. kr. í tekjuskatt og útsvar
hér á landi. Með því að flytja til
Portúgals getur þessi einstaklingur
sparað sér skattgreiðslur á einu ári
upp á um 1.560 þúsund. Það eru
tæpar 16 milljónir á áratug,“ segir
Alexander sem kveðst ekki hafa
upplýsingar um hvað sjúkratrygg-
ingar kosta innflytjendur í Portúgal.
Aðgangur að velferðar- og
heilbrigðiskerfinu kostar sitt.
Lægri framfærslukostnaður
„Við þetta bætist að það er miklu
ódýrara að lifa í Portúgal enda er
framfærslukostnaður miklu lægri.
Það er hægt að gera ýmislegt fyrir
þessar 15 milljónir sem sparast á
áratug. Maður hefur heyrt sögur af
Bretum, Dönum og öðrum Norður-
landabúum sem búa megnið af árinu
suður frá þegar þeir fara á eftirlaun.
Heilu hverfin hafa verið byggð þar
sem til dæmis Þjóðverjar og Bretar
eru fjölmennir,“ segir Alexander.
Samkvæmt tölum Hagstofunnar
voru brottfluttir umfram aðflutta til
Portúgals alls 491 árin 2008-11. Árin
2012 til 2017 voru aðfluttir umfram
brottflutta hins vegar 546.
Sé eingöngu horft til íslenskra
ríkisborgara fluttu 23 fleiri til Portú-
gals á árunum 2008 til 2017 en fluttu
þá til Íslands.
Njóta skattleysis í Portúgal
 Íslenskir ellilífeyrisþegar sem flytja lögheimili sitt til Portúgals greiða ekki
skatta af eftirlaunum  Sérfræðingur segir mikið geta munað um skattleysið
Morgunblaðið/Brynjar Gauti
Algarve Portúgal er með langar strandlengjur. Þá hefur heimsborgin Lissabon upp á margt að bjóða.Alexander G.
Edvardsson
Til að halda réttindum í vel-
ferðar- og heilbrigðiskerfinu á
Íslandi þurfa íslenskir ríkisborg-
arar að hafa verið a.m.k. 183
daga af 365 á landinu yfir árið,
eða degi lengur en hálft ár.
Alexander segir dagafjöldann
hafa komið til kasta dómstóla í
ágreiningsmálum. Í einhverjum
málum hafi verið aflað gagna
um dvalardaga á Íslandi með því
að kanna mætingu í líkams-
ræktarstöð World Class. Allur
gangur sé á því hvernig fylgst
sé með búsetu fólks sem er
mikið á ferðinni. Algengt sé að
menn taki saman flugseðla til
að geta lagt þessar upplýsingar
fram ef skattyfirvöld fara fram
á staðfestingu á dvalartíma.
Séu minnst
183 daga
RÉTTINDI Á ÍSLANDI
Skipstjóri hefur verið ákærður
fyrir að hafa siglt undir áhrifum
fíkniefna frá Flateyri til Suður-
eyrar um miðjan desember. Auk
þess er maðurinn ákærður fyrir
að slökkva á staðsetningartæki
skipsins og fyrir að hafa ekki
skráð skipverja um borð með rétt-
um hætti, en það síðastnefnda er
brot á lögum um lögskráningu
skipverja.
Greint var frá ákærunni á vef
RÚV í gær. Farið er fram á að
maðurinn verði dæmdur til refs-
ingar og sviptur skipstjórnarrétt-
indum sínum. Í ákæru kemur fram
að hann hafi verið undir áhrifum
amfetamíns.
Fram kom í frétt mbl.is um
miðjan desember að hinn 14. þess
mánaðar hefði lögreglu borist
ábending um að skipstjórinn væri
mögulega undir áhrifum fíkniefna
við stjórn bátsins en hann nálg-
aðist þá Flateyri að loknum
veiðum. Auk skipstjórans voru
fjórir aðrir skipverjar um borð.
Lögreglan beið skipstjórans á
bryggjunni á Flateyri en þegar
hann varð var við laganna verði
sneri hann frá höfninni og sigldi
áleiðis út Önundarfjörð. Slökkti
hann um leið öll siglingaljós og
fljótlega á sjálfvirkum tilkynning-
arskyldubúnaði og því gat Vakt-
stöð siglinga ekki séð staðsetningu
bátsins.
Í framhaldinu voru björgunar-
sveitir kallaðar út til leitar að
bátnum, auk þyrlu og varðskips
Landhelgisgæslunnar. Þá fóru lög-
reglumenn á nálægar hafnir.
Um tveimur tímum eftir að bát-
urinn hafði farið frá Flateyri kom
hann í höfn á Suðureyri, þar sem
skipstjórinn var handtekinn og
færður á lögreglustöðina á Ísa-
firði.
Frá Flateyri Skipstjórinn sigldi þaðan til
Suðureyrar undir áhrifum fíkniefna.
Ákærður fyrir
fíkniefnasiglingu
Morgunblaðið/Sigurður Bogi
Matvælastofnun og Lyfjastofnun
sendu út viðvörun í gær við neyslu
á svonefndu tianeptine-efni og öðr-
um efnum sem seld eru á netinu
undir heitinu nootropics og hafa
mörg hver lyfjavirkni.
„Nootropics eru efni sem sögð
eru örva heilastarfsemi og eru al-
geng í netsölu erlendis frá. Þau
innihalda í sumum tilvikum lyfja-
virk efni sem geta verið hættuleg
heilsu ef þau eru notuð án sam-
ráðs við lækni. Talið er að ein-
staklingur hafi nýlega látist hér-
lendis vegna inntöku tianeptine,“
segir í tilkynningunni.
Fram kemur að efnið tianeptine
sulphate fannst í fórum einstakl-
ingsins sem lést og telja læknar að
það kunni að hafa valdið dauða
hans. Ekki sé hægt að veita nánari
upplýsingar um atvikið.
„Ekki er að fullu ljóst hvort efn-
ið sem einstaklingurinn tók og
innihélt tianeptine hafi verið flutt
inn sem lyf eða fæðubótarefni.
Eins er óljóst hvort viðkomandi
hafi flutt inn efnið sjálfur og hve
lengi hann hafi notað það. Tia-
neptine er lyf notað við þunglyndi.
Tianeptine er ekki með markaðs-
leyfi á Íslandi og því engin lyf til
sölu á Íslandi sem innihalda efnið.
Það er hins vegar með markaðs-
leyfi sumstaðar í Evrópu, Asíu og
Suður-Ameríku,“ segir enn fremur
í tilkynningu Matvælastofnunar og
Lyfjastofnunar.
Auðvelt að nálgast tianeptine á
erlendum vefsíðum
Bent er á að einföld leit á netinu
leiði í ljós að auðvelt sé að nálgast
tianeptine í gegnum erlendar vef-
verslanir. Þannig sé hægt að
kaupa efnið frá Evrópu, Banda-
ríkjunum og öðrum ríkjum. Yfir-
leitt er tianeptine ekki selt sem lyf
heldur markaðssett sem fæðu-
bótarefni.
Þá segir að efnið virðist einnig
vera markaðssett án skilgrein-
ingar á því hvort um lyf eða
fæðubótarefni sé að ræða. Rétt sé
því að benda á að ólíkar reglur er
að finna í mismunandi ríkjum um
hvort efni séu skilgreind sem
fæðubótarefni eða lyf.
,,Ekki eru gerðar jafn ríkar
kröfur til framleiðslu fæðubótar-
efna og gerist með lyf. Því skal
ávallt gæta varúðar við kaup og
notkun slíkra efna, einkum ef þau
eru keypt erlendis eða í gegnum
erlendar vefverslanir.
Matvælastofnun og Lyfjastofnun
vara við notkun á vörum sem inni-
halda tianeptine, sérstaklega ef
efnið er ekki notað í þeim tilgangi
sem upphaflega var ætlað, þ.e.
sem lyf við þunglyndi í skömmtum
skv. læknisráði.“
Talinn hafa látist
eftir töku tianeptine