Morgunblaðið - Sunnudagur - 24.02.2019, Blaðsíða 22

Lagerfeld þakkar fyrir sig að lokinni tískusýningu í Metropolitan-safninu í
New York. Honum við hlið eru samstarfskona hans til áratuga, Virginie
Viard, sem nú tekur við listrænni stjórn Chanel, og guðsonur hans
Hudson Kroenig, sem mun líklega erfa hluta af auðæfum hönnuðarins.
Einhver afkastamesti og áhrifamesti fata-
hönnuður síðustu áratuga féll frá í vikunni.
Tískuheimurinn syrgir Karl Lagerfeld, sem
þekktastur er sem listrænn stjórnandi Chanel
en hann lést í París 85 ára gamall.
Inga Rún Sigurðardóttir ingarun@mbl.is
Lagerfeld var þekktur fyrir mikinn metnað í sviðsetningum tískusýninga Chanel í Grand Palais en það var vissu-
lega mjög metnaðarfullt að sýna eldflaugaskot eins og hann gerði árið 2017.
AFP
Keisarinn
kveður
Lagerfeld við hlið teikningar sinnar af Choupette, sem erfir eiganda sinn
að hluta. Kötturinn sat ávallt til borðs með hönnuðinum á matmálstímum.
Choupette er með eigið Instagram og 239.000 fylgjendur.
Lagerfeld við hlið fyrirsætu sem sýnir hér
hönnun hans fyrir Chloé árið 1977.
Claudia Schiffer
sýnir hátískulínu
Chanel fyrir
veturinn 1992-93.
Karl Lagerfeld lést í París áþriðjudag, 85 ára gamall.Hann hefur verið listrænn
stjórnandi Chanel frá 1983 og Fendi
frá 1965 auk þess að vera með sitt
eigið tískumerki. Lagerfeld, sem var
auðþekkjanlegur með sín dökku sól-
gleraugu, silfurtagl og grifflur, bjó yf-
ir þeim hæfileika að geta talað mörg
tískutungumál á sama tíma. Undir
hans stjórn hafa bæði Chanel og
Fendi blómstrað, hvort á sinn hátt.
Hann var líka heimsborgari og las
bæði ensku, frönsku, þýsku og
ítölsku.
New York Times bendir á að þegar
hann stóð á áttræðu hefðu flestir
jafnaldrar hans dregið sig í hlé og
einbeitt sér að þægilegu snekkjulífi
eða sveitasælu á setrinu sínu. Ekki
Lagerfeld, hann hannaði að meðaltali
14 nýjar fatalínur á hverju ári, þar
með taldar hátískulínur en án þess að
teknar séu með í reikninginn einstaka
samvinnulínur eða sérverkefni.
„Maður fær hugmyndir þegar maður
er að vinna,“ sagði hann baksviðs fyr-
ir Fendi-tískusýningu þegar hann var
83 ára gamall.
Lagerfeld var líka ljósmyndari, út-
gefandi og höfundur vinsællar bókar
um mataræði, The Karl Lagerfeld
Diet, frá 2002 sem sagði frá því
hvernig honum sjálfum hefði tekist að
missa rúmlega 40 kg. Drifkrafturinn
að þessu eins og öllu sem hann gerði
kom úr tískuheiminum; Lagerfeld
langaði að klæðast fötum sem Hedi
Slimane hannaði fyrir Dior Homme.
Athygli vakti að hluti af mataræðinu
var ótæpileg drykkja af Diet Coke.
Lagerfeld tók við Chanel þegar
tískuhúsið var einungis á lífi vegna
ilmvatns- og snyrtivörusölu og um-
bylti því. Tekjur Chanel eru nú sagð-
ar vera um 500 milljarðar kr. á ári.
Eftir þetta var brautin rudd fyrir
hönnuði til að endurvekja og breyta
eldri tískuhúsum rétt eins og Tom
Ford gerði hjá Gucci og John Galli-
ano hjá Dior.
Lagerfeld fæddist í Þýskalandi en
flutti til Parísar sem unglingur. Hann
vann hjá Pierre Balmain, Jean Patou,
Krizia, Ballantyne, Charles Jourdan
og Chloé þar sem hann var í tíu ár þó
hann hafi verið lengst hjá Chanel og
Fendi.
Lagerfeld var verðlaunaður af fé-
lagi fatahönnuða í Bandaríkjunum
fyrir ævistarf sitt árið 2002. Hann
fékk jafnfram æðstu verðlaun Par-
ísarborgar árið 2017 fyrir þjónustu
við borgina.
’ Lagerfeld, sem var auðþekkjanlegurmeð sín dökku sólgleraugu, silfurtaglog grifflur, bjó yfir þeim hæfileika að getatalað mörg tískutungumál á sama tíma.
Ásamt Lindu Evangelista
og Naomi Campbell eftir
sýningu á haust- og vetrar-
tísku Chanel 1996-1997.
Keisarinn þakkar fyrir sig að
lokinni hátískusýningu Cha-
nel fyrir sumarið 2017 í
Grand Palais í París. Honum
við hlið er Lily-Rose Depp.
Þessi mynd var tekin á námsárum hans, árið
1954, en hann fékk alþjóðleg hönnunarverðlaun
í flokki kápa. Yves Saint Laurent vann í kjóla-
flokknum sama ár. Þetta eru sömu verðlaun og
heita nú International Woolmark Prize.
Lagerfeld vann mikið
með frönsku fyrir-
sætunni Ines de la
Fressange en þessi
mynd er frá 1989.
22 MORGUNBLAÐIÐ SUNNUDAGUR 24.2. 2019
HÖNNUN OG TÍSKA