Morgunblaðið - Sunnudagur - 24.02.2019, Blaðsíða 36

36 MORGUNBLAÐIÐ SUNNUDAGUR 24.2. 2019
LESBÓK
MÁLMUR „Ég er fyrst og fremst málmhaus, síðan tón-
listarmaður,“ segir Max Cavalera í samtali við vefmiðil-
inn A&P-Reacts, spurður hvað brýni hann áfram eftir
þrjátíu ár í bransanum með Sepultura, Soulfly, Cavalera
Conspiracy og fleiri böndum. „Ég hef aldrei vaxið upp
úr málmhausnum og finnst ég ennþá vera fimmtán ára í
kjallaranum í Santa Tereza [hverfi í Belo Horizonte í
Brasilíu] að hlusta á þungarokk. Satt best að segja lang-
ar mig ekki að vaxa upp úr þessu; það er meðvituð
ákvörðun að þroskast ekki. Einhverjum kann að þykja
það galið en mér er slétt sama. Svo er alltaf jafn gaman
að hitta aðdáendurna. Um daginn hitti ég hermann sem
gaf mér medalíuna sína frá Írak. Hann hafði verið þar
þrisvar og hlustað á Soulfly allan tímann. Það er svalt.“
Ennþá fimmtán ára
Max gamli Cavalera hress að vanda.
KVIKMYNDIR Breska leikkonan Lena Headey,
sem þekktust er fyrir hlutverk sitt í sjónvarps-
þáttunum Game of Thrones, kveðst í samtali við
breska blaðið Sunday Times nokkuð viss um að sú
staðreynd að hún neitaði að sofa hjá kvikmynda-
framleiðandanum Harvey Weinstein á sínum tíma
hafi hægt á ferli hennar. „Eftir að í ljós kom að
hann er ógeðskarl, sem fleiri en ég hafa lent í, fór
ég að velta fyrir mér hvort það að hafa ekki
sofið hjá honum hafi skaðað feril minn í heil-
an áratug. Áður en þetta átti sér stað vann
ég í tvígang fyrir Miramax [fyrirtæki
Weinsteins] en eftir það ekki söguna
meir.“
Lena Headey
leikur Cersei
Lannister í
GOT.
AFP
Andri og Hinrika alvarleg í bragði.
Ófærð lýkur
RÚV Lokaþáttur annarrar seríu
Ófærðar er á dagskrá á sunnudags-
kvöldið og spennan í hámarki.
„Þórhildur er í mikilli hættu og
Andri má ekki láta undan örvænt-
ingunni. Hann verður að finna
manninn sem rændi henni en fyrst
þarf hann að kafa djúpt ofan í
leyndarmálin sem umlykja fjöl-
skylduna í dalnum,“ segir í kynn-
ingu á heimasíðu RÚV. Það er eins
gott fyrir áhorfendur að spenna
sætisólarnar.
SJÓNVARP SÍM-
ANS The Truth
About the Harry
Quebert Affair
nefnast spennu-
þættir sem sýndir
eru á sunnudags-
kvöldum um þess-
ar mundir. Þeir
fjalla um virtan og
vinsælan rithöf-
und sem grunaður er um að hafa
myrt fimmtán ára gamla stúlku fyr-
ir meira en þrjátíu árum. Rithöf-
undurinn, sem Patrick Dempsey
leikur, gengst við því að hafa átt
vingott við stúlkuna en harðneitar
að hafa orðið henni að bana. Um
leið og lögregla rannsakar málið
fer vinur Queberts á stúfana í þeirri
von að komast að sannleikanum.
Morðrannsókn
Patrick
Dempsey
STÖÐ 2 Níunda þáttaröðin af hin-
um óborganlegu bandarísku spé-
dramaþáttum Shameless er komin
á fullan skrið að nýju eftir stutt hlé.
Sem fyrr er hermt af ævintýrum
hinnar litríku Gallagher-fjölskyldu,
vina hennar og nágranna, og sem
fyrr getur allt gerst. Það er engin
tilviljun að þættirnir eru á dagskrá
á síðkvöldi þegar blessuð börnin
eru komin í háttinn.
Allt getur gerst í Shameless.
Skamm, skamm
Fyrir tveimur árum kom nafniðMahershala Ali sjaldan uppþegar helstu kvikmynda-
stjörnur þessa heims bar á góma og
eflaust hafa einhverjir þurft að láta
stafa það fyrir sig þegar maðurinn
hlaut Óskarsverðlaunin fyrir bestan
leik í aukahlutverki í kvikmyndinni
Moonlight, lítilli perlu sem laumaðist
aftan að fólki. Aftur mætir Ali á Ósk-
arshátíðina um helgina og margir
spá því að hann snúi heim með annan
Óskar; að þessu sinni fyrir bestan
leik í aukahlutverki í Green Book.
Ali leikur þar tónlistarmanninn
dr. Don Shirley og hefur frammi-
staðan þegar skilað honum Golden
Globe-verðlaununum. Fari Ali með
sigur af hólmi verður hann aðeins
annar blökkumaðurinn í sögunni til
að hreppa Óskarinn tvisvar og sá
fljótasti til að næla sér í tvö stykki
frá því Tom Hanks vann verðlaunin
tvö ár í röð, 1994 og 1995.
Þrátt fyrir nýfundna frægð er Ali
enginn nýgræðingur á sviði leik-
listar. Hann fagnaði 45 ára afmæli
sínu á dögunum og hóf ferilinn í
sjónvarpsþáttunum Crossing Jor-
dan í blábyrjun aldarinnar. Fleiri
sjónvarpsþættir fylgdu og smærri
hlutverk í kvikmyndum á borð við
The Curious Case of Benjamin But-
ton, The Place Beyond the Pines og
The Hunger Games, 1 og 2. Fyrir
Moonlight var Ali þó líklega þekkt-
astur fyrir að hafa leikið hinn stima-
mjúka Remy Danton í sjónvarps-
þáttunum Spilaborg (House of
Cards) frá 2013-16. Hann sagði sig
þó frá því verkefni þá leikar hæst
stóðu til að gera lokaatlögu að því að
verða burðarleikari í kvikmyndum.
Hugboð hans virðist hafa verið rétt.
Hann var einnig í Spider-Man:
Into the Spider-Verse á síðasta ári
og á dögunum var frumsýnd spennu-
myndin Alita: Battle Angel með Ali í
stóru hlutverki.
Kann vel við sig í fortíðinni
Því fer þó fjarri að Ali hafi sagt skilið
við sjónvarpið en hann hefur fengið
mikið lof fyrir túlkun sína á rann-
sóknarlögreglumanninum Wayne
Hays í þriðju seríunni af True De-
tective. Kappinn virðist kunna vel
við sig í fortíðinni en Green Book
gerist í byrjun sjöunda áratugarins
og True Detective III hefst árið 1980
en skilar sér að vísu á endanum inn í
nútímann.
Í nýlegu samtali við breska blaðið
The Guardian kveðst Ali hafa haft
yndi af því að leika Don Shirley sem í
raun og sann var til. „Honum tókst
aldrei að brjótast út úr einangrun
sinni vegna þess að hann hefur lík-
lega verið á undan sínum samtíma.
Manni verður hugsað til Michaels
Jacksons, Prince og slíkra manna
sem voru svo hæfileikaríkir og
óvenjulegir að þeir urðu hálfpartinn
að geimverum í huga okkar hinna,“
segir Ali í samtalinu.
Dr. Shirley stekkur sjaldan bros í
myndinni enda sætir hann slíkri
meðferð í suðurríkjum Bandaríkj-
anna í upphafi sjöunda áratugarins,
þrátt fyrir hæfileika sína, að flestum
væri líklega grátur í huga. Ali kveðst
tengja vel við þetta enda hafi hann
lengi verið meðvitaður um það
hvernig fólk horfir á hann, hávaxinn,
stæltan, þeldökkan karlmann.
„Sumir finna til hræðslu þegar þeir
sjá mig; finnst ég á einhvern hátt
ógnandi,“ segir Ali og bætir við að
hann hafi um tíma verið svo ósáttur
við þetta að það hafi haft áhrif á orku
hans þann daginn.
Þess vegna var auðvelt að þvinga
fram brosið í Green Book.
„Það er bara hluti af
taktíkinni sem svartur
maður þarf að búa að
þegar hann skimar
veröld sem veit
ekki hvernig hún
á að bregðast við
honum.“
Brosið gæti
orðið afslapp-
aðra um
helgina.
Mahershala Ali með
SAGA-verðlaunin sem
hann hlaut fyrir leik
sinn í Green Book í
síðasta mánuði.
AFP
Finnist ykkur Mahershala Ali
vel í lagt, prófið þá fullt nafn
leikarans, Mahershalal-
hashbaz Ali, upphaflega Gil-
more. Hann er af kristnu for-
eldri og nafnið kemur beint
úr hinni helgu bók. Ali er að
mestu alinn upp hjá móður
sinni en faðirinn yfirgaf þau
til að freista gæfunnar í söng-
leikjum á Broadway. Lítið
samband var milli feðganna
eftir það. Ali þótti hið kristna
uppeldi íþyngjandi, sem varð
til þess að hann sökkti sér í
heimspeki og trúarbrögð.
Niðurstaðan var sú að
taka íslamstrú árið 2000
og breyta nafninu í Ali.
„Þetta var lógískt þá
en síðan kom 11.
september,“
segir hann og
viðurkennir að
erfiðara hafi
verið að vera
múslimi í
Bandaríkj-
unum síðan.
Gerðist
múslimi
Ali með eigin-
konu sinni, Ama-
tus Sami-Karim.
Ali leikur á als oddi
Eftir þungan róður framan af leiklistarferlinum er Mahershala Ali nú á allra vörum vestur í henni
Hollywood. Og þykir líklegur til að bæta rós í hnappagatið þegar Óskarnum verður úthlutað í kvöld.
Orri Páll Ormarsson orri@mbl.is
Refsað fyrir að sofa ekki hjá Weinstein