Skagablaðið - 19.12.1989, Síða 14
14
Skagablaðið
samþykkt að kaupa vörubílinn
E-170 og Daníel hafði fest kaup
á bifreiðinni án þess að bæjar-
stjórn hefði staðfest samþykkt
bæjarráðs. Á þessari forsendu
meðal annars byggðu Alþýðu-
flokksmenn tillögu sína um að
láta reka bæjarstjórann og fengu
Sjálfstæðismenn til liðs við sig
í því. Bæjarstjórn samþykkti
brottreksturinn á miklum
spennufundi 24. ágúst.
Daníel vissi hvað var í bígerð
og tafði fundinn með löngum
ræðum um óskyld málefni fram á
nótt. Bæjarbúar sóttu fundinn
eins og húsrými leyfði og urðu
vitni að frægri aftöku.
Daníel lét sér ekki segjast.
Hann neitaði að víkja nema að
undangengnum dómi og sat í
heila viku án þess að andstæðing-
ar hans gætu að gert. Svo fór þó
að lokum að hann yfirgaf bæjar-
skrifstofurnar og Alþýðublaðið
birti mynd af því þegar skrif-
borðið hans var borið út og sett
upp á bíl. Bæjarstjóraferli
Daníels var þar með lokið, en
nýtt tímabil að hefjast í lífi hans.
Svo virðist sem hann hafi haft
stuðning meirihluta bæjarbúa í
þessu erfiða máli. Þar á meðal
fjölmargra Alþýðuflokksmanna.
Borgarafundur var haldinn um
málið í lok ágúst og þar kom
fram geysilega víðtækur stuðn-
ingur við bæjarstjórann afsetta.
En ákvörðun bæjarstjórnar varð
ekki hnikað og deilan snerist í
harkaleg málaferli þar sem Dan-
íel hafði fullan sigur og fékk
dæmdar einhverjar hæstu miska-
bætur sem Hæstiréttur hafði þá
dæmt einstaklingi.
Samviskan í lagi
— Það kom upp í mér þrái við
þessa atburði. Þeir ætluðu eflaust
til þess að ég hrökklaðist burt
af staðnum, en ég var ekki aldeil-
is á þeim buxunum. Þess í stað
fór ég að byggja mér bílskúr og
gaf þannig afdráttarlaust til
kynna að ég ætlaði hvergi að
hopa. Það fór greinilega í taug-
arnar á þeim, hlakkar í þessum
baráttujaxli.
— Þetta var erfiður tími. Mér
þótti sérstaklega þungbært að
ganga atvinnulaus. En ég hafði
alltaf góða samvisku í þessu máli
og tel að ég hafi fengið af því
fullan heiður, segir Daníel um
þetta nær þrjátíu árum síðar.
Það var öðru nær en að Daníel
hrökklaðist burt. Hann fékk
stöðu aðalbókara hjá bæjar-
fógeta árið 1961 og starfaði við
það allt til ársins 1984.
Og árið 1962 fór hann við ann-
an Framsóknarmann inn í bæjar-
stjórn, en kratar töpuðu fylgi.
Daníel var svo í stjórnarand-
stöðu ásamt sósíalistum allan
viðreisnaráratuginn og sat í
bæjarstjórn til ársins 1982, ýmist
í meirihlutasamstarfi eða utan.
Saknar einskis,
iðrast einskis
Hann hefur verið umdeildur,
bæði stjórnmálamaðurinn og
persónan, enda hefur hann kom-
ið til dyranna eins og hann er
klæddur og segir skoðun sína
umbúðalaust. Skoðanir hans
hafa ekki alltaf fallið í góðan
jarðveg og gera ekki enn.
Mönnum hefur fundist hann
óprúttinn í áróðri sínum í
pólitík, mönnum hefur sviðið
undan skrifum hans í Magna.
Sumir hafa eflaust hatast við
hann og hann við þá. Hann hefur
sjálfur orðið fyrir óvönduðum
blaðaskrifum andstæðinga sinna
og verið ausinn þar ýmsum sví-
virðingum. Líklega hefur hann
haft gaman af þessu öllu saman
og maður hefur á tilfinningunni
að hann sé enn fær í flestan sjó í
þessum efnum.
En nú situr hann á friðarstóli
og segist sáttur við andstæðinga
sína í bæjarmálunum. Hann seg-
ist ekki sakna baráttunnar, og sér
heldur ekki eftir neinu.
Daníel hóf ungur störf að fé-
lagsmálum og hefur síðan setið í
ótal nefndum, ráðum og
stjórnum.
Hann var varaþingmaður
Framsóknarflokksins á Vestur-
landi allan sjöunda áratuginn,
þótt sumum hafi þótt hann verð-
skulda hærra sæti á lista flokksins
en það þriðja.
Hann segist þó ekki vera hald-
inn ófullnægðum pólitískum
metnaði.
— Það hefur stundum verið
sagt um mig að ég sé framagjarn,
en það tel ég mig alls ekki vera.
Ég er meira að segja þó nokkuð
feiminn og hef alltaf verið. Ég
hef aldrei haft metnað til þess að
verða pólitískur foringi, hef
miklu fremur litið á mig sem
flokksmann og hef viljað vinna
vel fyrir flokkinn.
Höfði
Afskiptum hans af stjórnmál-
um er lokið. Og þó. Fram-
kvæmda- og baráttugleði sinni
fær hann enn að nokkru leyti
fullnægt. Hann hefur setið í fjár-
öflunar- og framkvæmdanefnd
Höfða undanfarin þrjú ár og hef-
ur haldið utan um fjármál bygg-
ingarinnar frá upphafi í umboði
nefndarinnar.
— Bygging Höfða er mér mik-
ið baráttumál og það veitir mér
mikla ánægju að verja tíma í
það. Ég þigg auðvitað engin laun
fyrir þessa vinnu, enda hef ég
alltaf haft mesta ánægju af þeim
störfum sem hafa verið ólaunuð,
sérstaklega ef ég sé einhvern
árangur af því fyrir framtíðina.
Það yrði mér mikil lífsfullnæging
ef vel tækist til með uppbyggingu
Höfða.
Hann er þáttur í velferðarkerf-
inu og hefur sannarlega miklu
hlutverki að gegna fyrir framtíð-
ina.
Félagshyggjumaðurinn
Hann segist vera hrifinn af ís-
lenska velferðarkerfinu, en fyrir-
lítur þá algengu skoðun að hægt
sé að halda því uppi án þess að
afla til þess tekna með sköttum.
Skoðun hans er sú að hækka
þurfi skatta á hátekjufólk og
minnka launamisréttið. Er hann
þá jafnaðarmaður?
Nei, hann segir að það sé ekki
til í honum sósíalismi, en sam-
þykkir orðið félagshyggjumaður.
— Já, það má segja það. Þeir
stjórnmálamenn sem ég hef met-
ið mest voru menn lítilmagnans
og ég er hlynntur því að ríkið
hafi þó nokkur umsvif og haldi
uppi velferð.
Éf þú værir ungur maður að
gera upp hug þinn í dag, yrðirðu
þá Framsóknarmaður?
— Alveg tvímælalaust, ég hef
aldrei aðhyllst öfgar til hægri eða
vinstri. Ég fæ ekki séð að frjáls-
hyggjan eða kommúnisminn færi
mannkyninu nokkra hamingju.
Þar er reynslan ólygnust.
Situr ekki og
bíður dauðans
Honum vefst ekki tunga um
tönn þessum manni, sem sprott-
inn er af íslensku alþýðufólki og
mótaðist af hugsjónum ung-
mennahreyfingarinnar. Hann
hefur stálminni og það er engu
líkara en hann muni pólitíska
sögu aldarinnar utan að. Hann er
líka þekktur fyrir að kunna skil á
ættum flestra íslendinga og það
þvælist ekki fyrir honum að
nefna nokkra forfeður blaða-
mannsins. Það kemur þó fyrir að
hann hugsi sig um um stund og
lítur þá gjarna til lofts til þess að
finna réttu orðin.
í árum og mánuðum talið er
hann orðinn nokkuð gamall, en
virðist una ellinni vel. Hann hef-
ur ýmislegt að starfa og leggur
mikla áherslu á að leggjast ekki í
iðjuleysi.
Auk starfsins fyrir Höfða gefur
hann út bækur, þótt það sé
kannski ekki á flestra vitorði.
Hann og Stefán Júlíusson barna-
bókahöfundur hafa rekið Bóka-
útgáfuna Björk í nær fimmtíu
ár og gefið út markar þekktar
barnabækur. Þeirra á meðal
skemmtilegu smábarnabækurn-
ar, sem svo eru nefndar, Selinn
Snorra, Palli var einn í heimin-
um, Bamba og fleiri.
— Það er geysilega mikilvægt
að hafa eitthvað að gera. Það er
ömurlegt að setjast niður að lok-
inni starfsævi og bíða dauðans.
MESIU
NNINGSUKUR
í HAPPDRÆTTI
HÉRLENDIS
Happdrœtti SÍBS gefur mestu vinningslíkurnar hjá
stórhappdrœttunum. Líkurnar á vinningi 1990 eru
einn af hverjum þremur.
Vertu með þar sem þú hefur mesta vinningsvon!
Umboðsmenn um land allt
Óbreytt miðaverð kr. 400.-
Eftirtalin fyrirtæki óska starfsfólki og viðskiptavinum sínum gleðilegra jóla með þökk fyrir árið sem er að líða:
Tréverk hf. Rafnes Bókhaldsþjónustan sf.
Renniþjónustan Bíasalan Bílá Bílaleigan 5tó 5 Pi Bifreiðaverkstæði halldórs Quðmundssonar