Morgunblaðið - 23.02.2019, Page 49

MENNING 49
MORGUNBLAÐIÐ LAUGARDAGUR 23. FEBRÚAR 2019
FYRSTA FLOKKS RÁÐSTEFNU- OG
FUNDARAÐSTAÐA UM ALLT LAND
– ÁRSHÁTÍÐIR, SÖLUFUNDIR,
NÁMSKEIÐ, VEISLUR OG VIÐBURÐIR –
Nánari upplýsingar: islandshotel.is/fundir
Bókanir: fundir@islandshotel.is
Heiðursverðlaunahafi Eddunnar í
ár er Egill Eðvarðsson, sem hefur
starfað við íslenska sjónvarps- og
kvikmyndagerð í hartnær 50 ár –
og er enn að. Hann kveðst þó aldrei
hafa leitt hugann sérstaklega að því
að sjálfur ætti hann eftir að standa
á sviðinu og taka á móti Eddu-
verðlaunum. „Ég hef oftast verið
bak við tjöldin í beinum útsend-
ingum frá Eddunni, allt frá þeirri
fyrstu 1999, eins og svo mörgum
stórviðburðum í áranna rás,“ segir
Egill.
Hins vegar viðurkennir hann að
hafa á stundum talað fjálglega um
að ef ætti einhvern tímann að verð-
launa hann fyrir eitthvað myndi
hann afþakka það pent. „Það kom
því vel á vondan þegar mér var til-
kynnt í símtali hvað stæði til. Eftir
smá umhugsunarfrest ákvað ég að
ég vildi ekki vera leiðinlegri en ég
er og að vitaskuld væri mér mikill
heiður sýndur. Ef ég skil þetta rétt
er verið að verðlauna mig fyrir gott
ævistarf, en ekki bara af því ég er
næstur á eftir Dunu (Guðný Hall-
dórsdóttir, heiðursverðlaunahafi í
fyrra) í stafrófinu.“
Dagskrárgerð og upptökustjórn
hefur verið hans aðalstarfi, lengst
af hjá RÚV, þar sem hann er ný-
hættur sem fastur starfsmaður
samkvæmt aldursreglum ríkisins
en starfar enn sem lausamaður.
„Munurinn í dag er aðallega sá að
síðastliðin tvö ár hef ég verið í
100% starfi í stað 200% áður,“ segir
heiðursverðlaunahafinn.
Egill er landsmönnum einnig
kunnur sem leikstjóri, leikmynda-
hönnuður, handritshöfundur, klipp-
ari og framleiðandi kvikmynda og
sjónvarpsefnis. Hann hefur sett
mark sitt á íslenska kvikmynda-
sögu „með framúrskarandi störf-
um“ eins og það var orðað á hátíð-
inni í gær. Fyrir algjöra tilviljun í
rauninni. Árið 1971 var hann nýút-
skrifaður frá Myndlista- og hand-
íðaskóla Íslands, stefndi á fram-
haldsnám sem myndlistarmaður og
þótti sjónvarp fremur hallærislegt
fyrirbæri að eigin sögn. „Til að
gera langa sögu stutta, þá vildi dag-
skrárstjórinn, Jón heitinn Þór-
arinsson, fá í liðið menntaðan
myndlistarmann sem jafnframt
hefði lokið einhverju tónlistarnámi.
Ég uppfyllti skilyrðin, var ráðinn
og sendur í eins árs nám hjá
Sænska sjónvarpinu þar sem ég til-
einkaði mér litasjónvarp fyrstur ís-
lenskra sjónvarpsmanna á meðan
hér heima var tilveran svart/hvít.
Síðan hef ég verið lukkunnar pam-
fíll og fengið öll þau tækifæri sem
sjónvarp og kvikmyndagerð bjóða
upp á. Þetta er gott líf!“
vjon@mbl.is
Hefur oftast verið
bak við tjöldin á
Eddu-hátíðum
 Egill Eðvarðsson fékk heiðursverðlaun
Eddunnar fyrir framúrskarandi störf
Heiðursverðlaunahafinn Egill
Eðvarðsson er lukkunnar pamfíll.
Kona fer í stríð stóð uppi sem sigur-
vegari á Edduhátíðinni 2019 sem
fram fór í gærkvöldi. Kvikmyndin
hafði verið tilnefnd til 10 verðlauna
og vann þau öll, m.a. sem kvikmynd
ársins, fyrir leikstjórn, handrit,
leikkonu í aðalhlutverki og tónlist.
Eftir því sem Morgunblaðið kemst
næst hefur það aðeins einu sinni áð-
ur gerst í sögu Edduverðlaunanna
að kvikmynd sem tilnefnd er til tíu
eða fleiri verðlauna vinni í öllum til-
nefndum flokkum, en það var á
Edduhátíðinni 2015 þegar Vonar-
stræti vann til 12 verðlauna.
Lof mér að falla, sem tilnefnd var
til 12 verðlauna, hlaut næstflest
verðlaun eða samtals fern, m.a. fyr-
ir gervi en Kristín Júlla Kristjáns-
dóttir átti allar þrjár tilnefningar í
þeim flokki. Fréttaskýringaþátt-
urinn Kveikur hlaut þrenn verð-
laun.
Kvikmynd ársins
Kona fer í stríð
Leikstjórn
Benedikt Erlingsson fyrir Kona fer
í stríð
Handrit
Benedikt Erlingsson og Ólafur
Egill Egilsson fyrir Kona fer í stríð
Leikkona í aðalhlutverki
Halldóra Geirharðsdóttir fyrir Kona
fer í stríð
Leikari í aðalhlutverki
Gísli Örn Garðarsson fyrir Varg
Leikkona í aukahlutverki
Kristín Þóra Haraldsdóttir fyrir Lof
mér að falla
Leikari í aukahlutverki
Þorsteinn Bachmann fyrir Lof mér
að falla
Kvikmyndataka
Bergsteinn Björgúlfsson fyrir Kona
fer í stríð
Klipping
Davíð Alexander Corno fyrir Kona
fer í stríð
Leikmynd
Snorri Freyr Hilmarsson fyrir Kona
fer í stríð
Tónlist
Davíð Þór Jónsson fyrir Kona fer í
stríð
Hljóð
Aymeric Devoldere, Francois De
Morant, Raphael Sohier og Vincent
Cosson fyrir Kona fer í stríð
Brellur
Cem Olcer, Stephane Vogel og
Annabelle Zoellin fyrir Kona fer í
stríð
Búningar
Eva Vala Guðjónsdóttir fyrir Lof
mér að falla
Gervi
Kristín Júlla Kristjánsdóttir fyrir
Lof mér að falla
Barna- og unglingaefni
Lói – þú flýgur aldrei einn
Heimildarmynd
UseLess
Stuttmynd ársins
Nýr dagur í Eyjafirði
Leikið sjónvarpsefni
Mannasiðir
Sjónvarpsmaður ársins
Sigríður Halldórsdóttir fyrir Kveik
Frétta- eða viðtalsþáttur
Kveikur
Menningarþáttur
Fullveldisöldin
Mannlífsþáttur
Líf kviknar
Skemmtiþáttur
Áramótaskaup 2018
Upptöku- eða útsendingastjórn
Björgvin Harðarson fyrir Pál Óskar
í Höllinni
Sjónvarpsefni ársins
Kveikur
Heiðursverðlaun
Egill Eðvarðsson
Morgunblaðið/Kristinn Magnússon
Leikstjóri ársins Benedikt Erlingsson hlaut verðlaunin fyrir Kona fer í stríð.
Konan sigursælust
 Kona fer í stríð hlaut öll 10 verðlaunin sem hún var til-
nefnd fyrir  Lof mér að falla hlaut fern og Kveikur þrenn
Gleði Steinunn Ása Þorvaldsdóttir og Þorsteinn Bachmann voru kát.
Leikkona ársins Halldóra Geirharðsdóttir þótti bera af.